 "Kishkindhapuri Review: ‘కిష్కింధపురి’ మూవీ రివ్యూ.. బెల్లంకొండ గట్టెక్కినట్టేనా..!")
Kishkindhapuri Rating:
కథ
‘కిష్కిందాపురి’ కథ రాఘవ్ (బెల్లంకొండ సాయి శ్రీనివాస్).. మైతిలి (అనుపమ పరమేశ్వరన్) చుట్టూ తిరుగుతుంది. వీరిద్దరూ ఒక కంపెనీలో పని చేస్తూ, ఆత్మల గురించి పరిశోధిస్తుంటారు. ఒక రోజు..పాత రేడియో స్టేషన్ అయిన సువర్ణమయకు టూర్ తీసుకెళ్లినప్పుడు అక్కడి రేడియో ఒక్కసారిగా పనిచేయడం మొదలవుతుంది. ఆ తర్వాత ఆ స్టేషన్కి వెళ్లినవారు ఒక్కొక్కరుగా రహస్యంగా చనిపోతుంటారు. వీరి వెనుక ఉన్న శక్తి ఎవరు? రాఘవ్, మైతిలి మర్డర్ మిస్టరీలను ఎలా బయటపెట్టారనే ప్రశ్నలకు సినిమా సమాధానం చెబుతుంది.
కథనం, విశ్లేషణ..
‘కిష్కింధపురి’లో హారర్ వాతావరణం నేపథ్యాన్ని చాలా బాగా సెట్ చేశారు. జంప్ స్కేర్స్ సరైన టైమింగ్లో వచ్చాయి. ఫ్లాష్బ్యాక్ కథనం కూడా కొత్తగా తెరకెక్కించాడు దర్శకుడు. అయితే..మొదటి కొన్ని నిమిషాలు నెమ్మదిగా సాగడం, క్లైమాక్స్లో భావోద్వేగం తగ్గిపోవడం సినిమాలో కాస్త లోపాలు. కొన్ని సన్నివేశాలు త్వరగా ముగిసిపోవడం వల్ల ప్రేక్షకుల్లో పూర్తి సంతృప్తి కలగకపోవచ్చు.
టెక్నికల్ సిబ్బంది పనితీరు
చైతన్ భరద్వాజ్ అందించిన బ్యాక్గ్రౌండ్ స్కోర్ ప్రేక్షకులకు భయభ్రాంతులకు గురిచేసింది. సినిమాటోగ్రాఫర్ చిన్మయ్ సలస్కార్ కెమెరా పనితనం హారర్ సీన్స్కి సహకరించింది. ఎడిటర్ నిరంజన్ దేవరమేన్ ఎడిటింగ్ బాగుంది. డైరెక్టర్ కౌశిక్ పెగలపాటి స్క్రీన్ప్లేతో ప్రేక్షకులను కట్టిపడేసాడు. హార్రర్, థ్రిల్లర్ ఇష్టపడే ప్రేక్షకులకు ఈ సినిమా నచ్చుతుంది. లేని పోని అనవసర సన్నివేశాలకు తావివ్వలేదు.
నటీనటీల పర్ఫామెన్స్
బెల్లంకొండ సాయి శ్రీనివాస్ తన పాత్రలో నిజాయితీగా నటించాడు. గత సినిమాలతో పోలిస్తే నటనలో మంచి ఇంప్రుమెంట్ కనిపించింది. అనుపమ పరమేశ్వరన్ ఆకట్టుకునే పాత్రలో ఒదిగిపోయింది. . ముఖ్యంగా హాస్పిటల్ సీన్లో అద్భుతంగా నటన కనబరిచింది. . విలన్ పాత్ర కూడా బాగా రాసుకోవడం..వల్ల కథకి ప్లస్ పాయింట్. ఇతర నటులు కూడా తమ పాత్రల్లో ఒదిగపోయారు.
తీర్పు
మొత్తం మీద, ‘కిష్కింధపురి’ నిజాయితీతో తీసిన హారర్ థ్రిల్లర్. కామెడీ లేదా అవసరం లేని సీన్స్ లేకపోవడం.. బలమైన టెక్నికల్ వాల్యూస్, అనూహ్యమైన ట్విస్టులు సినిమా ప్లస్ పాయింట్స్. బెల్లంకొండ సాయి శ్రీనివాస్, అనుపమ పరమేశ్వరన్ నటన బాగున్నాయి. సినిమాలో కాస్త భావోద్వేగం కొద్దిగా లోపించడం పెద్ద మైనస్. హారర్ సినిమాలు ఇష్టపడేవారికి మాత్రం ఇది మంచి అనుభవం ఇస్తుంది.
రేటింగ్: 3/5
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
)