M4M Movie Heroine: ప్రముఖ సస్పెన్స్ థ్రిల్లర్ మూవీ ‘ఎం4ఎం’ (Motive for Murder) ప్రపంచవ్యాప్తంగా సినీ ప్రేమికుల దృష్టిని ఆకర్షిస్తోంది. ఈ చిత్రంలో ప్రధాన పాత్ర పోషించిన జో శర్మ తాజాగా ఆస్కార్ 2025 వేడుకకు హాజరై అందరి దృష్టిని ఆకర్షించారు. అమెరికాలోని లాస్ ఏంజిల్స్ లో ఘనంగా జరిగిన ఈ ప్రతిష్ఠాత్మక అవార్డుల వేడుకలో పాల్గొనే అరుదైన అవకాశాన్ని పొందటం ఆనందంగా ఉందని ఆమె పేర్కొన్నారు.
ఈ అద్భుతమైన వేడుకలో పాల్గొనడం ఓ గౌరవంగా భావిస్తున్నానని జో శర్మ చెప్పారు. ప్రత్యేకంగా హాలీవుడ్ ప్రముఖ నటి, గాయని అరియానా గ్రాండే ను దగ్గరగా కలుసుకోవడం ఓ చిరస్మరణీయ అనుభూతిగా అభివర్ణించారు. “ఈ కలర్ఫుల్ ఈవెంట్ను సమీపంగా వీక్షించడం జీవితాంతం గుర్తుంచుకునే గొప్ప అనుభూతి” అని ఆమె అన్నారు.
‘ఎం4ఎం’ సినిమా సస్పెన్స్ థ్రిల్లర్గా తెరకెక్కింది. మోహన్ వడ్లపట్ల దర్శకత్వం వహించిన ఈ చిత్రం హిందీ, తెలుగు, తమిళం, కన్నడ, మలయాళం భాషల్లో విడుదలకు సిద్ధమైంది. థ్రిల్లింగ్ స్క్రీన్ప్లే, ఆకట్టుకునే కథనంతో M4M ప్రేక్షకులను విశేషంగా అలరించనుంది.
భారత్తో పాటు అమెరికాలో కూడా M4M సినిమాపై భారీ అంచనాలు నెలకొన్నాయి. ఈ సినిమా ప్రమోషన్లో భాగంగా జో శర్మ ప్రత్యేకంగా అమెరికాలోని 40 నగరాలను సందర్శించే ప్రచార యాత్ర ప్రారంభించారు. సినిమా ప్రమోషన్ సందర్భంగా ఆమె అభిమానుల ప్రేమాభిమానాలను కోరుతూ, ఈ సినిమా విజయం సాధించాలని ఆకాంక్షించారు.
M4M మూవీ టీజర్, ట్రైలర్ ఇప్పటికే ప్రేక్షకుల్ని విపరీతంగా ఆకట్టుకుంటున్నాయి. సినిమా కథ, దృశ్యకావ్యం, నేపథ్య సంగీతం వంటి అంశాలు థ్రిల్లర్ జానర్ ప్రేమికులను విశేషంగా ఆకర్షిస్తున్నాయి. అభిమానులు ఈ సినిమాపై పెట్టుకున్న అంచనాలు భారీ స్థాయిలో ఉండటంతో, M4M మూవీ ఘన విజయం సాధించే అవకాశాలు ఎక్కువగా ఉన్నాయి.
ఆస్కార్ వేడుకలో జో శర్మ తళుక్కుమన్న ప్రదర్శన, M4M మూవీ ప్రమోషన్ యాత్ర, అభిమానుల మద్దతుతో ఈ సినిమా పెద్ద హిట్ అవుతుందని అంచనా వేయవచ్చు. తెలుగు సినిమా ప్రపంచవ్యాప్తంగా గుర్తింపు పొందేలా ‘ఎం4ఎం’ విజయవంతం కావాలని సినీ ప్రియులు కోరుకుంటున్నారు.
Also Read: Banakacherla Project: గురువు చంద్రబాబుకు భారీ షాక్ ఇచ్చిన రేవంత్ రెడ్డి.. బనకచర్లపై అభ్యంతరం
Also Read: Kavitha Womens Day: 'మార్చి 8న ఆడపిల్లలకు స్కూటీలు పంపిణీ చేయాలి'
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
