Khaleja Re Release Collections: ఫ్లాప్ మూవీతో చరిత్ర సృష్టించిన మహేష్ బాబు.. రీ రిలీజ్ లో ‘ఖలేజా’ సంచలన రికార్డు..

Khaleja Re Release Collections: తెలుగులో ఒకప్పుడు టీవీలు శాటిలైట్ ఛానెల్స్ లేనపుడు పాత బ్లాక్ బస్టర్ సినిమాలతో పాటు అంతగా నడవని బడా హీరోల సినిమాలు రీ రిలీజ్ చేయడం అనేది ఉండేది. ఇక శాటిలైట్, ఓటీటీలు పెరిగిన తర్వాత ఈ రీ రిలీజ్ ట్రెండ్ పెరిగింది. తాజాగా మహేష్ బాబు హీరోగా నటించిన ‘ఖలేజా’ మూవీ ఇపుడు రీ రిలీజ్ లో సరికొత్త చరిత్ర సృష్టించింది.

Written ByTA Kiran KumarUpdated byTA Kiran Kumar

Published: Jun 04, 2025, 05:16 AM IST|Updated: Jun 04, 2025, 05:20 AM IST

join share

Khaleja Re Release Collections: ఫ్లాప్ మూవీతో చరిత్ర సృష్టించిన మహేష్ బాబు.. రీ రిలీజ్ లో ‘ఖలేజా’ సంచలన రికార్డు..

Image Credit: Khaleja Re Release Collection (X/Source)

Khaleja Re Release Collections: గత కొన్నేళ్లుగా తెలుగులో బడా స్టార్స్ నటించిన చిత్రాలు రిలీజ్ కావడానికి యేళ్లకు యేళ్లు సమయం గడిచిపోతుంది. దీంతో వాళ్ల పాత కల్ట్ చిత్రాలను రీ రిలీజ్ చేస్తూ ఫ్యాన్స్ ను అలరించే ప్రయత్నం చేస్తున్నారు. రీసెంట్ గా మహేష్ బాబు హీరోగా త్రివిక్రమ్ దర్శకత్వంలో నటించిన ‘ఖలేజా’ చిత్రాన్ని సూపర్ స్టార్ కృష్ణ బర్త్ డే సందర్భంగా రీ రిలీజ్ చేసారు. అప్పట్లో విడుదల సందర్భంగా ఈ సినిమా బాక్సాఫీస్ దగ్గర డిజాస్టర్ గా నిలిచింది. కనీసం పోస్టర్ ఖర్చులు కూడా రాలేదు. ఎలాంటి లాజిక్ లేకుండా తెరకెక్కిన ఈ సినిమా టీవీల్లో బ్లాక్ బస్టర్ గా నిలిచింది. ముఖ్యంగా సినిమా కథ సోదిగా ఉన్నా..ఇందులో త్రివిక్రమ్ మాటల పవర్ కు మహేష్ బాబు యాక్టింగ్ కు ప్రేక్షకులు ఫిదా అయ్యారు.

తాజాగా ఈ సినిమాను రీ రిలీజ్ చేస్తే ఇప్పటి వరకు ఏ తెలుగు సినిమా రీ రిలీజ్ లో ఈ రేంజ్ వసూళ్లను రాబట్టింది. అంతేకాదు మహేష్ బాబు ‘ఖలేజా’ చిత్రం తొలి రోజే రీ రిలీజ్ లో దాదాపు రూ.7 కోట్ల గ్రాస్ కలెక్షన్స్ ను రాబట్టింది. ఇక నిన్నటితో ఈ సినిమా 5 రోజుల పూర్తి చేసుకున్న ఈ చిత్రం మొత్తంగా రూ. 11 కోట్ల వరకు గ్రాస్ వసూళ్లను రాబట్టినట్టు ట్రేడ్ వర్గాలు చెబుతున్నాయి. రీ రిలీజ్ లో ఓ సినిమా డబుల్ డిజిట్ లో వసూళ్లను రాబట్టిన సినిమాగా మహేష్ ఖలేజా సరికొత్త చరిత్ర సృష్టించింది.

అది కూడా 15 యేళ్ల క్రితం బాక్సాఫీస్ దగ్గర డిజాస్టర్ గా నిలిచిన ‘ఖలేజా’ చిత్రానికి ఈ రేంజ్ వసూళ్లు రాబట్టడం చూసి ట్రేడ్ వర్గాలు సైతం ముక్కున వేలేసుకుంటున్నారు. అంతేకాదు ఈ సినిమా రీ రిలీజ్ లో ఈ సినిమాకు పోటీగా విడుదలైన చిత్రాల కంటే ఎక్కువ వసూళ్లు ఈ చిత్రానికి రావడం విశేషం. మొత్తంగా మహేష్ బాబు బ్లాక్ బస్టర్ చిత్రానికే కాదు..ఆయన డిజాస్టర్ సినిమాకు కూడా ఈ రేంజ్ రెస్పాన్స్ రావడం మాములు విషయం కాదు. ఇదే ఊపులో త్రివిక్రమ్ దర్శకత్వంలో మహేష్ బాబు నటించిన ‘అతడు’ చిత్రాన్ని ఆగష్టు 9న మహేష్ బాబు పుట్టినరోజు సందర్భంగా రీ రిలీజ్ చేస్తున్నట్టు ప్రకటించారు. మరి అతడు సినిమా రీ రిలీజ్ లో ఏ రేంజ్ వసూళ్లను రాబడుతుందో అని ఇప్పటి నుంచే మహేష్ బాబు అభిమానులు లెక్కలు వేసుకుంటున్నారు.

Also Read: NTR Sensational Record: తెలుగులో మరే ఇతర హీరోలు బ్రేక్ చేయని రికార్డు సాధించిన అన్న ఎన్టీఆర్..

Also Read: Nandamuri Heroes: నందమూరి మూడు తరాల హీరోలు కలిసి నటించిన ఈ సినిమా తెలుసా

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.

Add Zee News as a Preferred Source

Tags:

Khaleja Re Release Collections

Khaleja Re Release Collection Records

Khaleja Re Release Pre Release Sales

Khaleja Re Release Pre Relese

mahesh babu

trivikram

About the Author

TA Kiran Kumar

కిరణ్ కుమార్ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.