 "Star Hero: సినిమాల్లోకి తెలుగు స్టార్ హీరో కొడుకు ఎంట్రీ.. అది కూడా ఆర్ఎక్స్ 100 దర్శకుడితో..!")
Jayakrishna debut: రమేష్ బాబు కూడా ఒకప్పుడు తెలుగులో ఎన్నో రోజుల పాటు స్టార్ హీరోగా కొనసాగారు. కృష్ణా కొడుకుగా ముందుగా సినిమాల్లోకి అడుగు పెట్టింది రమేష్ బాబు. మొదట్లో మంచి విజయాలు సాధించిన ఈ హీరోకి ఆ తరువాత కొన్ని వరుస ప్లాపులు రావడంతో సినిమాలకు దూరమయ్యారు. ఇక కొద్ది రోజులకు మహేష్ బాబు కృష్ణ కొడుకుగా ఎంట్రీ ఇచ్చి సూపర్ స్టార్ గా ఎదిగారు. ఇక ఇప్పుడు రమేష్ బాబు కొడుకు.. సినిమాల్లోకి రానన్నాడు.
ఈ భారీ లాంచ్కి రంగం సిద్ధం చేస్తున్నది ప్రముఖ దర్శకుడు అజయ్ భూపతి కావడం మరో విశేషం. RX 100, మంగళవారం వంటి వైవిధ్యమైన చిత్రాలతో తనకంటూ ప్రత్యేక గుర్తింపు తెచ్చుకున్న అజయ్, ఇప్పుడు జయకృష్ణ కోసం ఓ పవర్ఫుల్ స్క్రిప్ట్ సిద్ధం చేస్తున్నాడు. ప్రస్తుతం మంగళవారం 2 ప్రీ-ప్రొడక్షన్ దశలో ఉండగానే, ఈ కొత్త ప్రాజెక్టుపై దృష్టి పెట్టారు.
ఈ సినిమాను రెండు పెద్ద నిర్మాణ సంస్థలు – వైజయంతీ మూవీస్, ఆనంది ఆర్ట్స్ క్రియేషన్స్ కలిసి నిర్మించనున్నట్టు సమాచారం. భారీ బడ్జెట్తో రూపొందే ఈ చిత్రం గురించి ఇంకా అధికారిక ప్రకటన వెలువడలేదు కానీ, అఫిషియల్ డీటెయిల్స్ త్వరలో విడుదలయ్యే అవకాశం ఉంది.
జయకృష్ణ ప్రస్తుతం లండన్లో ప్రొఫెషనల్ యాక్టింగ్ కోర్సు చేస్తున్నాడు. ఇటీవల విడుదలైన అతని ఫోటోలు సోషల్ మీడియాలో వైరల్ అవుతూ ఫ్యాన్స్లో ఆసక్తిని పెంచుతున్నాయి. మరోవైపు, ఈ లాంచ్ను మహేష్ బాబు స్వయంగా పర్యవేక్షిస్తున్నట్లు ఇండస్ట్రీ వర్గాల్లో వార్తలు వినిపిస్తున్నాయి. సరిగ్గా ప్లానింగ్, హై టెక్నికల్ స్టాండర్డ్స్తో జయకృష్ణని మంచి స్థాయిలో పరిచయం చేయాలని మహేష్ ఆకాంక్షిస్తున్నాడని సమాచారం.
ఈ కొత్త కథానాయకుడి ఎంట్రీపై ఇండస్ట్రీలో భారీ అంచనాలు నెలకొన్నాయి. అధికారిక ప్రకటన వెలువడిన వెంటనే ఫ్యాన్స్ ఉత్సాహం మరింత పెరగనుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
)