 "Prabhas: ప్రభాస్ వల్ల మొత్తం పోయింది అంటున్న స్టార్ హీరోయిన్.. ఏమైందంటే..!")
)
Prabhas Malavika Mohanan: మాళవిక మోహనన్ సౌత్ ఇండస్ట్రీలో తనకంటూ ప్రత్యేక గుర్తింపు సంపాదించుకున్న నటి. పలు హిందీ, తమిళ చిత్రాల్లో నటించిన ఆమె ఇప్పటి వరకూ తెలుగు సినిమాల్లో కనబడలేదు. అయితే, తాజాగా మాళవిక టాలీవుడ్కు గ్రాండ్ ఎంట్రీ ఇవ్వబోతోంది, అదే 'రాజాసాబ్' సినిమా ద్వారా.
ఈ సినిమాలో మాళవిక.. ప్రభాస్ సరసన నటిస్తున్న విషయం ఇప్పటికే అభిమానులలో ఆసక్తి తీసుకువచ్చింది. మొదటి చిత్రంలోనే ప్రభాస్ జోడీగా నటించడం తనకెంతో ప్రత్యేకమైన అనుభూతిగా మాళవిక చెబుతోంది. 'రాజాసాబ్' షూటింగ్ మొదటి రోజు గురించి మాట్లాడుతూ, ఆ రోజును ఆమె జీవితాంతం మరిచిపోలేనిదిగా భావిస్తోంది.
తాజా ఇంటర్వ్యూలో మాళవిక మాట్లాడుతూ, “ఆ రోజు నాకు పూర్తిగా అలసటగా అనిపించింది. కాని, సెట్లో ప్రభాస్ను చూసిన క్షణమే నాకు అలసట మొత్తం పోయింది. ఆయనతో మాట్లాడిన కొద్దిలోనే ఒక కొత్త శక్తి నాలోకి వచ్చింది” అని చెప్పింది. ఆయన చాలా వినయంగా ఉంటారు అని చెప్పుకొచ్చింది.
ఈ సినిమా కోసం మాళవిక మూడు సంవత్సరాలుగా ఎదురు చూస్తోందట. మొదట కథ చెప్పినప్పుడు తనకు చాలా నచ్చిందని.. కొన్ని కారణాల వల్ల తాను షూటింగ్లో చేరడం..ఆలస్యం అయినా, ప్రస్తుతం పూర్తి ఉత్సాహంతో షూటింగ్లో పాల్గొంటున్నానని చెప్పింది. డైరెక్టర్ మారుతి ఈ సినిమాలో ఆమె పాత్రపై గోప్యత పాటించాలని చెప్పినందున.. మాళవిక ఇంకా తన పాత్ర గురించి పూర్తిగా వివరాలు తెలియజేయలేదు.
'రాజాసాబ్' టీజర్ ఇటీవలే విడుదలై మంచి స్పందన పొందింది. డిసెంబర్లో ఈ సినిమా విడుదలకు సిద్ధమవుతోంది.
మరో పక్క ప్రభాస్ ఈ సినిమాతోనే కాకుండా.. మరి ఎన్నో పాన్ ఇండియా చిత్రాలతో బిజీగా ఉన్నారు. ముఖ్యంగా మారుతీ దర్శకత్వంలో వస్తున్న రాజా సాబ్ పై అంచనాలు ఎక్కువగా ఉండగా.. ఆ తర్వాత సందీప్ రెడ్డి వంగా దర్శకత్వంలో రానున్న స్పిరిట్ పై కూడా భారీ అంచనాలు నెలకొన్నాయి. అయితే స్పిరిట్ సినిమా కన్నా ముందు.. ప్రభాస్.. హను రాఘవపూడి దర్శకత్వంలో రామన్న చిత్రం విడుదల కానుంది. మరి ఈ సినిమాలు అన్ని ప్రభాస్ రేంజ్ మరింత పెంచుతాయేమో వేచి చూడాలి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
