Manoj Sensational Comments: గత కొద్దిరోజులుగా మంచి ఫ్యామిలీలో జరుగుతున్న వివాదాలు తెలిసిన విషయమే. అయితే ఈ వివాదాలపై ఎక్కువగా మంచు మనోజ్ రియాక్ట్ అవుతూ ఉండటం మీడియాలో చూస్తూనే ఉన్నాం . చిన్న ఛాన్స్ వచ్చినా కానీ ఆయన తన తండ్రి మోహన్ బాబుని.. అన్న మంచి విష్ణువుని ఏదో ఒక మాట అంటూనే వస్తున్నారు. ఈ క్రమంలో నిన్న జరిగిన ప్రీ రిలీజ్ ఈవెంట్లో మరిన్ని ఆశ్చర్యకర వ్యాఖ్యలు చేశారు ఈ హీరో.
బెల్లంకొండ శ్రీనివాస్, నారా రోహిత్, మంచు మనోజ్ కలిసి నాకిష్టన్న సినిమా భైరవం. విడుదలకు సిద్ధంగా ఉన్న ఈ మల్టీ-స్టారర్ చిత్రం ట్రైలర్ ఈవెంట్లో మంచు మనోజ్ చేసిన స్పీచ్ సినీ వర్గాల్లోనే కాదు, సామాజిక మాధ్యమాల్లో కూడా తీవ్ర చర్చకు దారి తీసింది.
ఈ ఈవెంట్ సందర్భంగా మనోజ్ తన సినీ ప్రస్థానం గురించి, మధ్యలో వచ్చిన విరామం గురించి, అభిమానుల మద్దతు గురించి మాట్లాడారు. తొమ్మిదేళ్ల విరామం తర్వాత తిరిగి తెరపైకి రావడాన్ని ఒక పునర్జన్మలా చెప్పుకొచ్చారు. ‘‘తొమ్మిదేళ్ల పాటు సినిమాలకు దూరంగా ఉన్నా, మీరు నన్ను మరచిపోలేదు. మీరు చూపించిన ప్రేమకు నేను రుణపడి ఉంటాను’’ అని భావోద్వేగంతో మాట్లాడారు.
అయితే ఈ సందర్భంలో తన సోదరుడు మంచు విష్ణుపై పరోక్షంగా వేసిన వ్యాఖ్యలు ఇప్పుడు హాట్ టాపిక్గా మారాయి. “శివయ్యా అని పిలిస్తే ఆ శివుడు రాడు.. అదే మనం మనసులో తలుచుకుంటే.. మా డైరెక్టర్ లానో, మా నిర్మాతలానో తప్పకుండా వస్తాడు.. మా మీద నమ్మకంతో 50 కోట్ల వరకు నిర్మాత ఖర్చు పెట్టారు.. నేను అంతకు ముందు కూడా గొప్ప చిత్రాలని చేయలేదు.. నేనేమీ అంట గొప్పవాడ్ని కాదు.. కేవలం నాకు నచ్చిన సినిమాలు చేసుకుంటూ వచ్చాను.. అయినా మా మీద నమ్మకంతో అంత ఖర్చు పెట్టారు.. కథ మీద ఖర్చు పెట్టారు..భైరవం సినిమా షూటింగ్ సమయంలో నా పర్సనల్ లైఫ్ పరంగా నాకు ఎన్నో సమస్యలు వచ్చాయి. నేనొక రోజు నా ఊరికి వెళ్లి వచ్చే లోపల.. నన్ను కట్టుబట్టలతో సహా బయటకు పంపించేశారు.. నా కారుని కూర తీసుకెళ్లిపోయారు.. అయినా నేను బాధపడలేదు.. ఒక కారు పోతే.. నా కోసం అభిమానులు దాదాపు 20 కార్లు తెచ్చి పెట్టి రెడీగా ఉంచారు.. ఆ ప్రేమను ఎవ్వరూ తీసుకెళ్లలేరు.. ఈ జన్మకి నేను మోహన్ బాబు గారి కొడుకునే.. న్యాయం, నిజాయితీ అంటూ నూరిపోసి నన్ను పెంచాడు.. కానీ ఇప్పుడు మాత్రం నేను న్యాయం కోసం నిలబడితే అది తప్పు అని చెబుతున్నారు..,”అంటూ చెప్పుకొచ్చారు.
మొత్తానికి ఇలా సందు దొరికినప్పుడల్లా విష్ణువుని మోహన్ బాబుని ఏదో ఒక మాట అంటూ వస్తున్నారు మంచు మనోజ్. ఈ క్రమంలో అభిమానుల దగ్గర నుంచి మిశ్రమ స్పందన వస్తోంది. ఇంటి గొడవని.. బయటికి తీసుకురావడమే కాకుండా ఇలా ప్రతిసారి వారిద్దరిని అనడం సరైనది కాదు అని కొంతమంది కామెంట్స్ పెడుతున్నారు. మరి ఇప్పటికన్నా మంచు మనోజ్ తన వైఖరి మార్చుకొని తన ఇంటి సమస్యలను ఇంట్లో వాళ్ళతో మాట్లాడి తీర్చుకుంటారా.. లేదా ఎప్పటిలానే ఇలా మీడియా ముందర వాళ్ళని ఏదో ఒకటి అంటూ ఆనందపడతారా చూడాలి
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
)