Maya S Krishnan latest news
మీటూ ఉద్యమ సమయంలో మాయా ఎస్ కృష్ణన్ పేరు మార్మోగింది. అయితే, ఇప్పుడు ఆమె మరోసారి వార్తల్లో నిలిచింది. కానీ ఈసారి ఆమె ఉద్యమాలతో కాకుండా, హాలీవుడ్ స్థాయిలో ఎదుగుతూ అందరి దృష్టిని ఆకర్షిస్తోంది. లాస్ ఏంజిల్స్లో ఆమె ప్రస్తుతం సెన్సేషన్గా మారింది.
తాజాగా, మాయా ఎస్ కృష్ణన్ 2025 ఆస్కార్ రెడ్ కార్పెట్కు ప్రఖ్యాత స్టైలిస్ట్ పోషెన్తో కలిసి పని చేయనుంది. పోషెన్, హాలీవుడ్ ఫ్యాషన్ ప్రపంచంలో ట్రెండ్ సెట్టర్గా పేరు తెచ్చుకున్న వ్యక్తి. ప్రముఖ ఫొటోగ్రాఫర్ స్టీవ్తో కలిసి మాయాను ఓ ప్రత్యేక ఫోటోషూట్కి ఆహ్వానించారు. ఈ అవకాశంతో మాయాకు అంతర్జాతీయ స్థాయిలో మరిన్ని అవకాశాలు దక్కే అవకాశం ఉంది.
మాయా త్వరలో పారిస్, లాస్ ఏంజిల్స్లో ఆడిషన్లకు హాజరయ్యే అవకాశముందని సమాచారం. 2021లో ఆమె ఫ్రెంచ్ యాక్షన్ షార్ట్ ఫిల్మ్లో (జవాన్, ఫ్యామిలీ మ్యాన్, మావీరన్ ఫేమ్ అయిన యానిక్ బెన్ దర్శకత్వంలో) నటించిందన్న అనుభవం ఇప్పుడు ఆమెకు అంతర్జాతీయ అవకాశాలకు దారి తీస్తోందని చెబుతున్నారు.
మాయా ఎస్ కృష్ణన్ త్వరలో తెలుగు సినిమా పరిశ్రమలోకి ఎంట్రీ ఇవ్వనున్నారు. ఆమె "ఫైటర్ రాజా" అనే సినిమా ద్వారా ప్రేక్షకుల ముందుకు రానున్నారు. ఈ సినిమా కొత్త దర్శకుడు కృష్ణ ప్రసాద్ తెరకెక్కిస్తుండగా, ఇది రొటీన్ ప్రేమ కథలకు భిన్నంగా ఉండే రొమాంటిక్ కామెడీ చిత్రమని తెలుస్తోంది. మాయా ఈ చిత్రంలో భాగం కావడం తనకు గర్వకారణమని తెలిపారు.
తన టాలెంట్ను విభిన్న కోణాల్లో చూపించిన మాయా, త్వరలో స్వంత మ్యూజిక్ ఆల్బమ్ విడుదల చేయనున్నారు. ఆమె సంగీతం, సినిమా రంగాల్లో సంప్రదాయాలను మార్చే ప్రయత్నమే తన లక్ష్యమని చెబుతున్నారు. మాయా నటనలో మాత్రమే కాదు, యూట్యూబ్ స్కెచ్ కామెడీ ద్వారా కూడా విపరీతమైన క్రేజ్ సంపాదించారు. ఆమె సృష్టించిన "మంజుల" అనే క్యారెక్టర్ చాలా మందికి నచ్చింది. ఈ క్యారెక్టర్ వైరల్ కావడంతో ఆమెకు డిజిటల్ ప్రపంచంలో సుస్థిర స్థానం లభించింది.
సినిమా, సంగీతం, ఫ్యాషన్లో తనదైన ముద్ర వేసినప్పటికీ, మాయా నాటకరంగాన్ని మరింత ప్రేమిస్తారు. భారతదేశంలో ప్రముఖ థియేటర్ సంస్థలతో అనేక విజయవంతమైన ప్రదర్శనలిచ్చిన మాయా, ఫ్రాన్స్లోని ప్రఖ్యాత థియేటర్ గ్రూపుల వేదికలపై తన ప్రతిభను ప్రదర్శించి అంతర్జాతీయ గుర్తింపు సాధించారు.
మాయా "ఇలులు" అనే థియేటర్ కలెక్టివ్ను స్థాపించారు. అనేక మంది నాటక కళాకారులు ఆర్థిక సమస్యల కారణంగా రంగస్థలాన్ని వీడాల్సిన పరిస్థితిని గమనించిన మాయా, ఈ కలెక్టివ్ ద్వారా వారికి ఉపాధి అవకాశాలు కల్పించే ప్రయత్నం చేస్తున్నారు. "బిగ్ బాస్" గెలిస్తే థియేటర్ కోసం స్థిర ప్రదేశం ఏర్పాటు చేయాలనుకున్నా, అది సాధ్యపడలేదు. కానీ, మాయా తన ప్రయత్నాలను ఆపలేదు. "ఇలులు" ద్వారా మరిన్ని కళాకారులకు అవకాశాలు కల్పించాలని మాయా లక్ష్యంగా పెట్టుకున్నారు.
చిన్న పట్టణం నుంచి అంతర్జాతీయ వేదికల వరకు తన ప్రతిభను చాటుకున్న మాయా, సినిమా, సంగీతం, నాటకరంగం, డిజిటల్ మీడియా—ఈ నలుగురిలోనూ తనదైన ముద్ర వేస్తూ ముందుకు సాగుతోంది.
Also Read: Sister Murder: ఇన్నాళ్లు భార్యాభర్తలు చంపుకోగా.. ఇప్పుడు సొంతక్కను అత్యంత దారుణంగా
Also Read: Water Bottle Fine: వాటర్ బాటిల్కు ఎక్స్ట్రా రూ.27 తీసుకున్నందుకు రూ.27 లక్షల భారీ జరిమానా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
