Thandel Hindi world Television Premier: ప్రముఖ టీవీ ఛానెల్ లో వరల్డ్ టెలివిజన్ ప్రీమియర్ గా ‘తండేల్’ హిందీ వెర్షన్..

Thandel Hindi world Television Premier: శోభితతో పెళ్లి తర్వాత అక్కినేని హీరోలకు కలిసొచ్చిందనే చెప్పాలి. పెళ్లి తర్వాత నాగ చైతన్య హీరోగా చందూ మొండేటి దర్శకత్వంలో తెరకెక్కిన ‘తండేల్’ మూవీ బాక్సాఫీస్ దగ్గర మంచి విజయాన్నే నమోదు చేసింది. అంతేకాదు అక్కినేని నాగ చైతన్య కెరీర్ లో తొలి రూ. 100 కోట్ల గ్రాస్ కలెక్షన్స్ రాబట్టిన సినిమాగా రికార్డు క్రియేట్ చేసింది. అంతేకాదు అక్కినేని హీరోల్లో సోలోగా తొలి రూ. 100 కోట్ల గ్రాస్ రాబట్టిన హీరోగా నాగ చైతన్య రికార్డు క్రియేట్ చేశారు. బాక్సాఫీస్ దగ్గర బ్లాక్ బస్టర్ గా నిలిచిన ఈ సినిమా నెట్ ఫ్లిక్స్ ఓటీటీ వేదికగా మంచి రెస్పాన్స్ తెచ్చుకుంది. అక్కడ కూడా ఈ సినిమా సూపర్ వ్యూవర్ షిప్ ను సొంతం చేసుకుంది. 

తాజాగా ఈ సినిమా హిందీ వెర్షన్ వరల్డ్ టెలివిజన్ ప్రీమియర్ కు డేట్ టైమ్ ఫిక్స్ అయింది. ఈ సినిమా సోనీ మ్యాక్స్ లో ఈ నెల 15న ఆదివారం సాయంత్రం 8 గంటలకు ప్రసారం కానుంది. హిందీ ఆడియన్స్ కు కనెక్ట్ అయ్యే కంటెంట్ కావడంతో ఈ సినిమా అక్కడ ప్రేక్షకులను అలరించడం పక్కా అని చెబుతున్నారు. తండేల్ చిత్రాన్ని గీతా ఆర్ట్స్ బ్యానర్ ప్రతిష్ఠాత్మకంగా నిర్మించింది. 

‘తండేల్’ చిత్రాన్ని నిజ జీవిత గాథ ఆధారంగా  ఆధారంగా తెరకెక్కించారు.  చేపల వేటకు వెళ్లిన ఓ మత్స్య కారుల బృందం అనుకోకుండా పాకిస్థాన్ కోస్ట్ గార్డ్ కు చిక్కుతారు. దీంతో వాళ్లను అక్కడ కరాచీ జైల్లో ఉంచుతారు. వాళ్లను విడిపించడానికి భారత ప్రభుత్వం ఎలాంటి ప్రయత్నాలు చేసింది. అందుకోసం కథానాయికగా ఏం చేసిందనేదే ‘తండేల్’ మూవీ స్టోరీ. 

పాకిస్థాన్ ముష్కర మూకల చెరలో చిక్కుకున్న వాళ్ల బాధను  చందూ మొండేటి ఎంతో భావోద్వేగ భరితంగా తెరపై ఆవిష్కరించాడు. ఈ చిత్రం ఏకంగా రూ. 65 కోట్ల షేర్ (రూ. 103 కోట్ల గ్రాస్) వసూళ్లను రాబట్టింది. కెరీర్ లో వరుసగా రెండు డిజాస్టర్స్ తర్వాత హీరోగా నాగ చైతన్యకు ఈ సినిమా మంచి పేరు తీసుకొచ్చింది. 

Also Read:  ఈ పుట్టినరోజు నందమూరి బాలకృష్ణకు వెరీ వెరీ స్పెషల్.. ఎందుకో తెలుసా..!

Also Read: దక్షిణాది సినీ ఇండస్ట్రీలో ఆ రికార్డు ఎన్టీఆర్, బాలకృష్ణలకు మాత్రమే సొంతం..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Twitter, Facebook.