Nani and Naga Chaitanya Film: నాగ చైతన్య, సునీల్ కాంబోలో వచ్చిన "తడాఖా" సినిమా ఘన విజయం సాధించిన విషయం తెలిసిందే. ఈ సినిమాలో సునీల్ పోషించిన పోలీస్ క్యారెక్టర్కు మంచి స్పందన వచ్చింది. కానీ ఈ పాత్రకు తొలుత నానిని అనుకున్నారంట.
అయితే, నాని తన ఇతర ప్రాజెక్టులతో బిజీగా ఉండటంతో ఈ చిత్రాన్ని చేయలేకపోయాడు అని తెలుస్తోంది. మరి కొంతమంది మాత్రం ఈ కథలో ఎక్కువగా అక్కినేని నాగచైతన్యకే ప్రాధాన్యత ఉండటంతో.. నాని వద్దనుకున్నారని ప్రచారం చేయసాగారు. ఆ సమయంలో సునీల్ స్టార్ హోదాలో ఉండటంతో, ఆయనను అప్రోచ్ చేయగా, వెంటనే ఒప్పుకున్నారు. ఫలితంగా నాగ చైతన్య, సునీల్ కాంబోలో "తడాఖా" తెరకెక్కింది.
Nani and Naga Chaitanya Multi Starrer; సునీల్ ఈ చిత్రంలో పోలీస్ ఆఫీసర్ పాత్రను పోషించాడు. ఈ పాత్రలో మొదట అమాయకంగా కనిపించి, తర్వాత పవర్ఫుల్ పోలీస్ ఆఫీసర్గా మారే తీరు ప్రేక్షకులను ఆకట్టుకుంది. కానీ నాని ఈ పాత్ర పోషించి ఉంటే, అది మరింత ఆసక్తికరంగా ఉండేదని అభిమానులు అభిప్రాయపడుతున్నారు.
"తడాఖా" చిత్రంలో నాని నటించి ఉంటే, అది ఒక క్రేజీ మల్టీస్టారర్గా నిలిచేది. కానీ ఆ అవకాశం మిస్ కావడంతో, ఇప్పటి వరకు నాని, నాగ చైతన్య కాంబోలో సినిమా రాలేదు. దీనిపై నాని అభిమానులు కొన్ని ఆసక్తికరమైన కామెంట్లు చేస్తున్నారు.
ప్రస్తుతం నాని వరుస బ్లాక్బస్టర్లతో దూసుకెళ్తున్నాడు. అతని తాజా చిత్రం భారీ వసూళ్లు సాధించింది. ఇక నాగ చైతన్య కూడా "తండేల్" వంటి హిట్ సినిమాతో తనదైన గుర్తింపు తెచ్చుకున్నాడు. అయితే, భవిష్యత్తులో వీరిద్దరి కాంబినేషన్లో సినిమా వస్తే, అది పెద్ద విజయం సాధించే అవకాశం ఉందని సినీ విశ్లేషకులు అంటున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
