Sri Sri Sri Raja Vaaru: ‘శ్రీ శ్రీ శ్రీ రాజావారు’ మూవీ రివ్యూ.. నార్నే నితిన్ మూవీ ఎలా ఉందంటే..!

రివ్యూ: ‘శ్రీ శ్రీ శ్రీ రాజావారు’ (Sri Sri Sri Rajavau)
నటీనటులు: నార్నే నితిన్, సంపద, రావు రమేష్, నరేష్, రఘు కుంచె, ప్రవీణ్, రచ్చ రవి, సరయు, భద్రమ్, సుదర్శన్ తదితరులు
ఎడిటర్: మధు
సంగీతం: కైలాష్ మీనన్
సినిమాటోగ్రఫీ: దాము నర్రావుల
నిర్మాత: చింతపల్లి రామారావు
రచన-దర్శకత్వం: సతీష్ వేగేశ్న
విడుదల తేదీ: 6-6-2025

జూనియర్ ఎన్టీఆర్ బావ మరిదిగా సినీ ఇండస్ట్రీకి పరియమై తనకంటూ సెపరేట్ ఇమేజ్ సంపాదించుకున్నాడు. తాజాగా ఈయన హీరోగా సతీష్ వేగేశ్న దర్శకత్వంలో ‘శ్రీశ్రీశ్రీ రాజావారు’ సినిమాతో పలకరించారు. హీరోగా నార్నే నితిన్  కెరీర్ ప్రారంభమైంది ఈ సినిమాతోనే. షూటింగ్ ఆలస్యం కావడంతో లేటుగా ఈ రోజు విడుదలైంది. మరి ఈ సినిమా ప్రేక్షకులను మెప్పించిందా లేదా మన మూవీ రివ్యూలో చూద్దాం.. 

కథ:
ఆత్రేయపురం గ్రామంలో సుబ్బరాజు (నరేష్), కృష్ణమూర్తి (రావు రమేష్) మంచి స్నేహితులు. రాజకీయంగా  ఇద్దరికీ ఆ గ్రామంలో మంచి పేరు ప్రతిష్ఠలు ఉంటాయి. ఈ క్రమంలో ఎమ్‌పిటిసి ఎన్నికలలో సీటు కోసం ఇద్దరూ పోటీ పడతారు. మరోవైపు  కృష్ణమూర్తి  కూతురు నిత్య (సంపద), సుబ్బరాజు కొడుకు రాజా (నార్నే నితిన్) చిన్నపుడు నుంచి ప్రేమించుకుంటారు. అది పెళ్లికి దారితీస్తుంది.  అయితే రాజా కున్న వ్యసనాల కారణంగా ఎంగేజ్మెంట్ రోజే ఇరు కుటుంబాల మద్య పెద్ద గొడవ అవుతుంది. ఈ మ్యారేజ్ కు.. ఎంపీటీసీ సీటుకు లింకు పెడుతూ కృష్ణమూర్తి.. రాజాకు పెద్ద చాలెంజ్ చేస్తాడు. ఆ సవాల్ ఏంటి.. ? ఆ సవాలను రాజా గెలిచి .. నిత్యను పెళ్లి చేసుకున్నాడా.. ? చివరకు విడిపోయిన రెండు కుటుంబాలు తిరిగి కలిసాయా లేదా అనేదే ఈ సినిమా స్టోరీ. 

కథనం, టెక్నికల్ విషయానికొస్తే.. 
‘శ్రీ శ్రీ శ్రీ రాజావారు’ సినిమా డైరెక్టర్ సతీష్ వేగేశ్న ఓ మంచి సందేశం ఇవ్వాలనుకున్నాడు. ఎంతటి వ్యసనపరుడైన సమయానుకూలంగా మారుతాడనే సందేశం ఇచ్చే ప్రయత్నం చేశాడు. ముఖ్యంగా హీరో వ్యసనాన్ని హైలెట్ గా చేసుకొని ఈ సినిమాను రూపొందించాడు దర్శకుడు. ‘కొడుకుల కోరికలు తీర్చడం తండ్రి బాధ్యత, కానీ తండ్రి కోరికను తీర్చేఛాన్స్ వారి కుమారులకు రావడం ఓ వరం అనే సందేశం ఇచ్చాడు.   గెలుస్తావో, గెలిపిస్తావో నీ ఇష్టం’, ‘పిల్లలు కోరుకున్నది చదివిస్తే వారి భవిష్యత్ బాగుంటుంది..అనే డైలాగ్స్ ఆలోచింపజేస్తాయి. తెలుగులో ఎలాంటి వల్గారిటీ లేకుండా క్యూట్ ఫ్యామిలీ చిత్రాలకు పెట్టింది పేరైన సతీష్ వేగేశ్న ఈ సినిమాను ఎలాంటి అసభ్యతకు తావు లేకుండా సకుటుంబంగా ఈ సినిమా చూసేలా తెరకెక్కించాడు. వ్యసనాలకు బానిసైన వాడు.. ప్రేమకే లొంగిపోతాడనే సందేశం ఈ సినిమాతో ఇచ్చే ప్రయత్నం చేశాడు. శతమానం భవతి, ఎంతమంచి వాడవురా, శ్రీనివాస కళ్యాణం వంటి క్యూట్ ఫ్యామిలీ ఎంటర్టైనర్స్ తర్వాత సతీష్ వేగేశ్న నుంచి వచ్చిన చిత్రం కావడంతో శ్రీశ్రీశ్రీ రాజావారు. సాంకేతికంగా ఈ సినిమాను నిర్మాత ఎంతో ఉన్నతంగా నిర్మించాడు. సినిమాటోగ్రఫీ నాచురల్ గా ఉంది. గోదావరి అందాలు కెమెరాలో బంధించాడు. ముఖ్యంగా రావు రమేశ్, నరేష్ లతో కూడిన సీన్స్ బాగున్నాయి. కొన్ని సీన్స్ రొటీన్ గా అనిపిస్తాయి. 

నటీనటులు, సాంకేతిక నిపుణుల పనితీరు:
ఇది నార్నే నితిన్ ఫస్ట్ మూవీ. ఆయన సక్సెస్ ఫుల్ హీరోగా ఇమేజ్ వచ్చిన తర్వాత  వచ్చిన చిత్రం కావడం విశేషం. తొలి సినిమాలోనే ఎంత అనుభవం ఉన్న నటుడిగా మెప్పించాడు. ఓ వ్యసనపరుడిగా వివిధ రకాల వేరియేషన్స్, ఎమోషన్స్ ను పండించాడు. హీరోయిన్ గా నటించిన సంపద ఉన్నంత క్యూట్ గా నటించింది. ఇక నరేష్, రావు రమేశ్ ల  నటన గురించి కొత్తగా చెప్పాల్సిన పనిలేదు. ఈ సినిమాలో తమ నటనతో మెప్పించారు. మిగిలిన నటీనటులు తమ పరిధి మేరకు రాణించారు.  

పంచ్ లైన్: మెప్పించే.. ‘శ్రీ శ్రీ శ్రీ రాజావారు’
రేటింగ్: 2.75/5

Also Read:  Nandamuri Heroes: నందమూరి మూడు తరాల హీరోలు కలిసి నటించిన ఈ సినిమా తెలుసా

Also Read:  NTR Sensational Record: తెలుగులో మరే ఇతర హీరోలు బ్రేక్ చేయని రికార్డు సాధించిన అన్న ఎన్టీఆర్..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.