)
Nayan Sarika: ఆయ్, క వంటి సూపర్ హిట్ చిత్రాల్లో నటించి మెప్పించిన నయన్ సారిక ఇపుడు వరుస అవకాశాలతో దూసుకుపోతుంది. తాజాగా నిహారిక కొణిదెలకు సంబంధించిన పింక్ ఎలిఫెంట్ పిక్చర్స్ నిర్మించిన జీ5 వారి హలో వరల్డ్, సోనీ లివ్ వారి బెంచ్ లైఫ్ వంటి వెబ్ సిరీస్ల్లో ద్వారా తెలుగు ప్రేక్షకులకు చేరువైంది. తాజాగా మరోసారి నిహారిక నిర్మిస్తున్న కొత్త చిత్రంలో ఈమెను కథానాయికగా తీసుకుంది. ఆ విషయాన్ని అఫీషియల్ గా ప్రకటించింది. నిహారిక విషయానికొస్తే.. 2024లో విడుదలై విమర్శకుల ప్రశంసలు అందుకోవటమే కాదు.. బాక్సాఫీస్ దగ్గర సూపర్ హిట్ అయిన చిత్రం ‘కమిటీ కుర్రోళ్లు’. యూత్తో పాటు అన్ని వర్గాల ఆడియన్స్ ను మెప్పించింది.
రీసెంట్ గా తెలంగాణ ప్రభుత్వం ప్రకటించిన గద్దర్ అవార్డ్స్లో జాతీయ సమైక్యత, మత సామరస్యం, అణగారిన వర్గాల సామాజిక అభ్యున్నతిపై తీసిన ఉత్తమ ఉత్తమ చిత్రంగా అవార్డు సైతం సొంతం చేసుకుంది. ఈ చిత్ర దర్శకుడు యదు వంశీకి ఉత్తమ తొలి చిత్ర దర్శకుడిగా కూడా అవార్డ్ వరించింది. ఫస్ట్ అటెంప్ట్ లోనే అందరినీ మెప్పించిన ఈ సక్సెస్ఫుల్ బ్యానర్లో ఇప్పుడు రెండో సినిమా సెట్స్ పైకి వెళ్లనుంది. ప్రీ ప్రొడక్షన్ పనులు శరవేగంగా జరుగుతున్నాయి.
పింక్ ఎలిఫెంట్ పిక్చర్స్ బ్యానర్పై రూపొందనున్న రెండో సినిమాకు మానస శర్మ డైరెక్ట్ చేస్తున్నారు. మ్యాడ్, మ్యాడ్ స్క్వేర్ చిత్రాల్లో అద్భుతమైన నటనతో ఆకట్టుకున్న సంగీత్ శోభన్ ఈ చిత్రంలో హీరోగా యాక్ట్ చేస్తున్నాడు. సంగీత్ సోలో హీరోగా నటించనున్న ఫస్ట్ సినిమా ఇదే. ఇది వరకే నిహారిక రూపొందించిన వెబ్ ప్రాజెక్ట్స్లో హీరో సంగీత్ శోభన్, డైరెక్టర్ మానస శర్మ భాగమయ్యారు.జీ5తో పింక్ ఎలిఫెంట్ పిక్చర్స్ రూపొందించిన వెబ్ సిరీస్ ‘ఒక చిన్న ఫ్యామిలీ స్టోరీ’కి మానస శర్మ రచయితగా పనిచేశారు. సోనీ లివ్ రూపొందించిన ‘బెంచ్ లైఫ్’కి డైరెక్టర్ గా పని చేశారు. తాజాగా పింక్ ఎలిఫెంట్ పిక్చర్స్ బ్యానర్ రూపొందించనున్న ఈ సినిమాతో మానస శర్మ సినిమా డైరెక్టర్ గా ప్రమోషన్ పొందారు. ఇక సంగీత్ శోభన్ విషయానికి వస్తే ‘ఒక చిన్న ఫ్యామిలీ స్టోరీ’లో లీడ్ రోల్లో నటించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
