Pawan Kalyan - Cameraman Gangatho Rambabu: గత కొన్నిరోజులుగా టాలీవుడ్‌లో పాత సినిమాల రీ రిలీజ్ ట్రెండ్ నడుస్తోంది. ఈ కోవలో పాత సినిమాలను 4K ఫార్మాట్‌లో రీ ప్రింట్ చేసి మరీ రిలీజ్ చేస్తున్నారు. ఆ మధ్య జల్సా, ఖుషీ, ఘరానా మొగుడు, బిజినెస్ మ్యాన్, ఒక్కడు, చెన్నకేశవరెడ్డి, తొలి ప్రేమ చిత్రాలు విడుదలై మంచి వసూళ్లనే దక్కించుకున్నాయి. తాజాగా ఏపీలో ఎన్నికల వేడి రాజుకున్న ఈ వేళలో పవన్ కళ్యాణ్ హీరోగా నటించిన 'కెమెరామెన్ గంగతో రాంబాబు' సినిమాను మరోసారి రీ రిలీజ్ చేయడానికి రెడీ అవుతున్నారు మేకర్స్.
పూరీ జగన్నాథ్ దర్శకత్వంలో పవన్ కళ్యాణ్ హీరోగా తమన్నా కథానాయికగా నటించిన ఈ మూవీ పెద్దగా ప్రేక్షకాదరణ పొందలేదు. యూనివర్సల్ మీడియా పతాకంపై డీవీవీ దానయ్య ఈ సినిమాను నిర్మించారు. 2012 అక్టోబర్‌లో విడుదలైన ఈ చిత్రం అప్పట్లోనే 1600పైగా స్క్రీన్స్‌లో విడుదలై సంచలనం రేపింది. ఈ చిత్రంలో రాంబాబుగా పవన్ కళ్యాణ్, కెమెరామెన్ గంగ పాత్రలో తమన్నా నటించారు. మెకానిక్ అయిన రాంబాబు అన్యాయాలను ఎదురించే ధైర్యశాలిగా గంగను అట్రాక్ట్ చేస్తాడు. రాంబాబు మాములు మెకానిక్ కంటే సమాజాన్ని బాగుచేసే మెకానిక్ పాత్ర అయిన జర్నలిస్ట్‌గా చేర్పిస్తోంది.
ఈ నేపథ్యంలో సమాజంలో జరిగే అన్యాయాలు, అరాచకాలను వారిద్దరు ఎలా ఎదుర్కొన్నారు అన్న స్టోరీ పాయింట్‌తో ఈ మూవీ తెరకెక్కింది. మంచి కథ, కథనాలున్న ఎందుకో ఈ సినిమా అనుకున్నంత రేంజ్‌లో నడవలేదు. ఈ సినిమాకు మణిశర్మ సంగీతం, శ్యాం కె.నాయుడు ఛాయాగ్రహణం ఓ ప్రత్యేక ఆకర్షణగా నిలిచాయి. రీ రిలీజ్ ట్రెండ్ లో భాగంగా ఇప్పడు ఈ సినిమాను ఫిబ్రవరిలో మంచి తేదీని చూసుకుని రీ రిలీజ్ చేసేందుకు సన్నాహాలు మొదలు పెట్టారు. అప్పట్లో అంతగా నడవని ఈ మూవీ రీ రిలీజ్‌లో ఏ మేరకు కాసుల వర్షం కురిస్తుందో చూడాలి. ప్రముఖ నిర్మాత నట్టికుమార్ కెమెరామెన్ గంగతో రాంబాబు సినిమాను రీ రిలీజ్ చేస్తున్నారు.
Also Read: Four Working Days: ఉద్యోగులకు శుభవార్త.. ఇక కేవలం నాలుగంటే 4 రోజులు పని చేస్తే చాలు
Also Read: PM Kisan Budget 2024: రైతులకు ప్రధాని మోదీ భారీ కానుక.. బడ్జెట్‌లో తీపి కబుర
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
