 "Buchi Babu: విషాదంలో రామ్చరణ్ 'పెద్ది' దర్శకుడు బుచ్చిబాబు")
Buchi Babu Sana Emotional: తొలి సినిమాతోనే సంచలన విజయాన్నందుకున్న కొత్త దర్శకుడు బుచ్చిబాబు సన రామ్చరణ్తో 'పెద్ది' అనే సినిమా చేస్తున్నాడు. దర్శకుడు బుచ్చిబాబు విషాదంలో మునిగారు. తన తండ్రి కాలం చేయడంతో అతడి సంవత్సరీకం నిర్వహించారు. స్వగ్రామంలో జరిగిన తండ్రి ప్రథమ వర్ధంతి సందర్భంగా బుచ్చిబాబు హాజరయ్యాడు. కుటుంబసభ్యులతో కలిసి తండ్రికి పూజాది కార్యక్రమాలు నిర్వహించి అనంతరం మొక్కారు. పూజల అనంతరం బంధుమిత్రులతోపాటు గ్రామస్తులకు భోజనాలు వడ్డించారు.
కాకినాడ జిల్లా పిఠాపురం నియోజకవర్గం యు కొత్తపల్లి మండలం కొత్తపల్లి గ్రామానికి చెందిన బుచ్చిబాబు సన దర్శకుడిగా సినీ పరిశ్రమలో రాణిస్తున్న విషయం తెలిసిందే. 11 నెలల కిందట బుచ్చి బాబు తండ్రి వెంకట్రావు మరణించారు. ఎంతో ప్రేమగా చూసుకునే తండ్రి కాలం చేయడంతో కొన్నాళ్లుగా బుచ్చిబాబు తీవ్ర విషాదంలో మునిగారు. ప్రస్తుతం తెలుగు తిథుల ప్రకారం సంవత్సరిక కార్యక్రమం సోమవారం నిర్వహించారు. ఈ సందర్భంగా హైదరాబాద్ నుంచి బుచ్చిబాబు స్వగ్రామం కొత్తపల్లి విచ్చేశారు. తొలి సినిమా ఉపెన్న విజయాన్ని ఆస్వాదించి తనను ఆశీర్వదించిన తండ్రి తన రెండో సినిమా 'పెద్ది'కి ఆయన లేకపోవడం కలచివేస్తున్న విషయం.
పలువురు బంధువులు, స్నేహితులు, గ్రామస్తులు బుచ్చిబాబు నివాసానికి తరలివచ్చారు. డైరెక్టర్ బుచ్చిబాబుతో పలువురు ఫొటోలు, సెల్ఫీలు దిగేందుకు పోటీ పడ్డారు. పలువురు స్నేహితులు త్వరలో రానున్న రామ్ చరణ్ పెద్ది సినిమా వివరాలు అడిగి తెలుసుకున్నారు. గ్రామానికి ఓసారి రామ్ చరణ్ను తీసుకురావాలని బుచ్చిబాబును గ్రామస్తులు కోరారు. బుచ్చిబాబు వైష్ణవ్ తేజ్తో తీసిన 'ఉప్పెన' సినిమా సంచలన విజయాన్నందుకుంది. ప్రస్తుతం రామ్ చరణ్తో 'పెద్ది' అనే సినిమాకు బుచ్చిబాబు దర్శకత్వం వహిస్తున్నాడు. ఆ సినిమాకు సంబంధించి ఇటీవల వదిలిన చిన్న టీజర్తో సినిమాపై భారీ అంచనాలు నెలకొన్నాయి.
భారీ స్థాయిలో తెరకెక్కిస్తున్న పెద్ది సినిమా ప్రస్తుతం చిత్రీకరణ జరుగుతోంది. రామ్ చరణ్తో తీస్తున్న ఈ సినిమా మరో భారీ హిట్ పడుతుందని అందరూ భావిస్తున్నారు. ఈ సినిమాలో చెర్రీ సరసన జాన్వీ కపూర్ నటిస్తోంది. మరో రంగస్థలం మాదిరి ఉంటుందనే చర్చ జరుగుతోంది. తొలి సినిమా ఉప్పెన ప్రేమ కథ కాగా.. పెద్ది సినిమా ఊరమాస్ ఉంటుందని సినీ పరిశ్రమలో టాక్ నడుస్తోంది. వచ్చే ఏడాది విడుదల కానున్న ఈ సినిమాపై రామ్చరణ్ అభిమానులు ఎంతో ఆశగా ఎదురుచూస్తున్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)