RC 16 First Look: అదరగొట్టిన పెద్ది ఫస్ట్ లుక్, చెర్రీ ఫ్యాన్స్‌కు బర్త్ డే స్పెషల్ బహుమతి

RC 16 First Look: గేమ్ ఛేంజర్ డిజాస్టర్ తరువాత నిరాశలో ఉన్న చెర్రీ అభిమానులకు గుడ్ న్యూస్ ఇది. అద్దిరిపోయేలా రామ్ చరణ్ అప్‌కమింగ్ సినిమా ఫస్ట్ లుక్ విడుదలైంది. అటు సినిమా టైటిల్ కూడా ఎనౌన్స్ చేయడంతో ఫ్యాన్స్ ఆనందానికి హద్దు లేదు. రామ్ చరణ్ పుట్టినరోజు సందర్భంగా  మూవీ టీమ్ ఇచ్చిన స్పెషల్ గిఫ్ట్ ఇది.

బుచ్చిబాబు దర్శకత్వంలో జాన్వీకపూర్ హీరోయిన్‌గా రామ్ చరణ్‌తో తెరెకెక్కుతున్న RC 16 సినిమా గురించి అప్‌డేట్ వెలువడింది. ఈ సినిమాకు ప్రముఖ సంగీత దర్శకుడు ఏఆర్ రెహమాన్ సంగీతం సమకూర్చుతున్నారు. జగపతి బాబు కీలకపాత్రలో కన్పించే ఈ సినిమాకు శివ రాజ్ కుమార్ నిర్మాతగా ఉన్నారు. తెలుగు చలన చిత్ర పరిశ్రమలో ఈ సినిమాపై చాలా అంచనాలు ఉన్నాయి. కధ చాలా బాగుంటుందనే టాక్ విన్పిస్తోంది. రంగస్థలం తరువాత ఆ స్థాయి నటన చెర్రీలో ఈ సినిమాలో కన్పిస్తుందంటున్నారు. అందుకే ఈ సినిమాపై చాలా అంచనాలు ఉన్నాయి. 

ఇప్పుడు రామ్ చరణ్ పుట్టిన రోజు సందర్భంగా మూవీ టీమ్ స్పెషల్ గిఫ్ట్ ఇచ్చింది. రామ్ చరణ్ అప్‌కమింగ్ సినిమా RC 16 టైటిల్‌తో పాటు ఫస్ట్ లుక్ విడుదల చేసి అందర్నీ ఆశ్చర్యపర్చింది. చెర్రీ అప్‌కమింగ్ సినిమాకు పెద్ది అనే టైటిల్ ఖరారు చేశారు. అధికారికంగా పోస్టర్ రిలీజ్ చేశారు. ఈ పోస్టర్‌లో రామ్ చరణ్ పక్కా మాస్ గెటప్‌లో ఆకట్టుకుంటున్నారు. ఒక పోస్టర్‌లో చుట్టు వెలిగిస్తూ తీక్షణంగా చూస్తున్నట్టు ఉంటే మరో పోస్టర్‌లో సైడ్ ప్రొఫెల్ పిక్‌తో కోపంగా ఉన్నట్టు ఉంది. రెండు పోస్టర్లు సినిమా హైప్‌ను పెంచేలా ఉన్నాయి. టైటిల్ కూడా సింపుల్‌గా ఉండి ఆకట్టుకుంటోంది. 

Also read: Lucifer 2 - Empuraan Pre Release Business:మలయాళ ఇండస్ట్రీ షేక్ అయ్యేలా లూసీఫర్ 2 ఎంపురాన్ ప్రీ రిలీజ్ బిజినెస్.. ఎంతంటే..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి