News
Photos
Andhra Pradesh
Telangana

Home
/వినోదం
/RRR@3Years: మూడేళ్లు పూర్తి చేసుకున్న రాజమౌళి, ఎన్టీఆర్, రామ్ చరణ్ ల ‘ఆర్ఆర్ఆర్’ మూవీ.. సాధించిన రికార్డులు ఇవే..

RRR@3Years: మూడేళ్లు పూర్తి చేసుకున్న రాజమౌళి, ఎన్టీఆర్, రామ్ చరణ్ ల ‘ఆర్ఆర్ఆర్’ మూవీ.. సాధించిన రికార్డులు ఇవే..

RRR@3Years: రాజమౌళి దర్శకత్వంలో ఎన్టీఆర్, రామ్ చరణ్ కథానాయకులుగా రాజమౌళి డైరెక్షన్ లో తెరకెక్కిన చిత్రం 'ఆర్ఆర్ఆర్' (RRR)(రౌద్రం రణం రుధిరం). సరిగ్గా మూడేళ్ల క్రితం విడుదలైన ఈ చిత్రం ప్యాన్ ఇండియా కాదు.. పలు దేశాల్లో సంచలన విజయం సాధించింది. ఆర్ఆర్ఆర్ చిత్రం సాధించిన రికార్డులు. అవార్డులు..మొత్తం వసూళ్ల విషయానికొస్తే..

Written ByTA Kiran Kumar

Published: Mar 26, 2025, 01:52 PM IST|Updated: Mar 26, 2025, 01:52 PM IST

join share

RRR@3Years: మూడేళ్లు పూర్తి చేసుకున్న రాజమౌళి, ఎన్టీఆర్, రామ్ చరణ్ ల ‘ఆర్ఆర్ఆర్’ మూవీ.. సాధించిన రికార్డులు ఇవే..

Image Credit: RRR 3 Years (X/Source)

RRR@3Years: RRR (రౌద్రం రణం రుధిరం) సరిగ్గా మూడేళ్ల క్రితం విడుదలైన ఈ సినిమా బాక్సాఫీస్ దగ్గర సంచలన విజయం అందుకుంది. అంతేకాదు తెలుగు సినీ ఇండస్ట్రీలో నందమూరి, కొణిదెల మెగా ఫ్యామిలీ హీరోలతో భారీ మల్టీస్టారర్ గా ఈ సినిమాను తెరకెక్కించాడు దర్శకుడు రాజమౌళి. ఈ సినిమాలో బాలీవుడ్ హీరోగా అజయ్ దేవ్ గణ్ మరో ముఖ్యపాత్రలో నటించారు. ఆర్ఆర్ఆర్ మూవీ మన దేశానికి పూర్తి స్థాయిలో ఆస్కార్ అవార్డును తీసుకొచ్చిన మూవీ రికార్డులను క్రియేట్ చేసింది. అంతేకాదు ఈ సినిమాలోని నాటు నాటు పాటకు 'ఆస్కార్ అవార్డు వెతుక్కుంటూ వచ్చింది. ఆర్ఆర్ఆర్ మూవీకి ఆస్కార్ కాకుండా గోల్డెన్ గ్లోబ్, క్రిటిక్స్ ఛాయిస్ అవార్డులను కూడా సాధించడం విశేషం. ఇక ఆర్ఆర్ఆర్ చిత్రం 2021 జాతీయ చలన చిత్ర అవార్డుల్లో స్థాయిలో బెస్ట్ పాపులర్ ఫిల్మ్.. ఉత్మ నేపథ్య గాయకుడు..బెస్ట్ రీ రికార్డింగ్ విభాగం.. బెస్ట్ కొరియోగ్రాఫర్, స్టంట్స్, స్పెషల్ ఎఫెక్ట్స్ విభాగంలో ఆర్ఆర్ఆర్ జాతీయ అవార్డుల్లో సంచలనం రేపింది. ఆర్ఆర్ఆర్ చిత్రంలో తారక్.. స్వాతంత్య్ర సమరయోధుడు కొమరం భీమ్ పాత్రలో నటిస్తే.. రామ్ చరణ్.. అల్లూరి సీతారామరాజు పాత్రలో ఒదిగిపోయాడు. ఈ రెండు పాత్రల పేర్లను మాత్రమే చరిత్రలో ఎన్నడు కలవని ఈ వీరులు కలిస్తే ఎలా ఉంటుందనే ఊహాతో తనదైన స్టోరీ, స్క్రీన్ ప్లే తో రాజమౌళి ఈ సినిమాను తెరకెక్కించాడు. ఈ చిత్రంలో బాలీవుడ్ అగ్ర నటుడు అజయ్ దేవగణ్.. అల్లూరి వెంకటరామరాజు పాత్రలో నటించారు. ఇతర పాత్రల్లో ఒలివియా మోరీస్, ఆలియా భట్, శ్రియ యాక్ట్ చేశారు.

ఈ సినిమాలో లోకల్ నుంచి నేషనల్ ఆపై ఇంటర్నేషనల్ లెవల్లో పలు అవార్డులను కొల్లగొట్టిన సంగతి తెలిసిందే కదా. ఆర్ఆర్ఆర్ చిత్రంలో ‘నాటు నాటు’ పాటకు చంద్రబోస్ రాసిన పాట.. కీరవాణి సంగీతం.. ప్రేమ్ రక్షిత్ కొరియోగ్రఫీ..రాజమౌళి టేకింగ్‌కు ఎన్టీఆర్, రామ్ చరణ్ బీభత్సమైన స్టెప్పులు..వారికి రాహుల్ సిప్లిగంజ్, కాల భైరవ గాత్రం గ్లోబల్ లెవల్లో అందరినీ అట్రాక్ట్ చేశాయి.

ఆర్ఆర్ఆర్‌లోని నాటు నాటు పాటకు ఆస్కార్ దక్కడం మన దేశంలో తొలిసారి. అంతేకాదు మన దేశం తరుపున ఓ పాట ఆస్కార్‌కు నామినేట్ కావడం అనేది ఇదే ఫస్ట్ టైమ్. అందులో మన తెలుగు సినిమా ఈ అవార్డు రాబట్టడం విశేషమనే చెప్పాలి. ఉత్తమ చిత్రం విభాగంలో కాకుండా.. బెస్ట్ ఒరిజినల్ స్కోర్ విభాగంలో ఈ అవార్డు రావడం భారతీయులు ఆనందించదగ్గ విషయమనే చెప్పాలి.

ఆర్ఆర్ఆర్ సినిమా మన దేశంలోనే జపాన్ దేశంలో సంచలన రికార్డులు నమోదు చేసింది. ఈ సినిమాతో ఎన్టీఆర్, రామ్ చరణ్ గ్లోబల్ లెవల్లో సత్తా చాటారు. ఈ సినిమా అక్కడ 400 రోజులకు పైగా నడిచి సంచలనం రేపింది. ఫేమస్ అయ్యారు. ఈ సినిమాతో రాజమౌళి ఖ్యాతి పెరిగింది. ఈ సినిమా సాధించిన కలెక్షన్స్ విషయానికొస్తే.. ప్రపంచ వ్యాప్తంగా రూ. 453 కోట్ల బ్రేక్ ఈవెన్ టార్గెట్‌తో బరిలో దిగిన ఈ చిత్రం రూ. 614.06 కోట్ల షేర్ (1152.40 కోట్ల) కలెక్షన్స్ రాబట్టింది. రీ రిలీజ్ లో ఈ సినిమా రూ. 2.50 కోట్ల గ్రాస్ వసూళ్లను రాబట్టింది. జపాన్ దేశంలో దాదాపు రూ. 145.50 కోట్ల గ్రాస్ వసూల్లతో సంచలనం రేపింది.

ఓవరాల్‌గా ప్రపంచ వ్యాప్తంగా ఈ సినిమా రూ. 1300.45 కోట్ల గ్రాస్ వసూళ్లను కొల్లగొట్టింది.

ఈ సినిమా వరల్డ్ వైడ్ బాక్సాఫీస్ కలెక్షన్స్ విషయానికొస్తే..

నైజాం (తెలంగాణ).. రూ. 111.85 కోట్ల షేర్
ఉత్తరాంధ్ర.. రూ. 36.40 కోట్ల షేర్
తూర్పు గోదావరి.. రూ. 16.24 కోట్ల షేర్
పశ్చిమ గోదావరి.. రూ. 13.31 కోట్ల షేర్
గుంటూరు.. రూ. 18.21 కోట్ల షేర్
కృష్ణ.. రూ. 14.76 కోట్ల షేర్
సీడెడ్ (రాయలసీమ).. రూ. 51.04 కోట్ల షేర్
నెల్లూరు.. రూ. 10.50 కోట్ల షస్త్రర్
తెలంగాణ + ఆంధ్ర ప్రదేశ్ కలిపి రూ. 272.31 కోట్ల షేర్ (రూ. 415 కోట్ల గ్రాస్) వసూళ్లను రాబట్టింది.

తమిళనాడు.. రూ. 38.90 కోట్ల షేర్ (రూ. 77.25 కోట్ల గ్రాస్)
కేరళ.. రూ. 11.05 కోట్ల షేర్ (రూ. 24.25 కోట్ల గ్రాస్)
హిందీ.. రూ. 134.50 కోట్ల షేర్ (రూ. 326 కోట్ల గ్రాస్)
కర్ణాటక.. రూ. 44.50 కోట్ల షేర్ (రూ. 83.40 కోట్ల గ్రాస్)
ఓవర్సీస్.. రూ. 103.50 కోట్ల షేర్ (రూ. 208.30 కోట్ల గ్రాస్)
రెస్ట్ ఆఫ్ భారత్ .. రూ. 9.30 కోట్ల షేర్ (రూ. 18.20 కోట్ల గ్రాస్)
ప్రపంచ వ్యాప్తంగా రూ. 614.06 కోట్ల షేర్ (రూ. 1152.40 కోట్ల గ్రాస్)

జపాన్ దేశంలో రూ. 145.50 కోట్ల గ్రాస్
రీ రిలీజ్‌ లో కలిపి రూ. 2.50 కోట్ల గ్రాస్ కలెక్షన్స్ ను రాబట్టింది.

ఆర్ఆర్ఆర్ మూవీ వరల్డ్ వైడ్ గా రూ. 1300.40 కోట్ల గ్రాస్ కలెక్షన్స్ ను కొల్లగొట్టింది. ఆర్ఆర్ఆర్ సక్సెస్ తర్వాత రాజమౌళి.. మహేష్ బాబుతో ప్యాన్ వరల్డ్ మూవీ చేస్తున్నాడు. ఆ సినిమా తర్వాత ఆర్ఆర్ఆర్ మూవీకి సీక్వెల్ చేయనున్నట్టు ప్రకటించాడు. మరి అది ఎంత వరకు వర్కౌట్ అవుతుందో చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.

Add Zee News as a Preferred Source

TAGS:

RRR@3Years

rrr movie completes 3 years

About the Author

TA Kiran Kumar

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.