Saif Ali khan: సైఫ్ కత్తి పోట్ల ఘటనలో కీలక పరిణామం.. నిందితుడ్ని గుర్తించిన బాలీవుడ్ నటుడి సిబ్బంది..

Saif Ali khan attack case: ముంబైలోని బాంద్రాలో సైఫ్ అలీఖాన్ పై దుండగులు కత్తిపోట్లకు పాల్పడ్డారు. ఈ ఘటనలో పోలీసులు తాజాగా ఐడెంటిఫికేషన్ పరెడ్ ను నిర్వహించారు. దీనిలో నిందితుడ్ని సైఫ్ సిబ్బంది గుర్తుపట్టారు.

Mumbai bandra police conduct identification parade: బాలీవుడ్ నటుడు సైఫ్ అలీఖాన్ బాంద్రాలోని ఇంట్లో జన్వరి 16న షాకింగ్ ఘటన చోటు చేసుకుంది. తెల్లవారు జామున రెండు గంటల ప్రాంతంలో దుండగుడు మెట్ల మీద నుంచి వచ్చి సైఫ్ కొడుకు గదిలోకి ప్రవేశించాడు. అక్కడున్న కేర్ టేకర్ అరుపులు పెట్టడంతో సైఫ్ అక్కడికి చేరుకున్నాడు.దీంతో వారి మధ్య తోపులాట జరిగి కత్తిపోట్లు చోటు చేసుకున్నాయి.

Add Zee News as a Preferred Source

ఈ క్రమంలో.. ఆగంతకుడు సైఫ్ ను పలు మార్లు కత్తితో పొడిచి అక్కడి నుంచి పారిపోయాడు. వెంటనే సైఫ్ కొడుకు ఆటోలో లీలావతి ఆస్పత్రికి తీసుకెళ్లారు. వైద్యులు రెండు సర్జరీలు చేశారు . వెన్నుపాములో ఉన్న కత్తిని వైద్యులు తొలగించారు. దీంతో సైఫ్ ప్రాణాపాయం నుంచి బైటపడ్డాడు. అయితే.. ముంబై పోలీసులు సీసీ ఫుటేజీలను జల్లెడ పట్టారు.  ఈ క్రమంలో ముంబైలోని మహమ్మద్ షరీపూల్ ఇస్లాం షెహజాద్ ను అదుపులోకి తీసుకున్నారు.  

కోర్టులో హజరు పర్చగా కోర్టు రిమాండ్ విధించింది. ఇటీవల పోలీసులు ఆర్థర్ జైలులో ఐడెంటీఫికేషన్ పరేడ్ ను ఏర్పాటు చేశారు. దీనిలో సైఫ్ ఇంట్లోని సిబ్బంది ఆ రోజు దాడికి పాల్పడింది మహమ్మద్ షరీపూల్ ఇస్లాం షెహజాద్.. అని తెల్చి చెప్పారు.

రాత్రి పూట మహమ్మద్ షరీపూల్ ఇస్లాం షెహజాద్ ఇంట్లోకి ప్రవేశించినట్లు పోలీసులకు చెప్పారు. దీంతో సైఫ్ కేసులో కీలక పరిణామం చోటు చేసుకుందని చెప్పుకొవచ్చు. మరోవైపు ఈ ఘటనలో పోలీసులు లోతుగా దర్యాప్తు చేపట్టారు. సైఫ్ ఇంటి చుట్టుపక్కల భద్రతను కట్టుదిట్టం చేశారు. సైఫ్ తన ఇంట్లోకి ఇతరులు రాకుండా ప్రైవేటు సెక్యురీటీని సైతం ఏర్పాటు చేసుకున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.