Dhandoraa: కోర్టు మూవీతో ఒక్కసారి పెరిగిన శివాజీ గ్రాఫ్.. దండోరా మూవీలో కీలక పాత్రలో విలక్షణ నటుడు..

Dhandoraa: జాతీయ అవార్డు గెలుచుకున్న చిత్రం ‘కలర్ ఫోటో’, బెదురులంక 2012 చిత్రాలను నిర్మించిన అందరి దృష్టిని ఆకర్షించిన లౌక్య ఎంటర్టైన్మెంట్ అధినేత రవీంద్ర బెనర్జీ ముప్పానేని తెరకెక్కిస్తోన్న లేటెస్ట్ మూవీ ‘దండోరా’. ఇప్పటికే ఫస్ట్ షెడ్యూల్ పూర్తైయిన ఈ సినిమా సెకండ్ షెడ్యూల్ ప్రారంభమైంది. ఈ షెడ్యూల్లో విలక్షణ నటుడు శివాజీ జాయిన్ అయ్యారు.

Written ByTA Kiran KumarUpdated byTA Kiran Kumar

Published: Apr 08, 2025, 12:36 AM IST|Updated: Apr 08, 2025, 12:40 AM IST

join share

Dhandoraa: కోర్టు మూవీతో ఒక్కసారి పెరిగిన శివాజీ గ్రాఫ్.. దండోరా మూవీలో కీలక పాత్రలో విలక్షణ నటుడు..

Image Credit: Sivaji in Dhandoraa (X/Source)

Dhandoraa: కోర్టు మూవీ తర్వాత నటుడిగా శివాజీ క్రేజ్ అమాంతం పెరిగింది. ప్రస్తుతం క్యారెక్టర్ రోల్స్, విలన్ రోల్స్ కు బెస్ట్ ఆప్షన్ లా మారాడు. తాజాగా ఈయన పలు పెద్ద ప్రాజెక్ట్స్ లో నటిస్తూ ఫుల్ బిజీగా ఉన్నాడు. తాజాగా ‘దండోరా’ మూవీలో కీలక పాత్రలో నిపించనున్నారు. ఇప్ప‌టికే ఫ‌స్ట్ షెడ్యూల్‌ను పూర్తి చేసుకున్న ఈ చిత్రం తాజాగా సెకండ్ షెడ్యూల్ స్టార్ట్ అయింది. 25రోజుల పాటు కంటిన్యూగా జ‌ర‌గ‌నున్న ఈ షెడ్యూల్‌లో విల‌క్ష‌ణ న‌టుడు శివాజీ పాల్గొంటున్నారు. నైంటీస్‌, కోర్ట్ వంటి డిఫ‌రెంట్ కంటెంట్‌తో ప్రేక్ష‌కుల‌ను అల‌రించిన ఈ వెర్సటైల్ యాక్ట‌ర్ ఇప్పుడు దండోరా చిత్రంలో కీల‌క పాత్ర‌లో న‌టిస్తుండటంతో ఈ సినిమాపై అంచనాలు పెరిగాయి.

రీసెంట్‌గా విడుద‌లైన ఫ‌స్ట్ బీట్ వీడియోకు మంచి స్పందన వచ్చింది. పెద్దింటి వాళ్లకు చెందిన అమ్మాయిలని ప్రేమించి పెళ్లి చేసుకున్నా, ఆ అగ్ర వర్ణాలకు ఎదురు తిరిగినా ఎలాంటి దౌర్జన్యకాండ జరుగుతుందనే కాన్సెప్ట్ ఆధారంగా చేసుకుని దండోరా సినిమాను తెరకెక్కిస్తున్నారు. తెలంగాణ గ్రామీణ నేప‌థ్యంలో మ‌న పురాత‌న ఆచారాలు, సాంప్ర‌దాయాల‌ను ఆవిష్క‌రిస్తూనే చిత్రాన్ని తెరకెక్కిస్తున్నారు. ముఖ్యంగా ఈ చిత్రంలో వ్యంగ్యం, చ‌క్క‌టి హాస్యం, గుండెలకు హ‌త్తుకునే భావోద్వేగాల క‌ల‌యిక‌గా నేపథ్యంలో ఈ సినిమాను తెరకెక్కిస్తున్నారు మేకర్స్. విల‌క్ష‌ణ న‌టుడు శివాజీతో పాటు నవదీప్, నందు, రవి కృష్ణ, మణిక, అనూష, రాధ్య‌ తదితరులు..ఇత‌ర లీడ్ రోల్స్ లో యాక్ట్ చేస్తున్నారు.

ప్ర‌ముఖ సంగీత ద‌ర్శ‌కుడు మార్క్ కె.రాబిన్ ఈ చిత్రానికి మ్యూజిక్ అందిస్తున్నారు. వెంక‌ట్ ఆర్‌.శాఖ‌మూరి సినిమాటోగ్ర‌ఫీ అందిస్తుండగా.. గ్యారీ బి.హెచ్ ఎడిటింగ్‌ బాధ్యతలు నిర్వహిస్తున్నారు. క్రాంతి ప్రియ‌మ్ ఆర్ట్ డైరెక్ట‌ర్‌ గా రేఖ బొగ్గారపు కాస్ట్యూమ్ డిజైన‌ర్‌ గా పనిచేస్తున్నారు. ఎడ్వ‌ర్డ్ స్టీవ్‌స‌న్ పెరెజీ ఎగ్జిక్యూటివ్ ప్రొడ్యూస‌ర్‌, అనీష్ మ‌రిశెట్టి కో ప్రొడ్యూస‌ర్‌గా బాధ్య‌త‌ల‌ను నిర్వ‌హిస్తున్నారు. త్వ‌ర‌లోనే ఈ మూవీకి సంబంధించి మ‌రిన్ని వివ‌రాల‌ను తెలియ‌జేయనున్నారు మేక‌ర్స్.

ఇదీ చదవండి: Sri Rama Navami 2025: వెండితెర శ్రీరాముళ్లు..

ఇదీ చదవండి: Sri Rama Navami 2025: వెండితెరపై సీతమ్మ వారి పాత్రల్లో మెప్పించిన నటీమణులు..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.

Add Zee News as a Preferred Source

Tags:

Dhandoraa

Dhandoraa Movie First Schedule

Dhandoraa Second Schedule

Sivaji

About the Author

TA Kiran Kumar

కిరణ్ కుమార్ శర్మ తంజావూర్ జీ తెలుగు తెలుగు న్యూస్‌లో ఛీఫ్ సబ్ ఎడిటర్‌గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.