Gaddar Awards On April: తెలుగు సినీ పరిశ్రమకు సంబంధించిన అవార్డుల విషయంలో తెలంగాణ ప్రభుత్వం కీలక నిర్ణయం ప్రకటించింది. ప్రభుత్వపరంగా అవార్డులు ఇవ్వాలని నిర్ణయించగా.. దానికి గద్దర్ పేరు పెట్టగా సినీ పరిశ్రమ నుంచి ఆశించిన స్పందన లభించలేదు. అయినా కూడా రేవంత్ రెడ్డి గద్దర్ పేరిట అవార్డులను ముందుకు తీసుకెళ్లాలని పట్టుదలతో ఉండడంతో ప్రభుత్వం ఆ ప్రక్రియను వేగవంతం చేసింది. ఈ క్రమంలోనే గద్దర్ పేరిట సినీ పరిశ్రమకు అవార్డులు ఇస్తామని.. దీనికి సంబంధించి షెడ్యూల్ కూడా ప్రకటించింది.
Also Read: BAC Meeting: అసెంబ్లీలో బార్స్.. వైన్స్.. బెల్ట్షాపులపై చర్చించాలి
గద్దర్ అవార్డులపై సినిమా అభివృద్ధి సంస్థ చైర్మన్ దిల్ రాజు కీలక ప్రకటన చేశారు. ఏప్రిల్లో సినిమా అవార్డులు ఇస్తామని ప్రకటించారు. 'గద్దర్ అవార్డుల కోసం ప్రభుత్వం ఒక కమిటీని ఏర్పాటు చేసింది. కమిటీ నియమ నిబంధనలను సిద్ధం చేసింది. 2014 నుంచి ప్రతి సంవత్సరం బెస్ట్ ఫిల్మ్ అవార్డు 2023 వరకు ఇస్తాం. నంది అవార్డుల నిబంధనలను అలాగే కొనసాగిస్తూ చిన్నచిన్న మార్పులతో గద్దర్ అవార్డులు ఇస్తున్నాం' అని దిల్ రాజు వివరించారు. ఏప్రిల్లో అవార్డుల ప్రదానం ఉందని ప్రకటించారు.
Also Read: KCR Meeting: 'కాంగ్రెస్ ప్రభుత్వాన్ని చీల్చి చెండాడండి'.. పార్టీ సభ్యులకు మాజీ సీఎం కేసీఆర్ ఆదేశం
'గతంలో 2014 సింహా అవార్డులు అనుకున్నప్పుడు అప్లికేషన్ ఇచ్చినపుడు చెల్లించిన డబ్బులను తిరిగి చెల్లింపులు అవుతాయి. వారంలో అవార్డులను జ్యూరీ తుది ఎంపిక చేస్తుంది. గద్దర్ అవార్డ్ నమూనా కూడా సిద్దమవుతోంది. అవార్డులు ఎవరైనా ఇవ్వొచ్చు. ఫిల్మ్ ఛాంబర్ కూడా ఇస్తుంది. మనం ఏపని చేసినా 51 శాతం పాజిటివ్గా ఉండే చాలు. నెగిటివ్ ప్రచారాలు అనవసరం' అని దిల్ రాజు వివరించారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
Ravi Kumar Sargam
సర్గం రవి కుమార్. జీ తెలుగు డిజిటల్ మీడియాలో సబ్ ఎడిటర్గా పని చేస్తున్నారు. ఇక్కడ 2024 నుంచి రాజకీయాలు, స్పోర్ట్స్, వినోదం, క్రైమ్, జాతీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు.
...Read More
