 "Alia Bhatt: అలియా భట్ కూతురికి పేరు పెట్టింది మన తెలుగు స్టార్ హీరో అని మీకు తెలుసా..?")
Alia Bhatt NTR friendship:
`ఆర్ఆర్ఆర్` సినిమాతో తెలుగు ప్రేక్షకులను అలరించిన అలియా భట్ తెలుగు పరిశ్రమకు బాగా దగ్గరయ్యారు. అయితే, ఆమె కూతురు రహాకు ఎన్టీఆర్ సూచించిన పేరు పెట్టడం విశేషం. దీనికి సంబంధించిన ఆసక్తికరమైన వివరాలు ఇప్పుడు బయటకొచ్చాయి.
అలియా భట్, రణ్బీర్ కపూర్లు ‘బ్రహ్మాస్త్ర’ ప్రమోషన్స్ కోసం హైదరాబాద్ వచ్చినప్పుడు ఎన్టీఆర్ వారిని తన ఇంటికి ఆహ్వానించారంట. అప్పటికే అలియా గర్భవతిగా ఉన్నారు. ఆ సమయంలో బాలీవుడ్ జంట, ఎన్టీఆర్ మధ్య పుట్టబోయే బిడ్డ పేరుతో ఆసక్తికరమైన చర్చ జరిగింది. పిల్లల పేర్లు ఎలా ఉండాలి అనే చర్చ సందర్భంగా ఎన్టీఆర్ ఒక ప్రత్యేకమైన పేరు సూచించారు. రణ్బీర్, అలియా పేర్ల కలయికగా ‘రహా’ అనే పేరును ఎన్టీఆర్ సూచించారని ఈమధ్య ఆలియా భట్ స్వయంగా తెలిపింది. బాలీవుడ్ స్టార్స్కు కూడా ఆ పేరు నచ్చడంతో, కూతురికి అదే పేరు పెట్టారు
ంట.
ఓ ఇంటర్వ్యూలో అలియా భట్ ఈ విషయాన్ని బయటపెట్టారు. ఎన్టీఆర్ సూచించిన పేరు తమకు చాలా నచ్చిందని, రహా పేరు వెనుక ఉన్న సెంటిమెంట్ ఎంతో ప్రత్యేకమని వెల్లడించారు.
ఇటీవల ఎన్టీఆర్ ‘దేవర’ సినిమాతో ప్రేక్షకులను అలరించారు. ‘వార్ 2’ లోనూ నటించనున్న ఆయన, ప్రశాంత్ నీల్ దర్శకత్వంలో కూడా ఒక భారీ ప్రాజెక్ట్ చేయనున్నారు. ఎన్టీఆర్ అగ్రహీరోగా తన కెరీర్ను కొత్త శిఖరాలకు తీసుకెళ్తున్నారు.
అలియా భట్ ప్రస్తుతం సినిమాలకు బ్రేక్ ఇచ్చి కుటుంబానికి ప్రాధాన్యత ఇస్తున్నారు. తన రెండో గర్భధారణ వార్తల నేపథ్యంలో బాలీవుడ్ ప్రాజెక్ట్ల నుంచి తాత్కాలికంగా దూరంగా ఉన్నారు. అయితే ఈ మధ్య జరిగిన ఒక ఇంటర్వ్యూలో మాత్రం తాను ప్రెగ్నెంట్ కాదు అని చెప్పుకొచ్చింది. ఆర్ఆర్ఆర్ సినిమా ద్వారా తెలుగు సినీ పరిశ్రమకు దగ్గరైన అలియా భట్, ఎన్టీఆర్ సూచించిన పేరును తన కూతురికి పెట్టడం ప్రస్తుతం అందరిని ఆకర్షిస్తోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్- https://bit.ly/3P3R74U
ఆపిల్ లింక్- https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
)