TFCC Candle Rally: పహల్గామ్ ఉగ్రదాడిలో చనిపోయిన వారికి ఫిలిం ఛాంబర్ ఆధ్వర్యంలో ఘన నివాళి..!

TFCC Candle Rally: పహల్గామ్ ఉగ్రదాడి తర్వాత పాకిస్థాన్ పై భారత్ రగిలిపోతుంది. పాకిస్థాన్ చేసిన ఈ ఉగ్రదాడిపై దేశ వ్యాప్తంగానే కాదు.. ప్రపంచ దేశాలు.. ఎన్నారైలు కూడా వివిధ ప్రాంతాల్లో క్యాండిల్ ర్యాలీలు తీస్తున్నారు. ఈ నేపథ్యంలో టాలీవుడ్ ఫిల్మ్ ఛాంబర్ ఆఫ్ కామర్స్.. ఉగ్రదాడికి వ్యతిరేకంగా క్యాండిల్ ర్యాలీ నిర్వహించారు. అంతకాదు ఉగ్రదాడిలో చనిపోయిన భారతీయ ప్రజలకు నివాళులు అర్పించారు. ఇప్పటికే భారత ప్రధాని.. భారత త్రివిధ దళాలకు  ఫ్రీ హ్యాండ్ ఇచ్చారు. ఈ నేపథ్యంలో త్రివిధ దళాలు రంగంలోకి దిగి ఉగ్రవాదులను మట్టుపెట్టే పనిలో పడింది. ఈ ఉగ్రదాడిలో పాల్గొన్న ఇద్దరు కశ్మీరీ భారతీయుల ఇళ్లను భారత సైన్యం నేలమట్టం చేసింది. అంతేకాదు ఉగ్రవాదులతో సంబంధాలున్న ఏ ఒక్కడిని ఒదలడం లేదు.

తాజాగా పహల్గామ్ ఉగ్రదాడికి వ్యతిరేకంగా హైదరాబాద్ లో తీసిన క్యాండిల్ ర్యాలీలో  MAA మాజీ ప్రెసిడెంట్, మాజీ ఎంపీ,  సీనియర్ నటుడు మురళి మోహన్ మాట్లాడుతూ.. ఈ ఉగ్రదాడి చాలా దురదృష్టకరమైన పరిణామం అన్నారు. ప్రశాంతకరమైన భారతదేశంలో ఇలాంటి దాడులు జరగడం దురదృష్టకరమన్నారు.  ఈ దాడి భారత్ మొత్తం ఖండిస్తుందన్నారు.  భారతీయులంతా ఒక్కటిగా ఐక్యమత్యంగా కులాలకు మతాలకు అతీతంగా కలిసి ఉగ్రవాదంపై పోరాడాలని పిలుపునిచ్చారు. ఉగ్రవాదులను కట్టడి చెయ్యడానికి సిద్ధమైన కేంద్ర ప్రభుత్వానికి అండగా ఉందామన్నారు.

టిఎఫ్టిసి కార్యదర్శి ప్రసన్న కుమార్ మాట్లాడుతూ .. పహల్గామ్ పై జరిగిన ఘటనను తీవ్రంగా ఖండించారు. ఉగ్రవాదులపై నిప్పులు చెరిగారు. ఉగ్రవాదులను కట్టడి చెయ్యడం కోసం ఉన్న ప్రోగ్రాంలన్ని క్యాన్సిల్ చేసుకుని ప్రధాని నరేంద్ర మోడీ గారు ఇదే  పనిగా పెట్టుకుని ముందుకు సాగుతున్నందుకు ఆయనకు కృతజ్ఞతలు తెలియజేసారు.  అలాగే ఆంధ్రప్రదేశ్ సీఎం చంద్రబాబు నాయుడుకి  తెలంగాణ ముఖ్యమంత్రి రేవంత్ రెడ్డి కి థాంక్స్ చెప్పారు.

ఇక తెలుగు ఫిల్మ్ ఎంప్లాయిస్ ఫెడరేషన్ ప్రెసిడెంట్ వల్లభనేని అనిల్ కుమార్ మాట్లాడుతూ.. ఉగ్రవాదాన్ని తీవ్రంగా ఖండించారు. ఉగ్రదాడిలో ప్రాణాలు విడిచిన అమాయకులకు తన వంతు  సానుభూతి ప్రకటించారు.మరోవైపు ఈ ర్యాలీలో మాదాల రవి, భరత భూషణ్ తో పాటు ఫిల్మ్ ఇండస్ట్రీకి చెందిన పలువరు పాల్గొని పాకిస్థాన్ కు వ్యతిరేకంగా నినాదాలు ఇచ్చారు. 

ఇదీ చదవండి:  కమల్ హాసన్, వాణి గణపతి ఎందుకు విడిపోయారు.. విడాకుల సందర్భంగా ఇచ్చిన భరణం ఎంతో తెలుసా.. !

ఇదీ చదవండి: భర్తపై ప్రతీకారంతో వివాహేతర సంబంధం పెట్టుకున్న స్టార్ హీరోయిన్.. ఈ రేంజ్ కాంట్రవర్షల్ నటి మరొకరు లేరేమో..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.