)
The Fantastic Four: మార్వెల్ మూవీస్ భాగంగా 'ఫెంటాస్టిక్ ఫోర్: ఫస్ట్ స్టెప్స్' సినిమా జూలై 25, 2025న విడుదల కాబోతుంది. ఈ మూవీ ట్రైలర్ తాజాగా విడుదల చేస్తే మంచి రెస్పాన్స్ దక్కించుకుంటుంది. ఇది మార్వెల్ ఫస్ట్ సూపర్ హీరో కుటుంబానికి, గ్రహాలను మింగేసే గెలాక్టస్కి మధ్య జరగబోయే భీకర పోరాటం నేపథ్యంలో తెరకెక్కించారు. 1960ల నాటి రెట్రో-ఫ్యూచరిస్టిక్ సెట్టింగ్లో ఈ సినిమా ఉండబోతుంది. కొత్త MCU లైనప్లో పెడ్రో పాస్కల్ (రీడ్ రిచర్డ్స్/మిస్టర్ ఫెంటాస్టిక్), వెనెస్సా కిర్బీ (సూ స్ట్రోమ్/ఇన్విజిబుల్ ఉమెన్), జోసెఫ్ క్విన్ (జానీ స్ట్రోమ్/హ్యూమన్ టార్చ్), ఎబోన్ మోస్-బచ్రాక్ (బెన్ గ్రిమ్/ది థింగ్) ఉన్నారు. వీరు భూమిని కాపాడాలి. గెలాక్టస్ (రాల్ఫ్ ఇనెసన్) అతని దూత సిల్వర్ సర్ఫర్ (జూలియా గార్నర్) నుండి రక్షించాలి.
గ్రహాన్ని కాపాడటమే కాకుండా, వారి కుటుంబ బంధాన్ని నిలబెట్టుకోవడం వారు ఎలాంటి సవాళ్లను అందుకున్నారేది సినిమా స్టోరీ. ఈ యాక్షన్ అడ్వెంచర్లో పాల్ వాల్టర్ హౌసర్, జాన్ మల్కోవిచ్, నటాషా లియోన్, సారా నైల్స్ కూడా నటిస్తున్నారు. మాట్ షాక్మాన్ దర్శకత్వం వహించిన ఈ సినిమాను కెవిన్ ఫీజ్ నిర్మించారు. లూయిస్ డి'ఎపోసిటో, గ్రాంట్ కర్టిస్, టిమ్ లూయిస్ ఎగ్జిక్యూటివ్ ప్రొడ్యూసర్లుగా వ్యవహరించారు. 'ఫెంటాస్టిక్ ఫోర్: ఫస్ట్ స్టెప్స్' జూలై 25న ఇంగ్లీష్, హిందీ, తమిళం మరియు తెలుగు భాషల్లో భారతదేశంలో విడుదల కానుంది.
మరి ఈ సినిమా కోసం తెలుగు ప్రేక్షకులు ఆదిస్తారనే నమ్మకం ఉంది. మార్వెల్ మూవీస్ లో కొత్త జానర్ లో రాబోతున్న ఈ చిత్రం ఓ వర్గం ప్రేక్షకులను మెప్పించడం ఖాయమనే ముచ్చట వినిపిస్తోంది. ఏది ఏమైనా గత కొన్నేళ్లుగా హాలీవుడ్ మేకర్స్.. భారతీయ మార్కెట్ పై కన్నేసారు. ముఖ్యంగా తెలుగు, తమిళ మార్కెట్ పై గురి పెట్టారు. అందుకే వారి చిత్రాలను తెలుగు సహా ఇతర రీజనల్ లాంగ్వెజెస్ లో రిలీజ్ చేస్తున్నారు. ఈ కోవలో మార్వెల్ వారి నుంచి వస్తోన్న ఈ సినిమా ప్రేక్షకులను ఏ మేరకు మెప్పిస్తుందో చూడాలి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
