The Suspect Trailer Launch Event: తెలుగులో వస్తోన్న మరో క్రైమ్ సస్పెన్స్ థ్రిల్లర్ మూవీ ‘ది సస్పెక్ట్’. టైటిల్ తోనే ఈ సినిమా ఎలా ఉండబోతుందో చెప్పకనే చెప్పారు. ఇప్పటి వరకు తెలుగు తెరపై రాని డిఫరెంట్ కాన్సెప్ట్ తో ఈ సినిమా ఉండబోతున్నట్టు మేకర్స్ వెల్లడించారు. తాజాగా ఈ సినిమా నుంచి విడుదలైన ఫస్ట్ లుక్ కు మంచి రెస్పాన్స్ వచ్చింది. ఈ సినిమాలో ఋషి కిరణ్, శ్వేత, రూప, శివ యాదవ్, రజిత, ఏ కె న్ ప్రసాద్, మృణాల్ లీడ్ రోల్స్ లో యాక్ట్ చేస్తున్నారు. ఈ చిత్రాన్ని టెంపుల్ టౌన్ టాకీస్ సమర్పణలో ప్రొడ్యూసర్ కిరణ్ కుమార్ ఎక్కడా కాంప్రమైజ్ కాకుండా నిర్మించారు. సస్పెన్స్ క్రైమ్ థ్రిల్లర్ మూవీని డైరెక్టర్ రాధాకృష్ణ తెరకెక్కించారు.
అంతేకాదు ‘ది సస్పెక్ట్’ చిత్రాన్ని ఈ నెల 21న ఎస్ కె ఎమ్ ఎల్ మోషన్ పిక్చర్స్ ద్వారా ఆంధ్ర ప్రదేశ్, తెలంగాణలో గ్రాండ్ థియేట్రికల్ రిలీజ్ చేస్తున్నారు. తాజాగా ఈ సినిమా ట్రైలర్ లాంఛ్ ఈవెంట్ ను హైదరాబాద్ లో ఘనంగా నిర్వహించారు. ప్రముఖ దర్శకుడు వీఎన్ ఆదిత్య ఛీప్ గెస్ట్ గా హాజరై ట్రైలర్ రిలీజ్ చేశారు.
ఈ సందర్భంగా ప్రొడ్యూసర్ పద్మినీ నాగులపల్లి మాట్లాడుతూ - ది సస్పెక్ట్ సినిమా ట్రైలర్ చాలా బాగుంది. ప్రేక్షకులకు ఈ సినిమా తప్పకుండా నచ్చుతుందనే ఆశాభావం వ్యక్తం చేశారు. ఆర్టిస్టులు అందరూ బాగా యాక్ట్ చేశారు. దర్శకుడు రాధాకృష్ణ ఎంతో ప్యాషన్ తో ఈ సినిమాను నిర్మించినట్టు తెలుస్తోంది.
దర్శకుడు వీఎన్ ఆదిత్య మాట్లాడుతూ - ది సస్పెక్ట్ మూవీ ట్రైలర్ నా చేతుల మీదుగా విడుదల చేయడం ఆనందంగా ఉందన్నారు. ప్రొడ్యూసర్ కిరణ్ నాకు ఎప్పటినుంచో స్నేహితులు. ఆయన ఈ సినిమాను ప్రొడ్యూస్ చేయడమే కాదు మంచి క్యారెక్టర్ లో నటించారు. పెద్ద సినిమాలు జీరో కలెక్షన్స్ చేసినవి ఉన్నాయి. చిన్న చిత్రాలు అద్భుతంగా ఆదరణ పొందుతున్న సందర్బాలున్నాయి. ది సస్పెక్ట్ సినిమా చిన్న చిత్రాల్లో పెద్ద విజయం సాధించాలన్నారు. ఈ సినిమా విజయం సాధిస్తే రాధాకృష్ణ లాంటి దర్శకులకు మరిన్ని అవకాశాలు వస్తాయన్నారు. ఇలాంటి సినిమాలకు మంచి లాభాలు రావాలన్నారు. మీరంతా ది సస్పెక్ట్ చిత్రానికి సపోర్ట్ చేస్తారని కోరుకుంటున్నా అన్నారు.
నిర్మాత కిరణ్ కుమార్ మాట్లాడుతూ - సినిమా రంగంలోకి రావాలనేది నా డ్రీమ్. ది సస్పెక్ట్ సినిమాతో ఆ కల నెరవేరింది. నా స్నేహితుడు వీఎన్ ఆదిత్య మా సినిమా ఈవెంట్ కు ముఖ్య అతిథిగా రావడం ట్రైలర్ రిలీజ్ చేయడం ఆనందంగా ఉంది. రాధాకృష్ణ చేసిన ఒక షార్ట్ ఫిలిం చూసి నచ్చి ఈ సినిమాకు డైరెక్ట్ చేయమని అడిగాను. ఔట్ పుట్ బాగా వచ్చింది. సినిమా ప్రేక్షకులకు తప్పక నచ్చుతుందన్నారు.
ఇదీ చదవండి: అల్లు అర్జున్ నిజంగానే రామ్ చరణ్ అన్ ఫాలో చేశాడా.. తెర వెనక అసలు స్టోరీ ఇదే.
నిర్మాత లయన్ సాయివెంకట్ మాట్లాడుతూ - ది సస్పెక్ట్ సినిమాలో పాటను విడుదల చేయడం హ్యాపీగా ఉందన్నారు. మూవీ ట్రైలర్ చాలా బాగుంది. దర్శకుడు వీఎన్ ఆదిత్య ఈ సినిమాలో ఓ పాట రాయడం విశేషం. ఈ సినిమా కిరణ్ మంచి పేరు డబ్బు తీసుకురావాలని కోరుకుంటున్నాన్నారు.
డైరెక్టర్ రాధాకృష్ణ మాట్లాడుతూ - ఈ రోజు మా సస్పెక్ట్ సినిమా ఈవెంట్ కు వచ్చిన ప్రతి ఒక్కరికీ పేరు పేరునా ధన్యవాదాలు. సినిమా చేసేందుకు పడే కష్టం చిన్న చిత్రానికైనా పెద్ద చిత్రానికైనా ఒక్కటే కష్టముంటుందన్నారు. మేము ఈ సినిమాను అందరికీ నచ్చేలా మంచి సస్పెన్స్ డ్రామా థ్రిల్లర్ గా రూపొందించామన్నారు. ఒక అమ్మాయి హత్యకు కారకులైన వారిని పట్టుకునే క్రమంలో సాగే చిత్రమిది. కొత్త ఆర్టిస్టులైనా ఎంతో అనుభవం ఉన్న వారిలా బాగా నటించారు. ఈ మూవీ చేసే అవకాశం ఇచ్చిన ప్రొడ్యూసర్ కిరణ్ కి థ్యాంక్స్. మా సినిమాను గ్రాండ్ గా రిలీజ్ చేస్తున్న ఆదినారాయణ కి థ్యాంక్స్. ఈ నెల 21న థియేటర్స్ లోకి వస్తున్న ది సస్పెక్ట్ చిత్రాన్ని ఆదరిస్తారని కోరుకుంటున్నా అన్నారు.
ఇదీ చదవండి: టబుకు అన్న ఎన్టీఆర్ ఫ్యామిలీకి ఉన్న ఈ రిలేషన్ తెలుసా.. ! అస్సలు ఎక్స్ పెక్ట్ చేయరు..
ఇదీ చదవండి: నిహారిక మళ్లీ పెళ్లి కూతురు అవుతుందోచ్.. పెళ్లి కొడుకు ఫిక్స్..?
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
TA Kiran Kumar
కిరణ్ కుమార్ తంజావూర్ జీ తెలుగు తెలుగు న్యూస్లో ఛీఫ్ సబ్ ఎడిటర్గా పనిచేస్తున్నారు. ఇక్కడ 2024 నుంచి వినోదం, ఆధ్యాత్మికం, జాతీయ, అంతర్జాతీయ, రాజకీయ వ్యవహారాలకు సంబంధించిన వార్తలు రాస్తున్నారు. సినిమా రివ్యూలు, సినిమాలకు సంబంధించి ప్రత్యేక కథనాలు కూడా రాస్తుంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో 18 ఏళ్లకుపైగా అనుభవం ఉంది.
...Read More
