Tollywood Producer Sandeep Death News: తెలుగు చిత్రసీమలో మరో విషాదం చోటుచేసుకుంది. టాలీవుడ్ నిర్మాత కొరటాల సందీప్ మృతిచెందారు. ఆయన వయసు కేవలం 39 ఏళ్లు. గుంటూరు జిల్లాలోని బాపట్లలో తన నివాసంలో ఉన్న నిర్మాతకు ఆదివారం ఉదయం ఛాతీలో నొప్పి రావడంతో ఒక్కసారిగా కుప్పకూలిపోయారు. ఆసుపత్రికి తరలించగా ఆయనను పరీక్షించిన వైద్యులు అప్పటికై సందీప్ చనిపోయినట్లు ధ్రువీకరించారు.
నారా రోహిత్తో రౌడీ ఫెలో, నిఖిల్తో స్వామిరారా, వీడు తేడా లాంటి సినిమాలు నిర్మించిన సందీప్ నిర్మాతగా పేరు తెచ్చుకున్నారు. విభిన్న కథాంశాలకు ప్రాధాన్యమిచ్చే సందీప్ చిన్న వయసులో గుండెపోటుతో మృతి చెందడం పట్ల టాలీవుడ్(Tollywood) దిగ్భ్రాంతికి గురైంది. పలువురు టాలీవుడ్ ప్రముఖులు సందీప్ కుటుంబానికి ప్రగాఢ సానుభూతి తెలిపారు.
Also Read: Richa Gangopadhyay Pregnancy: తన అభిమానులకు శుభవార్త చెప్పిన మిర్చి హీరోయిన్ రిచా గంగోపాధ్యాయ్
టీడీపీ నేతగానూ సందీప్ సేవలు అందించారు. పలువురు టీడీపీ నేతలు, జిల్లా నేతలు, మాజీ మంత్రి ప్రత్తిపాటి పుల్లారావు తదితరులు నిర్మాత సందీప్ కొరటాకు నివాళులు అర్పించారు. తన నిర్మాత సందీప్ ఆకస్మిక మరణంపై నటుడు నారా రోహిత్(Nara Rohith) దిగ్భ్రాంతి వ్యక్తం చేశారు. ఆయన ఆత్మకు శాంతి చేకూరాలని ప్రార్థిస్తూ ట్వీట్ చేశారు.
Also Read: Saranga Dariya Video Song: సెన్సేషన్గా మారిన సాయిపల్లవి సారంగ దరియా సాంగ్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee Hindustan App డౌన్లోడ్ చేసుకోండి.
Android Link - https://bit.ly/3hDyh4G
Apple Link - https://apple.co/3loQYe
మా సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter , Facebook