Jack Movie: వరుసగా అగ్ర నిర్మాణ సంస్థల్లో సినిమాలు చేస్తూ బిజీబిజీగా గడుపుతున్న తెలుగమ్మాయి వైష్ణవి చైతన్య సరికొత్త అవతారంలో కనిపించారు. యువరాణి లుక్లో తళుక్కుమన్నారు. 'బేబీ'తో కుర్రోళ్ల గుండెలను గాయపరచిన వైష్ణవి తాజాగా తన లుక్స్తో మళ్లీ యువతను కట్టిపడేసింది. తెలుగు సినీ పరిశ్రమలో తెలుగు అమ్మాయిలకి అవకాశాలు రావడమే కష్టమైన ఈ సమయంలో తొలి సినిమాతోనే సంచలన విజయాన్ని పొంది ఇప్పుడు అగ్ర బ్యానర్లలో నటిస్తున్న తెలుగమ్మాయి వైష్ణవి చైతన్య. అందం, అభినయంతో ప్రేక్షకులను కట్టిపడేస్తున్న హీరోయిన్ వైష్ణవి చైతన్య తదుపరి సినిమాలపై దృష్టి సారించారు.
కెరీర్ ప్రారంభంలో 'లవ్ ఇన్ 143 అవర్స్' 'ది సాఫ్ట్వేర్ డెవలపర్' 'అరెరె మానస' 'మిస్సమ్మ' వంటి షార్ట్ ఫిల్స్మ్తో గుర్తింపు తెచ్చుకున్న వైష్ణవి క్యారెక్టర్ ఆర్టిస్ట్గా 'అల వైకుంఠపురములో', 'వరుడు కావలెను' వంటి సినిమాల్లో నటించింది. చిన్న చిన్న పాత్రలు చేస్తూనే 'బేబీ'తో హీరోయిన్గా వైష్ణవి చైతన్య తొలి సినిమా చేసింది. ఆ సినిమా సంచలన విజయం సాధించడంతో వైష్ణవికి అభిమానులు పెరిగిపోయారు.
'బేబీ'లో ఇద్దరు హీరోలు ఉన్నప్పటికీ సినిమా మొత్తం వైష్ణవి తన భుజాలపై మోసింది. ఆమె నటన సినిమాకు ప్రధాన బలంగా నిలిచింది. ఆ సినిమా రూ.100 కోట్లకు పైగా వసూళ్లు సాధించడంలో వైష్ణవి పాత్ర ఎంతో ఉంది. ఇప్పుడు ఆమె నటిస్తున్న 'జాక్' సినిమాపై కూడా భారీ అంచనాలు నెలకొన్నాయి. ఈ సినిమాలో వైష్ణవి ద్విపాత్రాభినయం చేస్తుండడం విశేషం. 'బొమ్మరిల్లు' భాస్కర్ దర్శకత్వం వహిస్తున్న ఈ చిత్రాన్ని 'శ్రీ వెంకటేశ్వర సినీ చిత్ర' బ్యానర్పై బీవీఎస్ఎన్ ప్రసాద్, బాపినీడు నిర్మిస్తున్నారు. ఏప్రిల్ 10వ తేదీన ఈ చిత్రం విడుదల కానుంది. దీంతో పాటు '90's ఏ మిడిల్ క్లాస్ బయోపిక్' వెబ్ సిరీస్కి సీక్వెల్గా రూపొందుతున్న సినిమాలో కూడా ఆనంద్ దేవరకొండతో మరోసారి వైష్ణవి జత కడుతున్నారు. 'సితార ఎంటర్టైన్మెంట్స్' బ్యానర్ పై స్టార్ ప్రొడ్యూసర్ నాగవంశీ ఈ సినిమాని నిర్మిస్తున్నారు. ఇలా 2 పెద్ద బ్యానర్లలో ప్రధాన హీరోయిన్గా వైష్ణవి బిజీగా ఉన్నారు.
సినిమాలతోనే కాదు తన సోషల్ మీడియా ద్వారా వైష్ణవి చైతన్యకు అభిమానులు పెరిగిపోతున్నారు. ఆమె ఏది పంచుకున్నా నెటిజన్లు తెగ లైక్లు.. షేర్లు.. కామెంట్లు చేస్తున్నారు. అరకొర బట్టలతో కాకుండా సంప్రదాయ దుస్తుల్లో వైష్ణవి ఎక్కువగా కనిపిస్తూ అందానికి సరికొత్త డెఫినిషన్ చెబుతుంటారు. ఇప్పుడు కూడా ఆమె ఓ స్పెషల్ ఫోటో షూట్లో పాల్గొంది. ఇందులో ఆమె యువరాణిలా మెరిసిపోతూనే.. పవర్ ఫుల్ గా కనిపిస్తున్నారు. భవిష్యత్తులో ఈమె లేడీ ఓరియెంటెడ్ సినిమాల్లో కూడా నటించి మెప్పించే అవకాశాలు ఉన్నాయని ఈ ఫొటోలతో స్పష్టం చేసినట్టైంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)