Kingdom 1st Day Collections:‘కింగ్ డమ్’ ఫస్ట్ డే కలెక్షన్స్.. బాక్సాఫీస్ దగ్గర విజయ్ మాస్ జాతర..

Kingdom 1st Day Collections: టాలీవుడ్ రౌడీ బాయ్ కు గత కొన్నేళ్లుగా సరైన హిట్ లేదు. కథానాయకుడిగా సక్సెస్ అందుకొని చాలా యేళ్లే అవుతోంది. ఈ నేపథ్యంలో గౌతమ్ తిన్ననూరి దర్శకత్వంలో చేసిన ‘కింగ్ డమ్’ మూవీ ఫస్ట్ బాక్సాఫీస్ దగ్గర మాస్ ఊచకోత కోసింది. ఈ సినిమాలో విజయ్ దేవరకొండ తొలి సారి రెండు విభిన్న పాత్రల్లో కనిపించి అలరించారు. అది కూడా పునర్జన్మల నేపథ్యంలో తెరకెక్కిన ఈ సినిమా ఓ వర్గం ప్రేక్షకులను అలరిస్తోంది. ముఖ్యంగా ఓవర్సీస్ లో ఈ సినిమా ప్రీమియర్స్ తొలి రోజు కలిపి దాదాపు $1 మిలియన్ గ్రాస్ వసూళ్లను రాబట్టింది. 

ఈ సినిమా తొలి రోజు తెలంగాణ, ఆంధ్ర ప్రదేశ్ లు కలిపి సాధించిన వసూళ్ల విషయానికొస్తే.. 

తెలంగాణ (నైజాం)లో - రూ. 4.20 కోట్ల షేర్.. రాయలసీమ(సీడెడ్  )లో రూ. 1.70 కోట్లు షేర్.. ఉత్తరాంధ్ర - రూ. 1.16 కోట్ల షేర్.. ఉమ్మడి గుంటూరు జిల్లాలో-- రూ. 75 లక్షల షేర్.. ఉమ్మడి తూర్పు గోదావరిలో - రూ. 74 లక్షల షేర్  ఉమ్మడి పశ్చిమ గోదావరిలో .. రూ. 44 లక్షల షేర్.. ఉమ్మడి కృష్ణా జిల్లాలో .. రూ. 0.59 లక్షల షేర్.. ఉమ్మడి నెల్లూరులో ..రూ. 34 లక్షల షేర్ రాబట్టినట్టు ట్రేడ్ వర్గాలు చెబుతున్నాయి. మొత్తంగా రెండు తెలుగు రాష్ట్రాల్లో కలిపి రూ. 9.92 కోట్ల షేర్ (రూ. 18 కోట్ల గ్రాస్) వరకు రాబట్టినట్టు సమాచారం. 

మరోవైపు కర్ణాటక + రెస్ట్ ఆఫ్ భారత్ లో రూ. 2 కోట్ల షేర్ (రూ. 4.5 కోట్ల గ్రాస్) వరకు రాబట్టినట్టు సమాచారం. అటు ఓవర్సీస్ లో 1మిలియన్ యూఎస్ డాలర్స్ కలెక్ట్ చేసి ఔరా అనిపించింది. మొత్తంగా అక్కడ మన దేశ కరెన్సీలో దాదాపు రూ. 6.5 కోట్ల వరకు షేర్ (రూ.11 కోట్ల గ్రాస్) కలెక్ట్ చేసినట్టు సమాచారం. మొత్తంగా ప్రపంచ వ్యాప్తంగా రూ. 20.42 కోట్ల షేర్ (రూ.35 కోట్ల వరకు గ్రాస్ ) వరకు అందుకున్నట్టు ట్రేడ్ వర్గాలు చెబుతున్నాయి. మొత్తంగా తొలి రోజే దాదాపు 40 శాతానికి పైగా బిజినెస్ రివకరీ చేసింది. ఈ సినిమా ప్రపంచ వ్యాప్తంగా రూ. 52.50 కోట్ల ప్రీ రిలీజ్ బిజినెస్ చేసినట్టు సమాచారం. ఈ సినిమా హిట్ అనిపించుకోవాలంటే రూ. 53.50 కోట్ల షేర్ రాబట్టాలి. మరి ఈ రోజు.. శనివారం, ఆదివారాల్లో ఈ సినిమాకు వచ్చే కలెక్షన్స్ తో ఈ టార్గెట్ ను అందుకుంటుందా అనేది చూడాలి. ప్రస్తుతానికి ట్రెండ్స్ ను బట్టి చూస్తే.. గత 24 గంటల్లో దాదాపు 221 K టిక్కెట్స్ బుక్ మై షోలో సేల్ అయ్యాయి. మొత్తంగా ఇదే జోరు వీకెండ్ వరకు కొనసాగిస్తే.. ‘కింగ్ డమ్’ సినిమా బాక్సాఫీస్ దగ్గర క్లీన్ హిట్ గా నిలిచే అవకాశాలు పుష్కలంగా ఉన్నాయి. 

ఇదీ చదవండి:   మాజీ ఎంపీ..  ఏకంగా మాజీ ప్రధానితో  ఎఫైర్.. నాగ్ సరసన నటించిన స్టార్ హీరోయిన్.. 

ఇదీ చదవండి:   చిన్న చిత్రం అసాధారణ విజయం.. బాలీవుడ్ బాక్సాఫీస్ ను షేక్ చేస్తోన్న ‘సైయారా’ మూవీ..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.