 "Vijay Deverakonda: 'నాదో చిన్న ప్రపంచం'.. జీవితంపై హీరో విజయ్ దేవరకొండ ఆసక్తికర వ్యాఖ్యలు")
Personal Life Of Vijay Deverakonda: 'నాకు పాలిటిక్స్ పెద్దగా తెలవదు కానీ స్టేజ్ మీద ఎంతో మంది పెద్దలు ఉన్నారు. డ్రగ్స్కు వ్యతిరేకంగా ఒక రోజు పెట్టే అవసరం కూడా వచ్చిందా. నేను ఓ చిన్న ప్రపంచంలో బతుకుతా. నాకు నా ఫ్రెండ్స్ అంటే ముఖ్యం. మా అమ్మ నాన్న సంతోషం ముఖ్యం. డబ్బులు ముఖ్యం. సంతోషంగా.. సౌకర్యంగా బతకాలి. నచ్చిన పని చేసుకున ఇంటికి వెళ్లిపోతుంటా. బయట ఏం జరుగుతుందో పెద్దగా తెలవదు.
'నేను వైజాగ్లో ఒకసారి షూటింగ్లో ఉండగా అక్కడున్న పోలీస్ అధికారి వచ్చి డ్రగ్స్ వ్యతిరేక కార్యక్రమంపై మాట్లాడాలి అని కోరారు. అప్పుడు అసలు ఏం జరుగుతుంది? ఎందుకు ఇంత పెద్దగా జరుపుతున్నామని అని వారిని అడిగా. వారు వాస్తవం చెప్పడంతో వెంటనే ఇలాంటి కార్యక్రమాల్లో పాల్గొనాలని నిర్ణయించుకున్నా. ఎంతో మంది మమ్మల్ని ఇష్టపడతారు, మమ్మల్ని చూస్తారు, మమ్మల్ని ఫాలో అయితారు. మేం చెప్పేది కూడా విని మారుతారనుకుంటా' అని విజయ్ దేవరకొండ తెలిపారు.
'మనకి ఆరోగ్యం చాలా ముఖ్యం. మనమంతా సంతోషంగా.. ఆరోగ్యంగా ఉండాలి. లేదంటే ఏం చేయలేం. అమ్మానాన్న గర్వంగా ఉండాలి. నేను డబ్బులు లేని జీవితం.. డబ్బులు ఉన్న జీవితం చూస్తున్నా. వయసులో ఉన్నప్పుడు చాలా జాగ్రత్తగా ఉండాలి. ఇతరులు ప్రభావం చూపుతారు. ఈ వయసులో తీసుకునే ప్రతి నిర్ణయం చాలా ముఖ్యం' అని విజయ్ దేవరకొండ తెలిపారు. 'ఒక దేశాన్ని నాశనం చేయాలంటే యుద్ధం అవసరం లేదు. యువతకు డ్రగ్స్ అలవాటు చేస్తే చాలు. కొన్ని దేశాలు యువతకు మత్తు అలవాటు చేసి దేశ భవిష్యత్ను నాశనం చేయాలని భావిస్తున్నాయి' అని విజయ్ దేవరకొండ వెల్లడించారు. డ్రగ్స్ మన జీవితాల్ని నాశనం చేస్తాయని పేర్కొన్నారు. ఒక్కసారి వాటికి అలవాటు పడితే కోలుకోవడం చాలా కష్టమని చెప్పారు. డ్రగ్స్ అలవాటు చేసే స్నేహితులకు దూరంగా ఉండాలని సూచించారు.
'మనం సాలిడ్గా ఉండాలి. మన దేశం కూడా సాలిడ్గా ఉండాలి. మనం నంబర్ వన్ ఉండాలి. దేశం నంబర్ వన్ ఉండాలంటే మనం డ్రగ్స్కు దూరం ఉంచాలి. డ్రగ్స్ ఒక్కసారి ట్రై చేసి చూద్దాం తర్వాత ఆపేద్దామనుకుని అటువైపు వెళ్తే మళ్లీ తిరిగి రావడం చాలా కష్టం' అని విజయ్ దేవరకొండ వివరించారు. 'విజయం, డబ్బు, గౌరవం లేని పని చేయటం అనవసరం' అని రౌడీ హీరో పేర్కొన్నారు. 'మంచిగా వర్కవుట్ చేస్తే నాకు హైప్ అనిపిస్తది. బాడీ ఫిట్గా ఉండి బట్టలు మంచిగా పడితే ఆ మజా వస్తది. నాకు డబ్బులు సంపాదించినప్పుడు ఒక గుర్తింపు వస్తుంది. డబ్బులు ఖర్చు పెట్టినప్పుడు ఒక గుర్తింపు వస్తుంది. డబ్బులు ఒకరికి ఇచ్చినప్పుడు ఇంకో గుర్తింపు వస్తుంది. నచ్చిన పని చేసి అది సక్సెస్ అయినప్పుడు అది క్రేజీగా ఉంటుంది' అని విజయ్ దేవరకొండ తెలిపారు. మనమంతా ఆరోగ్యంగా ఉండాలని.. వ్యాయామం చేయాలని విజయ్ దేవరకొండ సూచించారు. మన తల్లిదండ్రులు గౌరవంగా ఉండేలా చూడాలని చెప్పారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
)