Ari movie delay reason: చిత్ర పరిశ్రమలో జరిగే పరిణామాలు ఎన్నో ఊహించలేని విధంగా ఉంటాయి. కొన్ని సినిమాలు వెంటనే పూర్తి అయ్యి విడుదల అయితే, మరికొన్ని మాత్రం సంవత్సరాల తరబడి డబ్బింగ్లోనో, రిలీజ్ విషయంలోనో వాయిదాపడుతుంటాయి. అలా వాయిదా పడుతున్న చిత్రాల్లో ‘అరి’ అనే సినిమా ఒకటి.
జయశంకర్ దర్శకత్వంలో తెరకెక్కిన ఈ చిత్రం, ‘పేపర్ బాయ్’ వంటి హిట్ తర్వాత ఆయన చేయనున్న మరో ప్రయోగాత్మక ప్రయత్నం. లాక్డౌన్ కారణంగా ముందుగా ప్లాన్ చేసిన గీతా ఆర్ట్స్ ప్రాజెక్ట్ ఆగిపోవడంతో, కొత్త నిర్మాతలతో ‘అరి’ను రూపొందించారు. అరిషడ్వర్గాల నేపథ్యంగా ఒక డిఫరెంట్ కంటెంట్తో తెరకెక్కిన ఈ సినిమా ఇప్పటికే రెండు సంవత్సరాలుగా విడుదల కోసం ఎదురుచూస్తోంది.
తారాగణం విషయంలో కూడా ఈ చిత్రం విశేషంగా ఉంది. వినోద్ వర్మ, సూర్య పురిమెట్ల, అనసూయ భరద్వాజ్, సాయికుమార్, శ్రీకాంత్ అయ్యంగార్ వంటి ప్రముఖులు ఇందులో నటించారు. విజువల్స్, మ్యూజిక్, కాన్సెప్ట్ అన్నింటికీ బలమైన రెస్పాన్స్ వచ్చింది. ముఖ్యంగా మంగ్లీ పాడిన 'కృష్ణుడి పాట' హిట్ అయింది.
అప్పట్లోనే విడుదలైతే సినిమాకు ఉన్న హైప్ ఉపయోగపడేదని సినీ విశ్లేషకులు చెబుతున్నారు. వెంకయ్య నాయుడు, కిషన్ రెడ్డి వంటి ప్రముఖులు చిత్ర బృందాన్ని అభినందించడంతో బీజేపీ సహా హిందూ సంఘాల మద్దతు కూడా సినిమాకు లభించింది. అయినప్పటికీ రిలీజ్ వాయిదా పడింది.
ఇటీవల మళ్లీ ప్రచారం మొదలైంది. దర్శకుడు నాగ్ అశ్విన్ చేతుల మీదుగా థీమ్ సాంగ్ విడుదల చేశారు. పాటకు మంచి స్పందన వస్తున్నా, విడుదల తేదీ మాత్రం ఎక్కడా ప్రకటించలేదు. ఇది ఆడియన్స్లో మరింత సందేహాలకు దారి తీస్తోంది.
బలమైన పాయింట్, వేరియేషన్ ఉన్న కథ, రాజకీయ నాయకుల మద్దతుతో కూడిన సినిమా అయినప్పటికీ ఇంతవరకు విడుదల కాకపోవడం విచారకరం. ఆలస్యం వల్ల కథ పాతదిగా అనిపించే ప్రమాదం ఉంది. కొత్త నిర్మాతలు ఈ అంశాన్ని గమనించకపోవచ్చునా? లేదా జాగ్రత్తగా ఆలోచించి విడుదలపై స్పష్టత ఇవ్వకపోవచ్చునా?
మొత్తానికి, ‘అరి’ విడుదల కావాలన్నది ప్రేక్షకుల ఆకాంక్ష. అలాంటి డిఫరెంట్ సినిమాలు త్వరగా విడుదలైతేనే ప్రేక్షకుల విశ్వాసాన్ని నిలబెట్టగలవు.
ఇదీ చదవండి: ట్రంప్ సర్కారుపై అమెరికావ్యాప్తంగా భారీ నిరసనలు.. వీడియో వైరల్
ఇదీ చదవండి: నేటి రాశిఫలాలు.. ఈరాశికి కుటుంబ సమస్యల నుంచి కాస్త ఉపశమనం..
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Facebook, Twitter
Vishnupriya
విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.
...Read More
