 "Maathru Movie: హృదయాన్ని కదిలించేలా ‘చూస్తున్నవేమో’ సాంగ్.. తమ్మారెడ్డి భరద్వాజ్ ప్రశంసలు")
)
Maathru Movie Songs: మదర్ సెంటిమెంట్ సాంగ్స్కు ప్రేక్షకులు ఎప్పుడూ బ్రహ్మరథం పడుతుంటారు. అమ్మ ప్రేమ మీద వచ్చిన సినిమాలు చాలా వరకు బాక్సాఫీసు వద్ద సూపర్ హిట్గా నిలిచాయి. ఈ నేపథ్యంలోనే మదర్ సెంటిమెంట్ బ్యాక్డ్రాప్లో మాతృ మూవీ ఆడియన్స్ ముందుకు రానుంది. శ్రీ పద్మిని సినిమాస్ బ్యానర్పై బి.శివ ప్రసాద్ నిర్మించారు. రా రాజా సినిమాతో బి.శివ ప్రసాద్ తనలోని దర్శక, నిర్మాతను పరిచయం చేయగా.. ఈ సినిమాతో తన అభిరుచిని చాటుకుంటున్నారు. జాన్ జక్కీ దర్శకత్వం వహించిన ఈ చిత్రంలో శ్రీరామ్, నందినీ రాయ్, సుగి విజయ్, రూపాలి భూషణ్ తదితరులు కీలక పాత్రలు పోషించారు.
ఇప్పటికే మాతృ మూవీ నుంచి రిలీజ్ చేసిన సాంగ్స్ గుండెల్ని కదిస్తుండగా.. తాజాగా మరో ఎమోషనల్ సాంగ్ను మేకర్స్ రిలీజ్ చేశారు. చూస్తున్నవేమో అంటూ ఈ సాంగ్లో తల్లి కోసం పడే వేదనను చూపించారు. శేఖర్ చంద్ర బాణి, సుద్దాల అశోక్ తేజ సాహిత్యం అందించగా.. కారుణ్య పాడారు. జాతీయ అవార్డు గ్రహీత సుద్దాల అశోక్ తేజ రచించిన లిరిక్స్ గుండెల్ని హత్తుకునేలా ఉన్నాయంటూ ఆడియన్స్ కామెంట్స్ చేస్తున్నారు. ఈ సాంగ్ను దర్శక, నిర్మాత తమ్మారెడ్డి భరద్వాజ్ మెచ్చుకున్నారు. హృదయాన్ని హత్తుకునేలా ఉందంటూ చిత్రబృందాన్ని ప్రశసించారు. ప్రస్తుతం మదర్ సెంటిమెంట్ సినిమాలు రావడం లేదని.. తల్లి ప్రేమను చాటి చెప్పేలా సాంగ్స్ కూడా రావడం లేదన్నారు. మాతృ టీమ్కు ఆల్ ద బెస్ట్ చెబుతూ.. సినిమా మంచి విజయం సాధించాలని ఆకాంక్షించారు.
ఈ మూవీ షూటింగ్ కంప్లీట్ అయిందని.. త్వరలోనే ప్రేక్షకులు ముందుకు తీసుకువచ్చేందుకు ప్లాన్ చేస్తున్నట్లు మేకర్స్ వెల్లడించారు. ముందుగా మ్యూజికల్ ప్రమోషన్స్ను స్టార్ట్ చేసినట్లు చెప్పారు. మాతృ టైటిల్కు తగ్గట్టుగా పాటలు ఉన్నాయన్నారు. ఈ సినిమాకు రాహుల్ శ్రీవాస్తవ్ కెమెరామెన్గా వర్క్ చేయగా.. సత్యనారాయణ బల్లా ఎడిటింగ్ బాధ్యతలు నిర్వర్తించారు.
సాంకేతిక బృందం
==> బ్యానర్: శ్రీ పద్మిని సినిమాస్
==> డైరెక్టర్: జాన్ జక్కీ
==> ప్రొడ్యూసర్: బి. శివ ప్రసాద్
==> DOP: రాహుల్ శ్రీవాస్తవ్
==> ఎడిటర్: సత్యనారాయణ బల్లా
==> మ్యూజిక్: శేఖర్ చంద్ర
==> PRO: సాయి సతీష్
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
