సల్మాన్ ఖాన్ పేరెత్తితే మొదటిగా గుర్తొచ్చే అంశాల్లో అతడి పెళ్లి ప్రస్తావన ఒకటి. ఎంతోమంది బాలీవుడ్ హీరోయిన్స్‌తో ప్రేమాయణం సాగించిన ఈ కండ‌ల వీరుడు 53 ఏళ్ల వయస్సులోనూ పెళ్లి చేసుకోకుండా బ్యాచిల‌ర్‌గానే ఉండిపోయాడు. అయితే, ఇప్పటికే ఎన్నో సినీ అవార్డ్స్ ఫంక్షన్స్, ప్రెస్ మీట్స్‌లో పెళ్లి ప్రస్తావన రాగా ఆ విషయంపై తనదైన స్టైల్లో సరదాగా స్పందిస్తూ వెళ్లిన సల్మాన ఖాన్‌కి తాజాగా మరోసారి తాను ఎందుకో ఇప్పటివరకు పెళ్లి చేసుకోలేదనే ప్రశ్నకు క్లారిటీ ఇవ్వాల్సి వచ్చింది. ఇప్ప‌టిర‌కు తనను ఏ అమ్మాయి పెళ్లి చేసుకోమని అడ‌గ‌లేద‌ని, అందుకే తాను పెళ్లి కాకుండానే బ్యాచిలర్‌గా ఉండిపోయాన‌ని సల్మాన్ ఖాన్ వెల్ల‌డించాడు.
''తన జీవితంలో ఏ అమ్మాయి తన వద్ద పెళ్లి ప్ర‌పోజ‌ల్ తీసుకురాలేదు. తానెప్పుడూ క్యాండిల్ లైట్ డిన్న‌ర్స్ చేయ‌లేదు. క్యాండిల్ లైట్‌లో ఏమి పెడుతున్నారో కూడా చూడ‌కుండా తిన‌లేను. అయితే తనను ఎవ్వరూ పెళ్లి చేసుకోమని అడగలేదు'' అని సల్మాన్ ఖాన్ చెప్పుకొచ్చాడు. అంతేకాకుండా ఈ విషయంలో తనకు చాలా బాధగానూ ఉంది'' అని సల్మాన్ వివరించాడు. అయితే, సల్మాన్ ఇలాంటి సమాధానం ఇవ్వడం ఇదేం తొలిసారి కాదు. గతంలో అనేక అవార్డ్స్ ఫంక్షన్స్‌లో, ఇంటర్వ్యూల్లో సల్మాన్ ఇదే తరహా సమాధానాలు ఇచ్చాడనే సంగతి ఇక్కడ గుర్తుచేసుకోవాలి.
