 "Foods for Acidity: ఎసిడిటీ తో బాధ పడుతున్నారా.. అయితే ఈ ఆహార పదార్థాలు తప్పనిసరి..")
Acidity Foods: యాసిడ్ రిఫ్లక్స్ చాలా అసౌకర్యంగా ఉంటుంది అని ప్రత్యేకంగా చెప్పాల్సిన అవసరం లేదు. ఇక కొన్నిసార్లు అసిడిటీని పట్టించుకోకుండా.. ఆహారపు అలవాట్లు మార్చకపోతే గ్యాస్ట్రోఎసోఫాగియల్ రిఫ్లక్స్ వ్యాధి GERD కూడా.. వచ్చే అవకాశం ఉంటుంది. కడుపులోనుండి ఆమ్లం అన్నవాహికలోకి తిరిగి ప్రవహించినప్పుడు ఈ సమస్య వస్తుంది. కానీ యాసిడ్ రిఫ్లక్స్ లక్షణాల నుండి తక్షణమే ఉపశమనాన్ని కలిగించే కొన్ని ఆహారాలు, పానీయాలు ఉన్నాయి. అవేంటో తెలుసుకుందాం.
గ్రీన్ కూరగాయలు:
గ్రీన్ బీన్స్, బ్రోకలీ, ఆస్పరాగస్, కాలీఫ్లవర్, ఆకు కూరలు, బంగాళదుంపలు, దోసకాయలు వంటివి తక్కువ కొవ్వు, తక్కువ చక్కెర కలిగి.. ఉంటాయి. కాబట్టి అవి తినడం వల్ల జీర్ణ ప్రక్రియలో వచ్చే ఇబ్బందులు అన్నీ తొలగిపోతాయి.
అల్లం:
అల్లంతో ఉండే యాంటీ ఇన్ఫ్లమేటరీ లక్షణాలు గుండెల్లో మంట, కడుపు వ్యాధులకి చికిత్స చేస్తాయి. తురిమిన లేదా ముక్కలు.. చేసిన అల్లంతో అల్లం టీ తాగడం వల్ల కూడా యాసిడ్ రిఫ్లక్స్.. లక్షణాలు నియంత్రించవచ్చు.
పండ్లు:
అరటిపండ్లు, పుచ్చకాయలు, నారింజ వంటి పండ్లలో ఇతర పండ్లతో పోలిస్తే ఆమ్లం తక్కువగా ఉంటుంది. కాబట్టి అసిడిటీ ఉన్నప్పుడు.. అలాంటివి తినడం వల్ల త్వరగా జీర్ణం అవ్వడం మాత్రమే.. కాక గ్యాస్ ఇబ్బందులు కూడా రావు.
ఓట్ మీల్/ క్వినోవా:
ఓట్ మీల్, క్వినోవా, బార్లీ వంటి తృణధాన్యాలు కూడా కడుపులో ఆమ్లాలను గ్రహించి, యాసిడ్ రిఫ్లక్స్ లక్షణాలను తగ్గిస్తాయి.
పెరుగు:
పెరుగులో ప్రోబయోటిక్స్ ఉంటాయి, ఇవి కడుపులోని ఆమ్లాన్ని తొలగించడానికి సహాయపడతాయి. అసిడిటీ నుండి తక్షణమే.. ఉపశమనం పొందడంలో కూడా అవి సహాయపడతాయి.
మంచినీళ్లు:
కడుపు లో ఉన్న ఆమ్లాలను పలచన చేయడానికి మంచినీళ్లు బాగా సహాయపడతాయి. ప్రతిరోజూ ఎనిమిది గ్లాసుల నీళ్లు త్రాగడం మంచిది.
టీ:
చమోమిల్, లావెండర్ లేదా అల్లం వంటి హెర్బల్ టీలు జీర్ణవ్యవస్థను మెరుగుపరుస్తాయి.
ఒకవేళ ఎన్ని టిప్స్ ఫాలో అయినా కూడా యాసిడ్ రిఫ్లక్స్ తగ్గకపోయినా, క్రమేణా పెరుగుతూ వచ్చినా, లేదు నొప్పి ఎక్కువగా ఉన్న కూడా తక్షణమే వైద్యుడిని సంప్రదించడం మంచిది. గ్యాస్ట్రోఎంటరాలజిస్ట్ ఈ రకం వ్యాధులను పరీక్షిస్తారు. మన శరీరంలోని అన్నవాహిక, కడుపు, చిన్న ప్రేగు, పెద్ద ప్రేగు తదితర ఇబ్బందులకు, వ్యాధులకు గ్యాస్ట్రోఎంటరాలజిస్ట్ ను సంప్రదించాలి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)