Liver Health: ఆల్కహాల్‌ తీసుకోనివారిలో కూడా కాలేయం ఎందుకు పాడవుతుంది తెలుసా? ఇదొక్కటే కారణం..

Liver Health Tips: మన శరీరంలో కాలేయం ప్రధాన అవయవాల్లో ఒకటి. కాలేయం ఆరోగ్యంగా ఉంటేనే మన శరీర అన్ని విధులు సరిగ్గా సాగుతాయి. అయితే, కాలేయ ఆరోగ్యానికి కొన్ని డైట్‌ మార్పులు చేసుకోవాలి. లేకపోతే అవి పూర్తిగా పాడైపోయే ప్రమాదం ఉంది.

ఆల్కహాల్‌..
ఎక్కువ మోతాదులో ఆల్కహాల్‌, చక్కెర వంటివి తీసుకోవడం వల్ల కాలేయ ఆరోగ్యంపై ప్రభావం పడుతుంది. దీంతో ఫ్యాటీ లివర్‌ సమస్య వస్తుంది. రానురాను ఇది లివర్‌ సిర్రోసిస్‌కు కూడా దారితీస్తుంది. ఆరోగ్య నిపుణుల అభిప్రాయం ప్రకారం ఇవి తీసుకోవడం వల్ల కాలేయం కొవ్వు నిల్వ ఎక్కువ అవుతుంది. లివర్‌ సిర్రోసిస్‌ వల్ల కాలేయ పనితీరు కూడా తగ్గిపోతుంది. ఇది కేన్సర్‌, లివర్‌ ఫెయిల్యూర్‌కు కూడా దారితీస్తుంది.

అతిగా చక్కెర..
ఆల్కహాల్‌ మాత్రమే కాదు అతిగా చక్కెర తీసుకోవడం వల్ల కూడా కాలేయానికి ప్రమాదం. అంతేకాదు ఇది టైప్‌ 2 డయాబెటీస్‌ అభివృద్ధికి కూడా దారితీస్తుంది. దీంతో ఒబేసిటీ వచ్చే ప్రమాదం కూడా లేకపోలేదు. చక్కెర ఎక్కువ మోతాదులో ఫ్రక్టోజ్‌ ఉంటుంది. ఆల్కహాల్‌ తీసుకోలేని వారికి కూడా కాలేయ సమస్యలు రావడానికి ఇది మరో ప్రధాన కారణం.

చక్కెర అనేది పూర్తిగా మానేయలేం. అయితే, మనం తీసుకునే ఆహారంలో వాటికి బదులుగా ఇతర ఆహార పదార్థాలు తీసుకోవడం లేదా తగ్గించడం వంటివి చేయాలి. ఆల్కహాల్‌, చక్కెర రెండూ తీసుకోవడం వల్ల కాలేయం వాపు వస్తుంది. ఇది ఒబేసిటీ, టైప్‌ 2 డయాబెటీస్‌కు కూడా కారణం అవుతుంది. ప్రధానంగా శాచురేటెడ్‌ కొవ్వులు ప్యాక్‌ చేసిన ఆహార పదార్థాల్లో ఉంటాయి. ఫ్రై చేసిన ఆహారం, ఫాస్ట్‌ ఫుడ్‌లు ఎక్కువగా తీసుకున్నవారిలో కూడా ఈ ప్రమాదం ఎక్కువ. తద్వారా ఫ్యాటీ లివర్‌, ఫైబ్రోసిస్‌కు కారణం అవుతుంది. 

ఇదీ చదవండి: బడా స్టార్స్ సహా 900 సినిమాల్లో నటించిన నటి.. భర్త చనిపోవడంతో తాగుడుకు బానిసై జీవితం నాశనం..

అయితే, ప్రతిరోజూ ఉదయం మీ లివర్‌ను డిటాక్సిఫై చేసే డ్రింక్స్‌ కూడా తప్పకుండా మీ డైట్‌లో చేర్చుకోవాలి. ఇది మెటబాలిజం పెంచుతుంది. మీ కాలేయాన్ని డిటాక్స్‌ చేసి, రిపెయిర్‌ కూడా చేస్తాయి.ఆరోగ్య నిపుణుల అభిప్రాయం ప్రకారం చక్కెరకు బదులుగా బెల్లం, ఖర్జూరం వంటివి డైట్‌లో చేర్చుకోవాలి. ఆల్కహాల్‌ కూడా తక్కువ మోతాదులో మాత్రమే తీసుకోండి. అంతేకాదు ఆల్కహాల్‌ తీసుకునే ముందు..  ఆతర్వాత ఎక్కువగా నీరు తాగాలి. కాలేయ ఆరోగ్యానికి ఆకుకూరలు, వెల్లుల్లి, పసుపు, సిట్రస్‌ పండ్లు తినాలి. 

ఇదీ చదవండి:  ఈ చెట్లు ఉంటే.. పాములకు మీ ఇంట్లోకి రెడ్ కార్పెట్ పరిచినట్టే.. తస్మాత్ జాగ్రత్త..!

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.