 "Drunk And Drive: మందుబాబులకు పట్టపగలే చుక్కలు.. ఇకపై పగటి పూట డ్రంక్ అండ్ డ్రైవ్")
Hyderabad Police: తాగి వాహనం నడపడం చాలా ప్రమాదకరం. మద్యం సేవించిన వ్యక్తి ప్రమాదానికి గురవడమే కాకుండా అమాయక ప్రజల ప్రాణాలు బలి తీసుకుంటున్నారు. ఈ ప్రమాదాల నివారణకు పోలీసులు డ్రంక్ అండ్ డ్రైవ్ తనిఖీలు చేపడుతున్నారు. తాగి వాహనం నడిపే వారిపై పోలీసులు కఠిన చర్యలు తీసుకుంటున్నారు. తెలంగాణ పోలీసులు చేపడుతున్న డ్రంక్ అండ్ డ్రైవ్ పరీక్షలు ఇకపై పగటి పూట కూడా నిర్వహించనున్నారు. ఈ మేరకు పోలీసులు ప్రకటించడం సంచలనం రేపుతోంది.
2011 నుంచి డ్రంక్ అండ్ డ్రైవ్ పరీక్షలు చేస్తున్న విషయం తెలిసిందే. మద్యం తాగి వాహనాలు నడిపే వాళ్లు ఆయా సమయాలు, మార్గాలను వదిలివెళుతూ చిక్కకుండా తప్పించుకుంటున్నారు. ఇలాంటి వాళ్లే కొన్నిసార్లు ప్రమాదాలకు లోనవుతూ.. ప్రమాదాలకు కారకులుగా మారుతున్నారు. రోడ్డుపై వాహనాలతో వెళ్తున్న మందుబాబుల భరతం పట్టనున్నారు. పగటి పూట డ్రంక్ అండ్ డ్రైవ్లతో ఇక మందుబాబులకు చుక్కలే.
గత నెలలో పాఠశాల బస్సులపై పోలీసులు ప్రత్యేక డ్రైవ్స్ నిర్వహించగా.. 35 మంది బస్సు డ్రైవర్లు మద్యం సేవించి చిక్కారు. విద్యార్థులను తీసుకెళ్లే పాఠశాల బస్సు డ్రైవర్లు ఇలా చేయడం సంచలనం రేపింది. సమయం, ప్రాంతం, సందర్భాలతో సంబంధం లేకుండా ఆకస్మికంగా డ్రంక్ అండ్ డ్రైవ్ తనిఖీలు చేయాలని హైదరాబాద్ నగర ట్రాఫిక్ చీఫ్ జోయల్ డెవిస్ ప్రతిపాదించారు. ఈ విధానానికి నగర కొత్వాల్ సీవీ ఆనంద్ ఆమోదముద్ర వేయడంతో బుధవారం నుంచి అమలులోకి వచ్చింది. ఉదయం, మధ్యాహ్నం, సాయంత్రం అనేక ప్రాంతాల్లో డ్రంక్ అండ్ డ్రైవ్ తనిఖీలు చేపట్టారు. మైనర్లు మద్యం తాగి వాహనాలు నడపడం.. వారితో పాటు వాహన యజమాని, మద్యం విక్రయించిన వ్యాపారిపై కేసులు నమోదు చేయనున్నట్లు సీపీ జోయల్ డేవిస్ తెలిపారు.
మింట్ కాంపౌండ్లో స్పెషల్ డ్రంకన్ డ్రైవ్
పోలీస్ కమిషనర్ ఆదేశాల మేరకు పగటి పూట కూడా డ్రంక్ అండ్ డ్రైవ్ తనిఖీలు చేస్తున్నట్లు హైదరాబాద్ ట్రాఫిక్ జాయింట్ కమిషనర్ జోయల్ డెవిస్ తెలిపారు. ఖైరతాబాద్ మింట్ కాంపౌండ్లో బుధవారం ఆకస్మికంగా డ్రంక్ అండ్ డ్రైవ్ నిర్వహించారు. నెల రోజులుగా చేపడుతున్న స్పెషల్ డ్రైవ్లో భాగంగా షాకింగ్ కలిగించే విషయాలు బయటపడ్డాయని, స్కూలు బస్సు, స్కూల్కు ఆటోలలో పిల్లల్ని తీసుకువెళ్లే డ్రైవర్లు తాగి డ్రైవ్ చేస్తున్నట్లు గుర్తించినట్లు పోలీస్ అధికారి తెలిపారు. నెల రోజుల్లో 35 కేసులు నమోదు చేశామని, ఓ స్కూల్ బస్సు డ్రైవర్కు 400 రీడింగ్ వచ్చిందని వెల్లడించారు. ఇకపై హైదరాబాద్లో పగటిపూట ఆకస్మికంగా డ్రంక్ అండ్ డ్రైవ్లు నిర్వహిస్తామని ప్రకటించారు.
కేసులు ఇలా
మైనర్ డ్రైవింగ్ 4,500 మందిపై కేసులు
2,800 వాహనాల రిజిస్ట్రేషన్ రద్దుకు ప్రతిపాదించగా.. 863 రద్దు
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.Twitter, Facebook
)