 "Karnataka Honey Trap: కర్ణాటకలో హనీట్రాప్ దుమారం.. బీజేపీ ఎమ్మెల్యేలను సభ నుంచి లాక్కెళ్లిన మార్షల్స్.. వీడియో వైరల్..")
Karnataka honeytrap row video viral: ఇటీవల కాలంలో హనీట్రాప్ ఘటనలు ఎక్కువగా వార్తలలో ఉంటున్నాయి. ముఖ్యంగా ఇతర దేశాల నుంచి కొంత మందిఅమ్మాయిలను కాల్స్ చేయించి.. వారి హస్కీ వాయిస్ తో నేతలకు ఫోన్ కాల్స్, వీడియో కాల్స్ చేయిస్తున్నారు. ఆ తర్వాత బుట్టలోకి పడ్డాక..నగ్నంగా మాట్లాడుకుందామంటూ అవుతల వారిని టెప్ట్ అయ్యేలా చేస్తున్నారు. ఆ తర్వాత వాళ్లు మాట్లాడిన వీడియో కాల్స్ వాళ్లకే పంపి..అడిగినంత డబ్బులు,డిమాండ్ చేసిన సమాచారం చెప్పకుంటే.. వైరల్ చేస్తామని బెదిరింపులకు పాల్పడుతున్నారు. ఇటీవల ఆర్మీ, నేవి అధికారులు కూడా ఈ హనీట్రాప్ అమ్మాయిల బారిన పడ్డారు.
ఇక తాజాగా.. దేశంలో అనేక మంది రాజకీయా నాయకులు సైతం.. వలపు వలలో చిక్కుకుని విలవిల్లాడిపోతున్నారు.ముఖ్యంగా కర్ణాటకలో అనేక మంది రాజకీయ నేతలు పార్టీలకతీతంగా హనీట్రాప్ బారినపడిన వాళ్లు ఉన్నారు. ఈ క్రమంలో దీనిపై కర్ణాటకలో పెద్ద దుమారం చెలరేగింది. కర్ణాటక బీజేపీ నేతలు అసెంబ్లీలో హనీ ట్రాప్ మీద చర్చలు జరపాలని డిమాండ్ చేశారు. దాదాపుగా.. 40 మందికిపైగా నేతలు పార్టీలకతీతంగా హనీట్రాప్ లో చిక్కుకున్నారని.. కొందరు పరువు పొతుందని బైటకు రావడంలేదని కూడా సభలో మాట్లాడారు.
కర్ణాటకలో 18మంది బీజేపీ ఎమ్మెల్యేలపై సస్పెన్షన్ వేటు
ఆరు నెలల పాటు వారిపై సస్పెన్షన్ విధిస్తూ తీర్మానం
కర్ణాటకలో మంత్రులు సహా అనేకమందిపై 'హనీ ట్రాప్'లో ఇరుకున్న అంశాన్ని బీజేపీ నేతలు అసెంబ్లీలో లేవనెత్తడంతో.. సభా కార్యక్రమాలను అడ్డుకున్నారని వారిని సస్పెండ్ చేసిన స్పీకర్ https://t.co/HF6VIOwaqT pic.twitter.com/r9ppLg77mb
— Telugu Scribe (@TeluguScribe) March 21, 2025
దీనిపై చర్చలు జరపాలని. సీఐడీకీ ఈకేసును అప్పగించాలని డిమాండ్ చేశారు. అయితే.. దీనిపై సభలో వాడీ వేడిగా చర్చలు జరిగాయి. ఈ నేపథ్యంలో స్పీకర్.. సభలో గందరగోళం చేస్తున్నారని.. 18 మంది బీజేపీ ఎమ్మెల్యేలను సస్పెండ్ చేశారు. మరోవైపు సభలో ముస్లిం కోటా బిల్లును పాస్ చేయడం కూడా వివాదంగా మారింది. దీనిపై బీజేపీ నేతలు తీవ్ర అభ్యంతరం వ్యక్తం చేశారు. సభలో నినాదాలు చేస్తు.. స్పీకర్ పొడియం వద్దకు దూసుకుని వెళ్లారు. స్పీకర్ మీద కాగితాలు పడేశారు. ఈ నేపథ్యంలొస్పీకర్ బీజేపీ ఎమ్మెల్యేలపై ఆరు నెలల పాటు సభనుంచి సస్పెండ్ చేశారు.
ఈ క్రమంలో స్పీకర్ ఆదేశాలతో మార్షల్స్ వచ్చి.. పలువురు బీజేపీ ఎమ్యెల్యేలను బైటకు తీసుకెళ్లారు. ఈ ఘటన మాత్రం కర్ణాటక రాజకీయాల్లో హట్ టాపిక్ గా మారింది. సీఐడీతో విచారణ జరిపిస్తే.. అసలు దీని వెనుకాల ఎవరున్నారనే కుట్రలు.. అన్ని బైటకు వస్తాయని అపోసిషన్ పార్టీలు అంటున్నాయి. మొత్తంగా హనీ ట్రాప్ ఘటన మాత్రం కర్ణాటక అసెంబ్లీని కుదిపేసింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
)