)
Uniform Allowance Update: కేంద్ర ప్రభుత్వ ఉద్యోగులకు బిగ్ అప్డేట్ ఇది. యూనిఫామ్ అలవెన్స్ విషయంలో కీలక ప్రకటన చేసింది. ఇకపై ఈ ప్రత్యేక అలవెన్స్ను ఏడాదికి ఒకసారి కాకుండా రెండు సార్లు చెల్లించేందుకు నిర్ణయం తీసుకుంది. వాస్తవానికి కేంద్ర ప్రభుత్వ ఉద్యోగుల్లో ఈ సమస్య చాలా కాలంగా పెండింగులో ఉంది.
కేంద్ర ప్రభుత్వ ఉద్యోగుల విషయంలో కేంద్ర ప్రభుత్వం కీలక నిర్ణయం తీసుకుంది. ఇకపై ఉద్యోగులకు ప్రో రేటా చెల్లింపు వ్యవస్థ అమలు చేయాలని నిర్ణయించింది. అంటే జూలై తరువాత ఎవరైతే ఉద్యోగంలో చేరుతారో వారందరికీ పదవీకాలం ఆధారంగా ప్రత్యేక అలవెన్స్ లభించనుంది. దీనికి సంబంధించిన ఉత్తర్వులు తాజాగా మార్చ్ 24న జారీ అయ్యాయి. వాస్తవానికి 2017లో జారీ అయిన ఓ ఉత్తర్వు ప్రకారం యూనిఫామ్ అలవెన్స్ ఏడాదికి ఒకసారే జూలై నెలలో చెల్లిస్తామని ఉంది. అప్పటి నుంచి ఈ అంశంపై కేంద్ర ప్రభుత్వ ఉద్యోగులు అసంతృప్తిగా ఉన్నారు. ఈ ఉత్తర్వుల ప్రకారం యూనిఫామ్ అలవెన్స్తో పాటు కిట్ అలవెన్స్, కిట్ మెయింటెనెన్స్ అలవెన్స్, షూ అలవెన్స్ ఇలా చాలా రకాలుంటాయి. అందుకే వీటిని ఏడాదికి ఒకసారే పరిమితం చేయడంతో ఉద్యోగుల్లో వ్యతిరేకత మొదలైంది.
పారదర్శకంగా అలవెన్స్ చెల్లింపు ప్రక్రియ
2017లో వచ్చిన ఈ ఉత్తర్వులపై ఉద్యోగుల్లో నెలకొన్న అసంతృప్తితో దాదాపు ఏడేళ్ల తరువాత కేంద్ర ప్రభుత్వం యూనిఫాం అలవెన్స్ చెల్లించేందుకు ప్రో రేటా పేమెంట్ విధానం ప్రవేశపెట్టింది. దీంతో చెల్లింపు ప్రక్రియ చాలా పారదర్శకంగా ఉంటుంది. కొత్తగా నియమితులైన ఉద్యోగులు మిగిలిన నెలలకు ఎంత అలవెన్స్ పొందుతారనేది స్పష్టంగా తెలుస్తుంది. ఈ విధానం ప్రకారం ప్రభుత్వ సర్వీసులో చేరిన నెల నుంచి మరుసటి ఏడాది జూన్ వరకు 12 నెలలకు అలవెన్స్ చెల్లిస్తారు. అంటే జూన్ వరకు ఎన్ని నెలల సర్వీసు ఉంటుందో అన్ని నెలలకు భత్యం చెల్లిస్తారు. ఉదాహరణకు ఓ వ్యక్తి ఆగస్టులో ఉద్యోగంలో చేరితే ఏడాదికి అతనికి చెల్లించాల్సిన యూనిఫామ్ అలవెన్స్ 20 వేల రూపాయల్లో ప్రో రేటా ప్రకారం ఆగస్టు నుంచి జూన్ వరకు ఉన్న 11 నెలలకు 18,333 రూపాయలు లభిస్తాయి.
యూనిఫాం అలవెన్స్ ఎంత వస్తుంది
7వ వేతన సంఘం సిఫార్సుల ప్రకారం కేంద్ర ప్రభుత్వ ఉద్యోగులకు డీఏ, టీఏతో పాటు యూనిఫాం అలవెన్స్ ఇతర సౌకర్యాలు చాలా ఉంటాయి. యూనిఫాం అలవెన్స్ అయితే వివిధ రకాల పోస్టులు, సేవల ప్రకారం నిర్ణయిస్తారు. ఆర్మీ, ఎయిర్ఫోర్స్, నేవీ, సెంట్రల్ ఆర్మ్డ్ పోలీస్ ఫోర్స్, కోస్ట్ గార్డ్ అధికారులకు ఏడాదికి 20 వేల రూపాయలు యూనిఫామ్ అలవెన్స్ చెల్లిస్తుంటారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
