 "Aadhaar Card Free Update: మీ ఆధార్లో తప్పులున్నాయా, ఇలా ఫ్రీగా అప్డేట్ చేసుకోండి")
Aadhaar Card Free Update: ప్రభుత్వ, ప్రైవేటు పని ఏదైనా ఆధార్ కార్డు తప్పనిసరిగా మారింది. అందుకే ఆధార్ కార్డులో వివరాలు ఎప్పుడూ పూర్తిగా అప్డేట్ అయి ఉండాలి. ముఖ్యంగా చిరునామా, ఫోన్ నెంబర్, బయోమెట్రిక్ వివరాలు మిస్ కాకూడదు. అప్డేట్ అయి కాకపోతే వివిధ రకాల సమస్యలు ఎదురు కావచ్చు.
ఆధార్ అప్డేట్ అనేది వాస్తవానికి ఎప్పుడైనా చేసుకోవచ్చు. కానీ ఉచితంగా అప్డేట్ చేసుకునేందుకు గడువు తేదీని కేంద్ర ప్రభుత్వం ఇప్పటికే పలు మార్పు పొడిగించింది. ఈ డెడ్లైన్ జూన్ 14 ఉండేది. కానీ ఇప్పుడు ఆధార్ ఫ్రీ అప్డేట్ గడువు తేదీని సరిగ్గా ఏడాది పొడిగించింది. అంటే వచ్చే ఏడాది 2026 జూన్ 14 వరకూ ఉచితంగా ఆధార్ కార్డు వివరాలు అప్డేట్ చేసుకోవచ్చు. మీ పేరు, చిరునామా, మెయిల్ ఐడీ, ఫోన్ నెంబర్ వంటి వివరాలను మై ఆధార్ పోర్టల్ ద్వారా అప్డేట్ చేసుకోవచ్చు. ఆలస్యమైతే మాత్రం జరిమానా చెల్లించాల్సి ఉంటుంది. ఆధార్ కార్డును ఫ్రీగా అప్డేట్ చేసే గడువు పెంచినట్టు యూఐడీఏఐ ప్రకటించింది. ఆన్లైన్ విధానంలో ఆధార్ డాక్యుమెంట్లను అప్లోడ్ చేసుకునేందుకు డెడ్లైన్ జూన్ 14, 2025 నుంచి వచ్చే ఏడాది అంటే 2026 జూన్ 14 వరకు పొడిగించారు.
మై ఆధార్ పోర్టల్ ద్వారా మాత్రమే ఆధార్ కార్డును ఫ్రీగా అప్డేట్ చేసుకునేందుకు వీలుంది. ఫ్రీ అప్డేట్ గడువు పెంచడంతో కోట్లాదిమందికి ప్రయోజనం కలగనుంది. ఆధార్ కార్డును ఎప్పుడూ పూర్తి వివరాలతో ఉండేట్టు చూసుకోవాలి. అడ్రస్ మార్పు వంటివి లేదా పెళ్లి స్టేటస్ వంటివి ఎప్పుడూ అప్డేట్ కావాలి. ప్రభుత్వ, ప్రైవేటుకు సంబంధించిన చాలా రకాల పనులకు ఇది ఉపయోగపడుతుంది. ఆధార్ కార్డు వివరాలు అప్డేట్ చేసుకునేందుకు రుసుము 50 రూపాయలు ఉండేది. కానీ ఇది ఇప్పుడు రద్దయింది. వచ్చే ఏడాది వరకు ఫ్రీగా చేసుకోవచ్చు. ఆధార్ కేంద్రంలో అప్డేట్ చేసుకోవాలంటే మాత్రం నిర్ణీత రుసుము చెల్లించాల్సి ఉంటుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
మా సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter , Facebook
)