 "Delhi Highcourt Judge: జడ్జీ ఇంట్లో నోట్లకట్టల ఘటన.. బిగ్ ట్విస్ట్ ఇచ్చిన అగ్నిమాపక దళం అధికారి.. ఏమన్నారంటే..?")
)
Delhi high court judge yashwanth varma case: ఢిల్లీ హైకోర్టు జడ్జీ యశ్వంత్ వర్మ ఇంట్లో ఇటీవల అగ్ని ప్రమాదం సంభవించింది. దీంతో కుటుంబ సభ్యులు ఫైర్ సిబ్బందికి సమాచారం ఇచ్చారు. అప్పుడు అధికారులు ఘటన స్థలానికి చేరుకుని మంటలను అదుపులోకి తీసుకొచ్చారు. ఈక్రమంలో ఫైర్ సిబ్బంది అక్కడున్న గదిలో డబ్బుల మూటలున్న సంచులను గుర్తించారు. వెంటనే స్థానిక పోలీసులకు సమాచారం ఇచ్చారు. ఘటన స్థలానికి చేరుకున్న పోలీసులు డబ్బులపై కుటుంబ సభ్యులను ఆరాతీశారు.
సరైన సమాధానం రాకపోవడంతో ఐటీ అధికారులకు సమాచారం ఇచ్చారు. అయితే.. ఘటన జరిగినప్పుడు జడ్జీ యశ్వంత్ వర్మ.. ఇంట్లో లేరు. ఈ ఘటన కాస్త సంచలనంగా మారి.. సుప్రీంకోర్టు జడ్జీ వరకు విషయం వెళ్లింది. వెంటనే కొలిజీయం సమావేశం ఏర్పాటు చేసి జస్టిస్ యశ్వంత్ వర్మను అలహబాద్ హైకోర్టుకు బదిలీ చేసినట్లు తెలుస్తొంది.
అయితే.. దీనిపై తాజాగా.. ఢిల్లీకి చెందిన ఫైర్ సెఫ్టీ అధికారి అతుల్ గార్గ్ బిగ్ ట్విస్ట్ ఇచ్చారు. జడ్జీ ఇంట్లో డబ్బుల కట్టలు దోరికాయన్న దాంట్లో నిజంలేదన్నారు. కొంత మంది న్యాయవ్యవస్థకు చెడ్డపేరు తీసుకొచ్చేలా కావాలని ఈ వ్యవహరాన్ని తప్పుగా చూపిస్తున్నారని అన్నారు. మరోవైపు దీనిపై అలహబాద్ హైకోర్టు బార్ అసోసియేషన్ సైతం స్పందించింది.
గతంలో సదరు జడ్జీ ఇక్కడ నుంచి ఢిల్లీకి వెళ్లారని.. ప్రస్తుతం ఆయన అవినితీ ఆరోపణలు ఎదుర్కొంటున్నారని.. అలాంటి వారు తమకేందుకని అలహబాద్ బార్ అసోసియేషన్ న్యాయమూర్తులు దీనిపై మండిపడుతున్నారు. ఇప్పటికే అలహబాద్ లో వేలాది కేసులు పెండింగ్ లో ఉన్నాయని.. ఇదేం చెత్తకుప్పకాదు.. ఇలాంటి వారిని తీసుకొచ్చి మామీద రుద్దాల్సిన అవసరంలేదని సుప్రీంకోర్టు కొలిజీయంకు లేఖను సైతం రాశారు.
ఈ ఘటన ప్రస్తుతం దేశంలో సంచలనంగా మారింది. మరోవైపు జస్టిస్ యశ్వంత్ వర్మ.. శుక్రవారం ఢిల్లీ హైకోర్టుకు హజరు కాలేదు. దీనిపై ఆయన ఇప్పటి వరకు స్పందించక పోవడం కూడా ప్రస్తుతం చర్చనీయాంశంగా మారింది. ఢిల్లీ హైకోర్టులో ప్రధాన న్యాయమూర్తి తర్వాత సీనియారిటీలో వర్మ రెండో స్థానంలో ఉన్నారు. ఈ వ్యవహరంపై ప్రస్తుతం రాజకీయంగా కూడా వివాదాస్పదంగా మారింది. దీనిపై కాంగ్రెస్ నేతలు రాజ్యసభలో ప్రస్తావించారు. డబ్బులు కట్టలు ఎవరివో తెల్చాలని అన్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
