Amaravati ORR: దేశంలోనే అతి పెద్ద ఓఆర్ఆర్, 121 గ్రామాల మీదుగా 189 కిలోమీటర్లు, ఓఆర్ఆర్ వెళ్లే గ్రామాలివే

Amaravati ORR: దేశంలో ఎక్కడా లేనంత భారీ ఔటర్ రింగ్ రోడ్ నిర్మాణానికి ఏపీ ప్రభుత్వం నిర్ణయించింది. హైదరాబాద్ ఓఆర్ఆర్ కంటే పెద్దదిగా అమరావతి ఓఆర్ఆర్ ఉండనుంది. ఏకంగా 189 కిలోమీటర్ల మేర ఓఆర్ఆర్ నిర్మాణానికి జాతీయ రహదారుల శాఖ ఆమోదం కూడా ఇచ్చేసింది. ఈ కొత్త ఓఆర్ఆర్ ఎన్ని జిల్లాలు, ఎన్ని మండలాల్లో, ఏయే గ్రామాల మీదుగా సాగుతుందో తెలుసుకుందాం.

ఏపీ రాజధాని అమరావతి చుట్టూ రాష్ట్ర ప్రభుత్వం భారీ ఔటర్ రింగ్ రోడ్ నిర్మించనుంది. ఈ ఓఆర్ఆర్ రాష్ట్రంలోని 5 జిల్లాల్లోని 23 మండలాల పరిధిలో ఉన్న 121 గ్రామాల మీదుగా కొనసాగనుంది. అమరావతిని ప్రపంచస్థాయి రాజధానిగా తీర్చిదిద్దే ప్రయత్నంలో భాగంగా ఏకంగా 189.9 కిలోమీటర్ల మేర ఈ కొత్త ఓఆర్ఆర్ నిర్మించనున్నారు. జాతీయ రహదారుల శాఖ ఇప్పటికే 70 మీటర్ల వెడల్పుతో  భూ సేకరణకు అనుమతించగా, భవిష్యత్ అవసరాలు సరిపోదని భావించి 150 మీటర్లకు సవరించి మరోసారి అనుమతులు కోరింది. అమరావతి ఔటర్ రింగ్ రోడ్ నిర్మాణం కోసం ఇప్పటికే భూసేకరణ అధికారుల్ని నియమించింది ప్రభుత్వం. పల్నాడు, గుంటూరు, ఏలూరు, కృష్ణా, ఎన్టీఆర్ జల్లాల్లో భూసేకరణకు జాయింట్ కలెక్టర్లను నియమించారు. 

గుంటూరు జిల్లాలో అమరావతి ఓఆర్ఆర్

మంగళగిరి మండలంలోని కాజ, చినకాకాని, గుంటూరు తూర్పు నుంచి గుంటూరు, బుడంపాడు, ఏటుకూరు, గుంటూరు వెస్ట్ నంచి పొత్తూరు, అంకిరెడ్డిపాలెం కాగా మేడికొండూరు మండలం నుంచి సిరిపురం, వరగాని, వెలవర్తిపాడు, మేడికొండూరు, డోకిపర్రు, విశదల, మందపాడు, మంగళగిరిపాడు, తాడికొండ మండలం నుంచి పాములపాడు, రావెల గ్రామాలు ఉన్నాయి. ఇక దుగ్గిరాల మండలం నుంచి చిలువూరు, ఈమని, చింతలపూడి, పెనమూలి, కంఠంరాజు కొండూరు ఉంటే పెదకాకాని మండలం నుంచి నంబూరు, అనుమర్లపూడి, దేవరాయ బొట్లపాలెం, తెనాలి మండలం నుంచి కొలకలూరు, నందివెలుగు, గుడివాడ, అంగలకుదురు, కఠేవరం, సంగం జాగర్లమూడి గ్రామాలు ఉన్నాయి. కొల్లివర మండల పరిధిలో వల్లభాపురం, మున్నంగి, దంతలూరు, కుంచవరం, అత్తోట ఉన్నాయి. చేబ్రోలు మండలంలో గొడపర్రు, నారాకోడూరు వేజెండ్ల సుద్దపల్లి, శేకూరు గ్రామాలు వస్తాయి. వట్టి చెరుకూరు మండలంలో కొర్నెపాడు, అనంతవరప్పాడు, చమళ్లమూడి, కుర్నూతల ఉన్నాయి. 

పల్నాడు జిల్లాలో ఓఆర్ఆర్ వెళ్లే గ్రామాలు

పెదకూరపాడు మండల పరిధిలో ముస్సాపురం, పాటిబండ్ల, తాళ్లూరు, లింగం గంట్ల, జలాల్ పురం, కంభంపాడు, కాశిపాడు ఉన్నాయి. అమరావతి మండల పరిధిలో ధరణికోట, లింగాపురం, దిడుగు, నెమలికల్లు గ్రామాలు ఉన్నాయి. 

ఎన్టీఆర్ జిల్లాలో ఓఆర్ఆర్ గ్రామాలు

వీరులపాడు మండల పరిధిలో పొన్నవరం, జగన్నాథపురం, తిమ్మాపురం, గూడెం మాధవరం, జజ్జూరు, చెన్నారావుపాలెం, మున్నలూరు, మొగులూరు, పెరికెలపాడు, గొట్టుముక్కల, కునికినపాడు గ్రామాలు ఉన్నాయి. జి కొండూరు మండలం నుంచి జి కొండూరు, దుగ్గిరాలపాడు, పెట్రంపాడు, కుంటముక్కల, గంగినేని పాలెం, కోడూరు, నందిగామ ఉన్నాయి. మైలవరం నుంచి మైలవరం, పొందుగుల, గణపవరం గ్రామాలు ఉన్నాయి. 

కృష్ణా జిల్లాలో ఓఆర్ఆర్ గ్రామాలు

గన్నవరం మండల పరిధిలో నగ్గుర్రు ఆమని, బుతుమిల్లిపాడు, బల్లిపర్రు, బావులపాడు మండలంలోని బండారుగూడెం, అంపాపురం, ఉంగుటూరు మండల పరిధిలో పెద్ద అవుట్ పల్లి, తేలప్రోలు, వెల్లినూతల, ఆత్మూరు, పొట్టిపాడు, వెల్లిపాడు, తరిగొప్పుల, బొకినాల, వేంపాడు గ్రామాలు ఉంటాయి. కంకిపాడు మండల పరిధిలో మారేడుమాక, కొణతన పాడు, దావులూరు, కోలవెన్ను, ప్రొద్దుటూరు, చలివేంద్రపాలెం, నెప్పల్లె, కుందేరు గ్రామాలు ఉంటాయి. తోట్లవల్లూరు మండలం నుంచి రొయ్యూరు, నార్త్ వల్లూరు, చినపులిపాక, బొడ్డపాడు, దక్షిణ వల్లూరు ఉన్నాయి. 

ఏలూరు జిల్లాలో ఓఆర్ఆర్ గ్రామాలు

అగిరేపల్లి మండల పరిధిలో బొడ్డనపల్లె, గరికపాటి కండ్రిగ, అగిరిపల్లి, చొప్పరమెట్ల, పిన్నమరెడ్డి పల్లి, నూగొండపల్లి, నరసింగపాలెం, కృష్ణవరం, సురవరం, కల్లటూరు గ్రామాలు ఉన్నాయి.

Also read: Sunita Williams: సునీతా విలియమ్స్ రిటర్న్ టు ఎర్త్ ప్రారంభం, వైరల్ అవుతున్న వీడియో

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి