Holidays April 2025: బ్యాంకులు, స్కూల్స్, ఆఫీసులకు వరుసగా మూడ్రోజులు సెలవులు, ఎప్పుడంటే

Holidays April 2025: బ్యాంకులకు ప్రతి నెలా సెలవులు మారుతుంటాయి. ఆర్బీఐ ఎప్పటికప్పుడు ఈ సెలవుల గురించి అప్‌డేట్ ఇస్తుంటుంది. ఇందులో కొన్ని ప్రాంతీయ సెలవులు రాష్ట్రాన్ని బట్టి ఉంటే మరి కొన్ని దేశవ్యాప్తంగా పబ్లిక్ హాలిడేస్ ఉంటాయి. ఇక రెండు, నాలుగు శనివారాలతో పాటు నాలుగు ఆదివారాలు బ్యాంకులు పనిచేయవు. ఏప్రిల్ నెలలో బ్యాంకులు ఎప్పుడెప్పుడు పనిచేస్తాయో తెలుసుకుందాం.

దేశవ్యాప్తంగా ఏప్రిల్ 6వ తేదీన శ్రీరామనవమి పండుగ పురస్కరించుకుని బ్యాంకులకు సెలవు ఉంది. అయితే ఆ రోజు ఆదివారం సాధారణ సెలవు కూడా కావడంతో బ్యాంకులు ఎలానూ పనిచేయవు. స్కూల్స్, కళాశాలలు, ప్రభుత్వ ఆఫీసులు అన్నింటికీ ఆ రోజు సెలవు ఉంది. ఆర్బీఐ జారీ చేసిన ఏప్రిల్ నెల సెలవుల్లో కొన్ని ప్రత్యేక రోజులు, పబ్లిక్ హాలిడేస్, ఆదివారాలు ఉన్నాయి. ఏప్రిల్ 1న కమర్షియల్ బ్యాంకుల వార్షిక ఇన్వెంటరీ సందర్భంగా సెలవుతో ప్రారంభమైంది. ఆ తరువాత ఏప్రిల్ 6 ఆదివారం బ్యాంకులకు శ్రీ రామనవమి సెలవుతో పాటు సాధారణ సెలవు కూడా ఉంది.  ఈ రోజున బ్యాంకులతో పాటు ప్రభుత్వ ఆఫీసులు, స్కూల్స్ కూడా పనిచేయవు.

ఇక ఏప్రిల్ 10వ తేదీ మహావీర్ జయంతి పురస్కరించుకుని బ్యాంకులకు పబ్లిక్ హాలిడే ఉంది. దేశంలోని చాలా రాష్ట్రాల్లో ఈ రోజున బ్యాంకులకు సెలవు ప్రకటించింది ఆర్బీఐ. ఏప్రిల్ 12 రెండవ శనివారం సందర్బంగా దేశమంతా సెలవు ఉంది. ఏప్రిల్ 13న ఆదివారం సెలవు ఉంది. ఇక ఏప్రిల్ 14న డాక్టర్ బీఆర్ అంబేద్కర్ జయంతి సందర్బంగా బ్యాంకులకు సెలవు ఉంది. ఈ రోజు స్కూల్స్, ప్రభుత్వ ఆఫీసులకు సైతం సెలవు ఉంది. ఈ లెక్కన బ్యాంకులకు వరుసగా మూడ్రోజులు సెలవు ఉంది. 

ఏప్రిల్ 15న అగర్తల, గువహతి, ఈటానగర్, కోల్‌కతా, షిమ్లాలో బ్యాంకులకు సెలవు ఉంది. ఏప్రిల్ 16న గువహతిలో సెలవు ఉంది. ఇక ఏప్రిల్ 18 గుడ్ ఫ్రైడే పురస్కరించుకుని బ్యాంకులకు సెలవు ఉంది. ఏప్రిల్ 21 గరియా పూజ సందర్భంగా అగర్తలలో సెలవు ఉంది. ఏప్రిల్ 26 నాలుగో శనివారం సెలవు కాగా ఏప్రిల్ 27 ఆదివారం సెలవు ఉంది. ఏప్రిల్ 30న బసవ జయంతి పురస్కరించుకుని బెంగళూరులో సెలవు ఉంది. 

బ్యాంకులకు సెలవులు ఉన్న రోజుల్లో ఏటీఎం సేవలు, ఇంటర్నెట్ బ్యాంకింగ్, మొబైల్ బ్యాంకింగ్, యూపీఐ లావాదేవీలు యధాతధంగా పనిచేస్తాయి. బ్యాంకు సెలవులను బట్టి బ్యాంకు సంబంధిత పనులుంటే చేసుకోగలరు. 

Also read: School Holidays: విద్యార్ధులకు బంపర్ న్యూస్, ఏప్రిల్‌లో అన్నీ సెలవులే, సమ్మర్ హాలిడేస్ ఎప్పుడంటే

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి