Bank Gold Robbery: బ్యాంకు సెలవుల్లో దొంగల బీభత్సం.. రూ.88 కోట్ల విలువైన 59 కిలోల బంగారం దొంగతనం

Canara Bank Gold Robbery: తళుక్కుమన్నే బంగారం పోయింది. భద్రంగా ఉంటుందని బ్యాంకులో ఉంచితే అక్కడే దొంగతనం జరిగింది. వందల కోట్ల బంగారం హుష్‌ కాకి అయ్యింది. వరుస బ్యాంకుల సెలవులు ఉండడంతో దొంగలు ఇదే మంచి సమయం అని భావించి బ్యాంకుకు కన్నం వేశారు. నగదును వదిలేసి బంగారం దొంగతనం చేశారు. అది ఎంతంటే దాదాపు రూ.58 కోట్ల విలువైన 59 కిలోల బంగారం తస్కరణకు గురయ్యింది. తెల్లారి వచ్చి చూసిన బ్యాంకు ఉద్యోగులు విస్తుపోయారు. యావత్‌ బ్యాంకింగ్‌ రంగాన్ని విస్తుగొల్పిన ఈ సంఘటన ఆలస్యంగా వెలుగులోకి వచ్చింది. ఈ సంఘటన వివరాలు ఇలా ఉన్నాయి.

Also Read: KTR Dallas Speech: 'ఉన్నా పోయినా మాకు తెలంగాణ ఫస్ట్‌..' డల్లాస్‌ గడ్డపై కేటీఆర్‌ గర్జన

కర్ణాటకలోని విజయపుర జిల్లామంగోలిలో కెనరా బ్యాంకు ఉంది. ఈ బ్యాంకును యథావిధిగా కార్యకలాపాలు ముగిసిన అనంతరం బ్యాంకులకు తాళాలు వేసి వెళ్లిపోయారు. అయితే మే 24, 25 తేదీల్లో నాలుగో శనివారం, ఆదివారం రెండు రోజుల పాటు సెలవు అనే విషయం తెలుసుకున్న దొంగలు ఇదే సరైన సమయం అని భావించారు. బ్యాంక్‌ షట్టర్లు విరగొట్టి బిందాస్‌గా.. జాలీగా బ్యాంకులోకి చొరబడ్డారు. బ్యాంకులో ఉన్న 59 కిలోల బంగారు ఆభరణాలు ఎత్తుకెళ్లారు. ఖాతాదారులు బ్యాంకు రుణాల కోసం తాకట్టు పెట్టిన బంగారం చోరీకి గురయ్యింది.

Also Read: RBI 2000 Notes: రూ.2000 నోట్లపై ఆర్బీఐ కీలక ప్రకటన.. మళ్లీ మార్కెట్‌లోకి వస్తాయా?

ఈ సంఘటనపై విజయపుర ఎస్పీ లక్ష్మణ్‌ బి నింబార్గి మాట్లాడుతూ.. 'మే 26వ తేదీన కెనరా బ్యాంకు మేనేజర్‌ బంగారం దొంగతనంపై ఫిర్యాదు చేశారు. మే 23న సాయంత్రం బ్యాంకు సిబ్బంది తాళం వేసి వెళ్లారు. ఆ మరుసటి రెండు రోజులు మే 24, 25 తేదీల్లో (నాలుగో శనివారం, ఆదివారం) బ్యాంకు మూసి ఉంది. మే 26న బ్యాంకు గుమస్తా వచ్చి బ్యాంకులో శుభ్‌రం చేసేందుకు రాగా షట్టర్‌ తాళం కట్‌ చేసి ఉంది. ఆ వెంటనే బ్యాంకు అధికారులకు సమచారం ఇచ్చాడు' అని వెల్లడించారు. ఘటనాస్థలానికి వెళ్లి పరిశీలించాక దొంగలు చొరబడినట్లు తేలినట్లు ఎస్పీ లక్ష్మణ్‌ తెలిపారు. 

విచారణ చేసిన అనంతరం మొత్తంగా 59 కిలోల బంగారం చోరీకి గురైనట్లు కెనరా బ్యాంకు అధికారులు నిర్ధారించారు. ఈ కేసు దర్యాప్తు కోసం ఎనిమిది బృందాలను ఏర్పాటు చేసినట్లు ఎస్పీ లక్ష్మణ్‌ వెల్లడించారు. ఈ కేసులో విచారణ, దర్యాప్తు కొనసాగుతోందని.. త్వరలోనే నిందితులను పట్టుకొని ఈ కేసును ఛేదిస్తామని పోలీసులు ప్రకటించారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter, Facebook