Moral policing: మోరల్‌ పోలిసింగ్‌ ఘటన.. హిందూ యువకుడు, ముస్లిం యువతిని వేధించిన 5 మంది అరెస్ట్‌..

Moral Policing Incident in Bengaluru: బెంగళూరులో మోరల్ పోలీసింగ్ ఘటన వెలుగులోకి వచ్చింది. బెంగళూరులోని చంద్ర లేఅవుట్‌ పోలీస్ స్టేషన్ పరిధిలో ఈ ఘటన చోటు చేసుకుంది. ఒక ముస్లిం అమ్మాయి, హిందూ అబ్బాయికి వేధింపులు ఎదురవడంతో ఐదుగురిని అరెస్టు చేశారు.

Moral Policing Incident in Bengaluru: ఓ ముస్లిం అమ్మాయి, హిందూ అబ్బాయిని వేధించిన ఘటనలో ఐదు మందిని బెంగళూరు పోలీసులు అరెస్ట్ చేశారు. తాజాగా ఈ మోరల్ పోలీసింగ్ కేసు వైరల్ అవుతూ ఉంది. అయితే ఈ ఘటన మూడు రోజుల క్రితం జరిగినట్లు తెలుస్తోంది. పోలీసుల వివరాల ప్రకారం ఒక హిందూ అబ్బాయి, ఒక ముస్లిం యువతి బుర్కా ధరించి వెళ్తున్నారు. అయితే ద్విచక్ర వాహనంపై ఐదు మంది ముస్లిం యువకులు ఆ ఇద్దరినీ అడ్డుకున్నారు. అమ్మాయిని దుర్భాషలాడారు. అతని బైక్ పై ఎందుకు కూర్చున్నావు ? సిగ్గు లేదా?  మీ కుటుంబం పరువు పోతుంది.

Add Zee News as a Preferred Source

మీ ఇంట్లో వాళ్ల ఫోన్ నెంబర్ ఇవ్వు అని వేధించారు. ఈ నేపథ్యంలో అమ్మాయి కూడా ఇతడు నా క్లాస్ మేట్.. దానికి మా ఇంట్లో వాళ్ళ ఫోన్ నెంబర్ మీకు ఎందుకు ఇవ్వాలి? అని బదులిచ్చింది. దీంతో మాటా మాట పెరిగి పరిస్థితి చేయి దాటింది. అయితే సదరు హిందూ అబ్బాయిపై కూడా ఆ యువకులు దాడి చేశారు. ఇక ఆ అబ్బాయి, అమ్మాయి ఇద్దరు కలిసి వెళుతున్న బైక్ వీడియో కూడా సోషల్ మీడియాలో షేర్ చేసి మరింత వేధింపులకు గురి చేశారు.

దీంతో మోరల్ పోలిసింగ్‌లో భాగంగా బెంగళూరులోని  చంద్ర లేఅవుట్ పోలీసులు ఈ ఘటనపై పై సీరియస్ తీసుకున్నారు. ఈ నేపథ్యంలో సదరు యువకులను అదుపులోకి తీసుకొని అరెస్టు చేశారు. ప్రస్తుతం యువకులను దర్యాప్తు చేస్తున్నారు. అయితే పోలీసులు సాధారణ జనం తమ చేతుల్లోకి చట్టాలను తీసుకోవద్దని హెచ్చరిస్తున్నారు. ఈ కేసుపై అరెస్టు చేసిన 5 మందిపై కఠిన చర్యలు తీసుకోనున్నట్లు తెలుస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.