Ration Card eKYC: మీ రేషన్ కార్డు ఇకేవైసీ పూర్తయిందా ఏప్రిల్ 30వరకే గడువు జాగ్రత్త

Ration Card eKYC: రేషన్ కార్డులకు సంబంధించి కీలకమైన్ అప్‌డేట్ వెలువడింది. మీ రేషన్ కార్డు ఈ కేవైసీ స్టేటస్ ఓసారి చెక్ చేసుకోవాలి. పెండింగ్ ఉంటే వెంటనే ఆ ప్రక్రియ పూర్తి చేయాల్సి ఉంటుంది. లేకపోతే మీ రేషన్ కార్డు రద్దయిపోతుంది.

Ration Card eKYC: కేంద్ర, రాష్ట్ర సంక్షేమ పథకాల అమలకు ప్రస్తుతం ఉన్న ఒకే ఒక ప్రామాణికం రేషన్ కార్డు. కేంద్ర ప్రభుత్వం సూచనల మేరకు ప్రతి ఐదేళ్లకోసారి రేషన్ కార్డు అప్‌డేట్ అవసరం. దీనికోసం ఈ కేవైసీ తప్పకుండా చేసుకోవాలి. మీరు కూడా మీ రేషన్ కార్డు ఈ కేవైసీ పూర్తి చేయకుంటే ఆ కార్డు రద్దయిపోతుంది. 

Add Zee News as a Preferred Source

మీ రేషన్ కార్డు ఈ కేవైసీ స్టేటస్ సంబంధిత రేషన్ డీలర్ వద్ద ఉంటుంది. కేంద్ర ప్రభుత్వం సూచనల మేరకు ప్రతి ఐదేళ్లకోసారి రేషన్ కార్డు స్టేటస్ చెక్ చేసుకోవాలి. చిన్నపిల్లల్ని అందులో చేర్చడం, ఎవరైనా మరణిస్తే ఆ పేర్లు తొలగించడం చేస్తుండాలి. అడ్రస్ మారితే ఆన్‌లైన్‌లో కూడా ఈకేవైసీ ప్రక్రియ పూర్తి చేయవచ్చు. ప్రతి రేషన్ డీలర్ వద్ద ఉండే ఈ పోస్ పరికరం ద్వారా ఈ ప్రక్రియ సులభంగా పూర్తి చేయవచ్చు. అందులో రెడ్ కలర్ పట్టీలో పేర్లు ఉంటే ఈ కేవైసీ పెండింగులో ఉందని అర్ధం. అదే గ్రీన్ రంగులో ఉంటే ఈ కేవైసీ పూర్తయిపోయినట్టు. రెడ్ కలర్‌లో ఉంటే వేలి ముద్ర వేయడం ద్వారా ఈ కేవైసీ పూర్తవుతుంది. 

ఆన్‌లైన్‌లో కూడా ఈ కేవైసీ స్టేటస్ చెక్ చేసుకోవచ్చు. గూగుల్ బ్రౌజర్‌లో EPDS1 టైప్ చేసి ఎంటర్ నొక్కితే డిపార్ట్‌మెంట్ ఆఫ్ ఎఫైర్స్ ఫుడ్ అండ్ సివిల్ సప్లయిస్ ఏపీ సైట్ ఓపెన్ అవుతుంది. అందులో రేషన్ కార్డు విభాగంలో 6 ఆప్షన్లు కన్పిస్తాయి. వాటిలో EPDS Application Search / Rice Card Search క్లిక్ చేసి రేషన్ కార్డు నెంబర్ ఎంటర్ చేయాల్సి ఉంటుంది. అంతే స్క్రీన్‌పై పేర్లు కన్పిస్తాయి. ఆ పేర్లకు ఎదురుగా సక్సెస్ లేదా ఎస్ అని ఉంటే ఈకేవైసీ పూర్తయినట్టు అర్ధం. లేదంటే ఈకేవైసీ పూర్తి చేయాల్సి ఉంటుంది.

మీ సంబంధిత రేషన్ డీలర్ వద్ద ఉన్న ఈ పోస్ పరికరంలో వేలిముద్ర వేస్తే చాలు..ఆ ప్రక్రియ పూర్తయినట్టే. ఏప్రిల్ 30 దీనికి చివరి తేదీ. ఆలోగా ఈకేవైసీ ప్రక్రియ పూర్తి చేయాలి. లేకపోతే మీ రేషన్ కార్డు హోల్డ్ కాగలదు లేదా రద్దు కాగలదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి