Banakacherla Project: చంద్రబాబుకు భారీ దెబ్బ.. బనకచర్ల ప్రాజెక్టుపై కేంద్రం అభ్యంతరం

Environmental Expert Committee: ఆంధ్రప్రదేశ్‌ ప్రభుత్వం ప్రతిష్టాత్మకంగా తలపెట్టిన బనకచర్ల ప్రాజెక్టుపై కేంద్ర ప్రభుత్వం సంచలన నిర్ణయం తీసుకుంది. ఆ ప్రాజెక్టుపై అభ్యంతరం వ్యక్తం చేస్తూ బదులు ఇచ్చింది. ఆ ప్రాజెక్టుకు అనుమతులు ఇవ్వలేమని కుండబద్దలు కొట్టి చెప్పింది. పోలవరం-బనకచర్ల ప్రాజెక్టుకు అనుమతులు ఇవ్వలేమని కేంద్ర నిపుణుల కమిటీ అభ్యంతరం వ్యక్తం చేయడంతో సీఎం చంద్రబాబుకు భారీ ఎదురుదెబ్బ తగిలింది. ఈ నిర్ణయంతో తెలంగాణకు భారీ ఊరట లభించింది. దీనికి సంబంధించి వివరాలు ఇలా ఉన్నాయి.

Also Read: Hyderabad Heavy Rains: గంటపాటు హైదరాబాద్‌లో భారీ వర్షంతో అల్లకల్లోలం

గోదావరి-కావేరి నదుల అనుసంధానంలో భాగంగా ఏపీ ప్రభుత్వం బనకచర్ల ప్రాజెక్టు నిర్మించాలని నిర్ణయించింది. సీఎం చంద్రబాబు ప్రతిష్టాత్మకంగా తీసుకుని ఈ ప్రాజెక్టును చేపట్టాలని శరవేగంగా పనులు చేస్తున్నారు. ఈ నెలాఖరులో టెండర్లు ఖరారు చేయాల్సి ఉండగా.. కేంద్ర పర్యావరణ నిపుణుల కమిటీ సంచలన నిర్ణయం తీసుకుంది. పోలవరం-బనకచర్ల ప్రాజెక్టుపై కేంద్ర పర్యావరణ నిపుణుల కమిటీ అభ్యంతరాలు వ్యక్తం చేసింది.

Also Read: Raja Singh Resign: తెలంగాణ బీజేపీలో సంక్షోభం.. ఎమ్మెల్యే రాజా సింగ్‌ రాజీనామా

పోలవరం-బనకచర్ల ప్రాజెక్టుకు అనుమతులు ఇవ్వలేమని కేంద్ర నిపుణుల కమిటీ స్పష్టం చేసింది. ప్రాజెక్టుపై అనేక అభ్యంతరాలు వచ్చాయని కేంద్ర పర్యావరణ నిపుణుల కమిటీ వెల్లడించింది. అనుమతులు ఇవ్వాలంటే జీడబ్ల్యూడీటీ అవార్డు పరిశీలించాల్సి ఉందని కమిటీ గుర్తుచేసింది. పర్యావరణ అనుమతులకు సీడబ్ల్యూసీని సంప్రదించడం అత్యవసరమని కమిటీ అభిప్రాయం వ్యక్తం చేసింది. ఈ ప్రాజెక్టు జీడబ్ల్యూడీటీ తీర్పు ఉల్లంఘించినట్లవుతుందని ఫిర్యాదులు వచ్చాయని కమిటీ వివరించింది.

బనకచర్ల ప్రాజెక్టుకు అభ్యంతరం వ్యక్తమవడంతో ఆదిలోనే అడ్డు తగిలింది. ఈ అనూహ్య నిర్ణయంతో సీఎం చంద్రబాబుకు భారీ ఎదురుదెబ్బగా భావించవచ్చు. కేంద్ర ప్రభుత్వంలో కీలకంగా ఉన్న చంద్రబాబుకు వ్యతిరేకంగా ఈ నిర్ణయం రావడం రాజకీయంగాను సంచలనం రేపుతోంది. కాగా తెలుగు రాష్ట్రాల మధ్య తీవ్ర వివాదానికి కారణమైన బనకచర్ల ప్రాజెక్టుకు అభ్యంతరం రావడంతో తెలంగాణలో హర్షం వ్యక్తమవుతోంది. ప్రధాన ప్రతిపక్షం బీఆర్‌ఎస్‌ పార్టీ స్వాగతించింది. కేంద్ర నిర్ణయంపై హర్షం వ్యక్తం చేస్తూ మాజీ మంత్రులు హరీశ్‌ రావు, కేటీఆర్‌, ఎమ్మెల్సీ కవిత ప్రకటన చేశారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.