 "Goa Tourists: గోవా పర్యాటకులకు భారీ షాక్.. 'ఆ పనులు' చేస్తే రూ.లక్ష ఫైన్")
)
Curb Touting: అతి తక్కువకు మద్యం.. మసాజ్తోపాటు సముద్రపు అందాలు.. ప్రకృతి సౌందర్యం ఆస్వాదించేందుకు గోవా వెళ్తున్న పర్యాటకులకు భారీ షాక్. విచ్చలవిడిగా చిల్ అయ్యేందుకు వెళ్తున్న పర్యాటకులకు అక్కడి ప్రభుత్వం షాక్ ఇచ్చింది. ఇకపై గోవా పర్యాటక ప్రాంతాల్లో ఇష్టారీతిన వ్యవహరిస్తే కఠిన చర్యలు ఉంటాయని హెచ్చరించింది. పర్యాటక ప్రాంతాల్లో గొడవలు.. అసభ్య చేష్టలు చేస్తే రూ.లక్షకు పైగా జరిమానా విధిస్తామని గోవా ప్రభుత్వం ప్రకటించింది. దీనికి సంబంధించిన బిల్లును గోవా అసెంబ్లీ ఆమోదించింది. ఆ వివరాలు ఇలా ఉన్నాయి.
పర్యాటక ప్రదేశాలలో ప్రజలకు ఇబ్బంది కలిగించే.. అనధికార కార్యకలాపాలకు వ్యతిరేకంగా కఠినమైన చర్యలు, భారీ జరిమానాలను ప్రవేశపెట్టే బిల్లును గోవా అసెంబ్లీ శనివారం ఆమోదించింది. పర్యాటకులను మోసం చేయడంతోపాటు.. పర్యాటకులకు బలవంతపు విక్రయాలు చేయడాన్ని ప్రభుత్వం నివారించడంలో కీలక నిర్ణయం తీసుకుంది. గోవా పర్యాటక ప్రదేశాల నిర్వహణ సవరణ బిల్లు- 2025ను అక్కడి పర్యాటక మంత్రి రోహన్ కహుంటే ప్రవేశపెట్టారు. పర్యాటక ప్రాంతాల్లో ఇబ్బందులు కలిగించే వారికి జరిమానాను రూ.1 లక్షకు పెంచారు.
కొంత చర్చ తర్వాత గోవా అసెంబ్లీ బిల్లును ఆమోదించింది. 'వాణిజ్య ప్రకటన కార్యకలాపాలను నియంత్రించడానికి.. తొలగించడానికి ఇది ఒక సానుకూల అడుగు' అని గోవా పర్యాటక మంత్రి రోహన్ కహుంటే తెలిపారు. పర్యాటకుల భద్రత.. వారిని నియంత్రించడానికి ఇది దోహదం చేస్తుందని ప్రకటించారు. 'పర్యాటకులను వస్తువులు లేదా సేవలను కొనుగోలు చేయాలని ఇబ్బందులకు గురి చేయడం.. అనధికార ప్రాంతాలలో మద్యం సేవించడం, గాజు సీసాలు పగలగొట్టడం, బహిరంగ ప్రాంతాలలో వంట చేయడం, చెత్త వేయడం, భిక్షాటన చేయడం, బీచ్లలో వాహనాలను నడపడం' వంటి అంశాలు బిల్లులో ప్రస్తావించారు.
పై అంశాల్లో నిబంధనలు ఉల్లంఘించిన వారికి ప్రస్తుతం ఉన్న రూ.5,000 జరిమానాను రూ.లక్ష వరకు పొడిగించారు. అంతేకాకుండా కేసు నమోదు చేసి శిక్ష విధించే అవకాశం ఉందని బిల్లు తెలిపారు. 'గోవా పర్యాటకాన్ని ప్రోత్సహించడం, పర్యాటక ప్రదేశాలలో సురక్షితమైన, పరిశుభ్రమైన, ఆతిథ్య వాతావరణాన్ని అందించడం మా లక్ష్యం' అని గోవా పర్యాటక మంత్రి రోహన్ కహుంటే తెలిపారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
