Cental Cabinet Decisions: ప్రధాని అధ్యక్షతన కేంద్ర క్యాబినేట్ కీలక నిర్ణయాలు..

Cental Cabinet Decisions: కేంద్రంలో మూడోసారి అధికారంలోకి వచ్చిన తర్వాత నరేంద్ర మోడీ సర్కారు ఫుల్ జోష్ లో ఉంది. ఇప్పటికే జరిగిన ఐదు రాష్ట్రాల ఎన్నికల్లో మూడు రాష్ట్రాల్లో గెలుపొంది మంచి ఊపు మీదుంది. అదే ఊపుతో తాజాగా పార్లమెంట్ లో వక్ఫ్ సవరణ బిల్లు ఆమోదం పొందెలా చేసుకుంది. తాజాగా కేంద్ర క్యాబినేట్ సమావేశమై పలు కీలక నిర్ణయాలను తీసుకుంది.

Cental Cabinet Decisions: కేంద్ర కేబినెట్‌ కీలక నిర్ణయాలు తీసుకుంది. కేబినెట్‌ నిర్ణయాలను కేంద్రమంత్రి అశ్వినీ వైష్ణవ్‌ మీడియాకు  వెల్లడించారు. తిరుపతి -పాకాల - కాట్పడి మధ్య 104 కిలోమీటర్ల రైల్వే లైన్ డబ్లింగ్‌కు కేంద్ర కేబినెట్‌ ఆమోదం తెలిపింది. ఇందులో భాగంగా రైల్వే శాఖ 13 వందల 32 కోట్ల రూపాయల ఖర్చుతో డబ్లింగ్ పనులు చేపట్టనుంది.  తద్వారా 400 గ్రామాలు, 14 లక్షల మందికి ప్రయోజనం చేకూరనుంది.

Add Zee News as a Preferred Source

దీంతో  తిరుపతికి కనెక్టివిటీ మరింత పెరగనుంది. నాలుగు మిలియన్ టన్నుల సరుకు రవాణా ఏడాదికి పెరిగే అవకాశం ఉంది. కేంద్రం తీసుకున్న నిర్ణయంతో నేరుగా 35 లక్షల పని దినాలతో నిరుద్యోగులకు ఉపాధి అవకాశాలు కలగనున్నాయి అని అశ్వినీ వైష్ణవ్‌ వెల్లడించారు.

ఇదీ చదవండి:  Sri Rama Navami 2025: వెండితెర శ్రీరాముళ్లు..

ఇదీ చదవండి: Sri Rama Navami 2025: వెండితెరపై సీతమ్మ వారి పాత్రల్లో మెప్పించిన నటీమణులు..

పీఎంకేఎస్‌వైలో కమాండ్ ఏరియా డెవలప్మెంట్ అండ్ వాటర్ మేనేజ్మెంట్ పథకానికి కేబినెట్‌ ఆమోదం తెలిపింది. 2025-26 సంవత్సరానికి గాను కమాండ్  ఏరియా అభివృద్ధికి  కేంద్రం 16 వందల కోట్లు ఖర్చు చేయనుంది. ప్రధాన మంత్రి కృషి సించాయ్ యోజనలో ఉప పథకానికి మంత్రివర్గం ఆమోదం తెలిపింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.