 "Heavy Rains: భారీ వర్షాల నేపథ్యంలో స్కూళ్లు, కాలేజీలకు సెలవులు ప్రకటించిన ప్రభుత్వం..")
Heavy Rains: వర్షాలు తెలంగాణ, ఆంధ్ర ప్రదేశ్ రాష్ట్రాలతో పాటు గుజరాత్ రాష్ట్రాన్ని ఆగం చేస్తున్నాయి. ప్రధానంగా అక్కడి వజ్రాల నగరం సూరత్ భారీ వర్షానికి నీట మునిగింది. దీంతో నగరంలోని పలు ప్రాంతాలు వరదల బారిన పడ్డాయి. జనజీవనం స్థంబించింది. కొన్ని చోట్ల వర్షపు నీరు అపార్ట్మెంట్లలోని గ్రౌండ్ ఫ్లోర్లోకి చేరాయి. ఈ పరిస్థితిని 2006లో వచ్చిన వరదలతో పోలుస్తున్నారు. గత 24 గంటల్లో, కనీసం 159 తాలూకాల్లో తేలికపాటి నుండి భారీ వర్షాలు కురిశాయి. రాష్ట్ర అత్యవసర ఆపరేషన్స్ సెంటర్ విడుదల చేసింది. IMD వివరాల ప్రకారం రాష్ట్రంలోని అమ్రేలి, భావ్నగర్, నవ్సారి, వల్సాద్, బొటాడ్, ఆరావళి, మహిసాగర్, దాహోద్, వడోదర, ఆనంద్, భరూచ్ మరియు పంచమహల్ జిల్లాలకు ఎల్లో అలర్ట్ను అంచనా వేసింది.
అదనంగా, బనస్కాంత,, గాంధీనగర్, అహ్మదాబాద్, సురేంద్రనగర్, సబర్కాంత, మెహసానా ఖేడా, రాజ్కోట్, గిర్ సోమనాథ్, జునాగఢ్, ఛోటా ఉదేపూర్, తాపీ, సూరత్, డాంగ్,నర్మదా జిల్లాల్లో ఉరుములు, మెరుపులతో కూడిన భారీ వర్షం కురుస్తుందని తెలిపింది.
వరదల కారణంగా సూరత్ లోని పాఠశాలలకు, కాలేజీలకు సెలవులు ప్రకటించారు. నగరంలోని అత్యంత ప్రభావిత ప్రాంతాలలో దభోలి మరియు వరాచా ఉన్నాయి. వరదలు తగ్గుముఖం పట్టే వరకు ఎవరు స్కూళ్లు, కాలేజీలకు రావొవద్దని కోరింది. ఆయా జిల్లాల్లో వర్షాలను బట్టి అక్కడ అధికారులు స్కూళ్లు, కాలేజీలకు సెలవులు ఇచ్చే అధికారం కట్టబెట్టింది. ముఖ్యంగా వల్సాద్ జిల్లాలో ఉప్పొంగుతున్న ఖరేలా నదిలో ఒక వ్యాన్ కొట్టుకుపోయింది. రెండురోజులు ఆరెంజ్, ఎల్లో, రెడ్ అలర్ట్లు జారీ చేసింది భారత వాతావరణశాఖ. దాంతో ఆయా ప్రాంతాల్లో NDRF మరియు SDRF యూనిట్ల ను రంగంలోకి దింపింది. తూర్పు మధ్యప్రదేశ్, గుజరాత్ ప్రాంతంలోని కొన్ని ప్రదేశాలలో భారీ నుండి అతి భారీ వర్షపాతం నమోదైంది.
అటు ఉత్తర తెలంగాణతో పాటు హైదరాబాద్ లో వర్షాలు పడుతున్నాయి. అటు ఏపీలోని కోనసీమ, తూర్పు, పశ్చిమ గోదావరి, కృష్ణా జిల్లాల్లో ఓ మోస్తరు నుంచి భారీ వర్షాలు పడే అవకాశాలున్నాయని ఐఎండీ తెలిపింది. దీంతో చేపల వేటకు వెళ్లేవారు అప్రమత్తంగా ఉండాలని కోరింది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి.
)