 "IT Notices: ఐటీఆర్ ఫైల్ చేయలేదా, నోటీసులొస్తున్నాయి జాగ్రత్త, ఐటీ రిటర్న్స్ ఎవరు ఫైల్ చేయాలి")
IT Notices: ఇన్కంటాక్స్ విధానాల్లో ఎప్పటికప్పుడు మార్పులు, అప్డేట్స్ వస్తుంటాయి. నిర్దిష్ట ఆదాయం దాటితే పన్ను చెల్లించాల్సిందే. ప్రస్తుతం దేశంలో ఓల్డ్, న్యూ ట్యాక్స్ రెజీమ్ లు అందుబాటులో ఉన్నాయి. అన్నింటికీ మించి ప్రతి ఏటా తప్పనిసరిగా ఐటీ రిటర్న్స్ దాఖలు చేస్తుండాలి. ఇది మిస్ అయితే మాత్రం చట్టరీత్యా చర్యలు ఉంటాయి.
కేంద్ర ఆర్ధిక శాఖ మంత్రి ఇటీవల కేంద్ర బడ్జెట్లో వేతన జీవులకు గ్రేట్ రిలీఫ్ అందించారు. ఏడాదికి 12 లక్షల వరకూ ఆదాయంపై ట్యాక్స్ చెల్లించాల్సిన అవసరం లేదని ప్రకటించారు. ఇది కాకుండా స్టాండర్డ్ డిడక్షన్ కింద మరో 75 వేలు ఉన్నాయి. అంటే మొత్తం 12.75 లక్షల వరకు వార్షిక ఆదాయంపై ఎలాంటి పన్ను చెల్లించాల్సిన అవసరం లేదు. అయితే ఇక్కడ చిన్న అప్డేట్ ఉంది. కచ్చితంగా ప్రతి ఒక్కరూ గమనించాలి. ట్యాక్స్ అయితే చెల్లించాల్సిన అవసరం లేదు గానీ, ఐటీ రిటర్న్స్ మాత్రం ఫైల్ చేయాల్సిందే. 12.75 లక్షల వరకూ ట్యాక్స్ లేనప్పుడు ఐటీ రిటర్న్స్ ఫైల్ చేయాల్సిన అవసరం లేదనుకుంటారు సాధారణంగా. కానీ ఐటీ రిటర్న్స్ అనేది తప్పనిసరి.
ఐటీ రిటర్న్స్ ఎవరు దాఖలు చేయాలి
వాస్తవానికి కనీస పన్ను పరిమితి దాటితే ఐటీఆర్ ఫైల్ చేయాల్సి ఉంటుంది. న్యూ ట్యాక్స్ రెజీమ్ ప్రకారం ఏడాదికి 4 లక్షల ఆదాయం దాటితే ఐటీఆర్ పైల్ చేయాలి. అంటే 4 లక్షలలోపు ఆదాయం ఉంటే ఐటీ రిటర్న్స్ అవసరం లేదు. ఏడాదికి 4 లక్షల ఆదాయం దాటితే మాత్రం ట్యాక్స్ చెల్లించినా, చెల్లించకపోయినా ఐటీఆర్ ఫైల్ చేయడం తప్పనిసరి. ఇంకొందరైతే నిర్దిష్ట ఆదాయ పరిమితి దాటినా ట్యాక్స్ చెల్లించడం లేదు. గత ఆర్ధిక సంవత్సరంలో ట్యాక్స్ బాకీ ఉండి ఐటీఆర్ ఫైల్ చేయకుంటే ఇబ్బందులు ఎదురౌతాయి. ఎందుకంటే ఇన్కంటాక్స్ ఇలాంటి వారిని గుర్తించింది. సంబంధించిన జాబితా సిద్ధం చేసింది. బోర్డు కూడా ఆమోదించడంతో ఇప్పుడు అందరికీ నోటీసులు పంపిస్తోంది ఇన్కంటాక్స్ శాఖ. ఇలాంటి వారిపై సెక్షన్ 148 ఎ ప్రకారం చర్యలు తీసుకునే అవకాశం ఉంది. ప్రస్తుతం ఇన్కంటాక్స్ శాఖ నోటీసులు పంపిస్తున్నవారిలో ఎక్కువగా 2018-19, 2019-20,2020-21, 2021-22 ఆర్ధిక సంవత్సరాలకు చెందిన వారే ఉన్నారు.
ఇన్కంటాక్స్ శాఖ ప్రస్తుతం యాన్యువల్ ఇన్ఫర్మేషన్ స్టేట్మెంట్, టీడీఎస్ లేదా టీసీఎస్ స్టేట్మెంట్, ఆర్ధిక లావాదేవీల ద్వారా ట్యాక్స్ ఎగవేస్తున్నవారిని గుర్తించింది. త్వరలో అందరికీ నోటీసులు అందనున్నాయి. నోటీసులకు వివరణ ఇవ్వకపోయినా, స్పందించకపోయినా చట్ట ప్రకారం చర్యలు ఉంటాయి. అయితే ఇప్పటికీ బయటపడేందుకు అవకాశం ఉందంటున్నారు నిపుణులు. గతంలో ఇలా ఎవరైనా ట్యాక్స్ ఎగ్గొట్టి ఉంటే కండోనేషన్ ఆఫ్ డిలే కింద అప్లే చేసుకుని వడ్డీ సహా ట్యాక్స్ చెల్లిస్తే రిలీఫ్ లభిస్తుంది. కానీ కొద్దిగా సమయం పడుతుంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
)