)
Pro khalistani slogans in punjab golden temple: పంజాబ్ లో మరోసారి ఖలిస్థాన్ అనుకూల నినాదాలు వెల్లువెత్తాయి. ముఖ్యంగా సిక్కులు ఎంతో పవిత్రంగా భావించే గోల్డెన్ టెంపుల్ లో 1984లో దేశ ప్రధాని ఇందిరా గాంధీ ఆపరేషన్ బ్లూస్టార్ సైనిక చర్యకు అనుమతించారు. ముఖ్యంగా అప్పట్లో.. ఖలిస్థానీ వివాదాస్పద నేత.. భింద్రన్ వాలే.. గోల్డెన్ టెంపుల్ ను స్థావరంగా ఏర్పాటు చేసుకుని ఆందోళనలకు పాల్పడ్డారు.
దీనిపై మేజర్ జనరల్ బ్రార్ ఆధ్వర్యంలో.. ఇండియన్ ఆర్మీ ఆపరేషన్ బ్లూస్టార్ చర్య చేపట్టింది. ఈ ఘటనలో గోల్డెన్ టెంపుల్ లో నక్కిన.. అనేక మంది ఖలీస్థానీ సానుభూతిపరులు చనిపోయారు. ఈ ఘటనతో దేశమంతట కూడా సిక్కులు తీవ్ర ఆగ్రహాం వ్యక్తం చేశారు. ఇది చరిత్రలో ఇందిరా గాంధీకి మచ్చగా మారిందని కూడా చెప్తుంటారు.
#WATCH | Amritsar, Punjab: People raise slogans of 'Khalistan zindabad' as SAD (Mann faction) leader Simranjit Singh Mann reaches the Golden Temple on the 41st anniversary of Operation Blue Star and also the death anniversary of Jarnail Singh Bhindranwale, who was killed during… pic.twitter.com/f0kmGBa1le
— ANI (@ANI) June 6, 2025
అయితే.. తాజాగా..'ఆపరేషన్ బ్లూ స్టార్' 41వ వార్షికోత్సవాన్ని పురస్కరించుకుని, ఖలిస్థాన్ అనుకూల నినాదాలు మరోసారి మిన్నంటాయి. శిరోమణి అకాలీదళ్ (మాన్ వర్గం) నేత సిమ్రన్జిత్ సింగ్ మాన్ స్వర్ణ దేవాలయానికి చేరుకున్న సమయంలో ఖలీస్థాన్ జిందాబాద్ అంటూ కొంత మంది నినాదాలు చేయడం మరోసారి హాట్ టాపిక్ గా మారింది.
ఇదే రోజున, 1984 నాటి సైనిక చర్యలో మరణించిన జర్నైల్ సింగ్ భింద్రన్వాలే వర్ధంతి కూడా కావడంతో గొల్డెన్ టెంపుల్ పరిసర ప్రాంతంలో ఒక్కసారిగా ఉద్రిక్త వాతావరణం నెలకొంది. దీంతో భారీగా పోలీసులు అక్కడకు చేరుకున్నారు.
ఈ క్రమంలో పోలీసులు తోపులాటలు, గోడవలు జరక్కుండా గట్టి బందోబస్తు చేపట్టారు. మరోవైపు.. నిన్న దల్ ఖల్సా అనే సంస్థ ఆధ్వర్యంలో అమృత్సర్లో భారీ నిరసనలు చేపట్టాయి. బుర్జ్ అకాలీ ఫూలా సింగ్ ప్రాంతం నుంచి స్వర్ణ దేవాలయం వరకు సాగిన ఈ ప్రదర్శనలో పంజాబ్ సిక్కు ప్రజలు పెద్దఎత్తున పాల్గొన్నారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి
