Chhattisgarh Blast: మావోయిస్టులు ప్రతీకార చర్యలకు దిగారు. ఛత్తీస్ఘఢ్ సుక్మా జిల్లాలో పోలీస్ వాహనాన్ని పేల్చేశారు. ఈ ఘటలో ఏఎస్పీ ఆకాశ్రారావు అక్కడికక్కడే మరణించారు. డీఎస్పీ, సీఐ తీవ్రంగా గాయపడ్డారు. వారిని ఆస్పత్రికి తరలిస్తున్నారు. పూర్తి వివరాలు తెలియాల్సి ఉంది. కాగా 2 నెలలుగా ఆపరేషన్ కగార్ పేరుతో భద్రతా బలగాలు మావోల స్థావరాలను ధ్వంసం చేస్తోంది. టాప్ కమాండర్ మావోలు కాల్పుల్లో ఇప్పటికే మరణించారు. జూన్ 10న సీపీఐ (మావోయిస్ట్) భారత్ బంద్కు పిలుపునిచ్చిన దృష్ట్యా.. ఎలాంటి నక్సలైట్ సంఘటనలు జరగకుండా ఆ ప్రాంతంలో పోలీసులు పెట్రోలింగ్ విధుల్లో ఉన్నారు. ఈ నేపథ్యంలోనే మావోయిస్టులు పోలీసుల వాహనాన్ని పేల్చేశారు. సుక్మా జిల్లాలో నక్సలైట్లు ఐఈడీ పేల్చారని.. ఫుట్ పెట్రోలింగ్ విధుల్లో ఉన్న అనేక మంది పోలీసులు గాయపడ్డారని స్థానిక పోలీసులు వెల్లడించారు. నక్సల్ ఆపరేషన్ కు వెళ్లి తిరిగి వస్తుండగా ఈ చోటుచేసుకుంది. కుంట సమీపంలోని డొండ్రా అటవీ ప్రాంతంలో ప్రెజర్ బాంబ్ పేలింది.
సమాచారం అందుకున్న అదనపు బలగాలు.. ఘటనా స్థలానికి చేరుకుని మావోయిస్టుల కోసం గాలింపు చర్యలు చేపట్టారు. ఈ నెల 10వ తేదీన మావోల బంద్ నేపథ్యంలో పోలీసులు అప్రమత్తంగా ఉన్నారు. ఈ నేపథ్యంలో చిక్వార్ గూడ వద్ద ఆదివారం ఓ పొక్లెయిన్ను మవోయిస్టులు దహనం చేశారు. సమాచారం అందుకున్న ఏఎస్పీ ఆకాశ్ రావ్, సిబ్బందితో ఆ ప్రదేశానికి వెళ్లేందుకు కాంటా-ఎరబోరా మార్గంలో ఫుట్ పెట్రోలింగ్ నిర్వహిస్తున్నారు. ఈ క్రమంలో మావోలు ప్రెజర్ ఐఈడీ పేల్చారు. ఈ ఘటనలో ఏఎస్పీ మరణించగా.. మిగిలిన సిబ్బంది గాయపడ్డారు. ఆకాశ్ రావ్ మృతిపై ఛత్తీస్గఢ్ డిప్యూటీ సీఎం విజయ్ శర్మ సంతాపం తెలిపారు. ఈ ఘటనపై ద్రిగ్భాంతి వ్యక్తం చేశారు.
Ashok Krindinti
అశోక్ క్రిందింటి జీ తెలుగు డిజిటల్ మీడియాలో సీనియర్ సబ్ ఎడిటర్గా పనిచేస్తున్నారు. ఇక్కడ 2022 నుంచి స్పోర్ట్స్, వినోదం, క్రైమ్, రాజకీయ వ్యవహరాలకు సంబంధించిన వార్తలు రాస్తున్నారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆయనకు జర్నలిజంలో ఏడేళ్లకుపైగా అనుభవం ఉంది.
...Read More
