 "NEET Topper List 2025: నీట్ యూజీ ఫలితాలు విడుదల.. ఎవరికీ ఏ ర్యాంకు.. ఫలితాలు చూడడం ఇలా!")
NEET UG Results: నీట్ (యూజీ) ఫలితాలు వచ్చేశాయి. వైద్య విద్య కోర్సుల్లో ప్రవేశాల కోసం నిర్వహించిన నీట్ యూజీ ఫలితాలను ఎన్టీఏ అధికారులు శనివారం విడుదల చేశారు. మే 4వ తేదీన జరిగిన నీట్ యూజీ పరీక్ష ప్రాథమిక కీని ఇటీవల విడుదల చేసిన విషయం తెలిసిందే. ప్రాథమిక కీపై అభ్యంతరాలు స్వీకరించిన అధికారులు తాజాగా ఫలితాలను విడుదల చేశారు. అయితే దేశవ్యాప్తంగా యూటీ స్థాయిలో ర్యాంకులు పొందిన వారి వివరాలు ఇలా ఉన్నాయి. నీట్ యూజీ రాసిన అభ్యర్థులు స్కోర్ కార్డు కోసం తమ రిజిస్టర్ ఈమెయిళ్లను పరిశీలించాలని ఎన్టీఏ సూచించింది.
దేశంలోని వైద్య కళాశాలల్లో ఎంబీబీఎస్, బీడీఎస్, బీఎస్ఎంఎస్, బీయూఎంఎస్, బీహెచ్ఎంఎస్ కోర్సుల్లో ప్రవేశాల కోసం మే 4వ తేదీన ఈ పరీక్ష నిర్వహించారు. దేశవ్యాప్తంగా ఈ పరీక్షలకు మొత్తం 12,36,531 మంది విద్యార్థులు హాజరయ్యారు. నీట్ మెరిట్ జాబితాలో కేవలం 14 మంది విద్యార్థినులు మాత్రమే చోటు దక్కించుకోగా.. వారిలో అవికా అగర్వాల్ 5వ ర్యాంకుతో మెరిసింది.
ఇద్దరికీ మార్కులు సమానం కానీ..
1వ ర్యాంక్ మహేశ్ కుమార్ సాధించగా.. రెండో ర్యాంకు ఉత్కర్ష్ అవధియా సాధించాడు. వీరిద్దరూ కూడా 99.9999095 పర్సంటైల్ సాధించడం విశేషం. మహేశ్ కుమార్, ఉత్కర్ష్ అవధియా ఇద్దరూ నీట్లో 99.99 పర్సంటైల్ సాధించారు, కానీనీట్ టాపర్ ఉత్కర్ష్ 99.9999547 పర్సంటైల్ సాధించగా, ఉత్కర్ష్ 99.9999095 పర్సంటైల్ సాధించాడు. దీంతో మహేశ్ తొలి ర్యాంకు.. ఉత్కర్ష్ రెండో స్థానంలో నిలిచాడు.
సత్తా చాటిన తెలుగు విద్యార్థులు
నీట్ యూజీ ఫలితాల్లో తెలుగు విద్యార్థులు సత్తా చాటారు. తెలంగాణ నుంచి 41,584 మంది, ఆంధ్రప్రదేశ్ నుంచి 36,776 మంది నీట్లో అర్హత సాధించారు. తెలంగాణ నుంచి కాకర్ల జీవన్ సాయికుమార్ 18వ ర్యాంక్ సాధించి జాతీయ స్థాయిలో సత్తా చాటాడు. షణ్ముఖ నిషాంత్ 37వ ర్యాంక్, మంగరి వరుణ్ 46వ ర్యాంక్, యండ్రపాటి షణ్ముఖ్ 48వ ర్యాంకులు సాధించారు. ఇక ఏపీ నుంచి దర్బా కార్తీక్రామ్కు జాతీయ స్థాయిలో 19వ ర్యాంక్తో మెరవగా.. కొడవటి మోహిత్ శ్రీరామ్ 56వ ర్యాంక్ పొందాడు.
ఫలితాలు తెలుసుకోవడం ఇలా..
అభ్యర్థులు తమ వ్యక్తిగత లాగిన్ ద్వారా అప్లికేషన్ నంబర్ ఎంటర్ చేసి ఫలితాలను తెలుసుకోవచ్చు.
అభ్యర్థులు తనిఖీ చేసి డౌన్లోడ్ చేసుకోవచ్చు. నీట్ టాపర్లు అధికారిక వెబ్సైట్లో 2025 జాబితా PDF- neet.nta.nic.in
నీట్ టాపర్స్ జాబితా 2025 డౌన్లోడ్ చేసుకోవడానికి అనుసరించాల్సిన దశలు ఇక్కడ ఉన్నాయి.
అధికారిక వెబ్సైట్ను సందర్శించండి- neet.nta.nic.in
నీట్ టాపర్స్ లిస్ట్ 2025 పీడీఎఫ్ లింక్పై క్లిక్ చేయాలి
నీట్ యూజీ మెరిట్ జాబితా 2025 పీడీఎఫ్ డౌన్లోడ్ కోసం స్క్రీన్పై కనిపిస్తుంది.
నీట్ టాపర్స్ 2025 జాబితా పీడీఎఫ్ని సేవ్ చేసి ప్రింట్ అవుట్ తీసుకోండి.
నీట్ యూజీ ఫలితం 2025 గురించి వివరాల కోసం అధికారిక వెబ్సైట్- neet.nta.nic.inను సందర్శించండి.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter, Facebook
)