New Income Tax Rules: మారబోతున్న ఇన్-కమ్ టాక్స్ నిబంధనలు.. మీ సోషల్ మీడియా, ఈమెయిల్ ఖాతాలపై ఐటీ తనిఖీ!

Social Media Tax Rules: ఏప్రిల్ 1, 2026 నుంచి కొత్త ఇంకమ్ టాక్స్ నిబంధనలు అమల్లోకి రానున్నాయి. ఈ నిబంధనల ప్రకారం, ఇంకమ్ టాక్స్ అధికారులు సోషల్ మీడియా ఖాతాలు, ఈమెయిల్ అకౌంట్లు, ఆన్‌లైన్ ఇన్వెస్ట్‌మెంట్లు, ట్రేడింగ్ అకౌంట్లను తనిఖీ చేసే అధికారాన్ని పొందనున్నారు. సెక్షన్ 247 ప్రకారం, ఇది ట్యాక్స్ ఎగవేతదారుల డిజిటల్ అక్టివిటీపై నిఘా పెట్టేందుకు వీలు కల్పిస్తుంది.

Add Zee News as a Preferred Source

ఈ కొత్త టాక్స్ బిల్లు, ఇప్పటి వరకు అమలులో ఉన్న 1961 ఇంకమ్ టాక్స్ చట్టాన్ని భర్తీ చేయనుంది. దీని ద్వారా ఆధునిక టెక్నాలజీ ఉపయోగించి దొంగ లావాదేవీలు, అక్రమ ఆస్తుల గుర్తింపును మరింత సమర్థవంతంగా చేయాలనే ఉద్దేశ్యంతో కేంద్ర ప్రభుత్వం ఈ బిల్లును ప్రవేశపెట్టింది.

ఐటీ శాఖ అధికారి ఏఏ అకౌంట్లను తనిఖీ చేయగలరు?

- సోషల్ మీడియా: ఫేస్‌బుక్, ఇన్‌స్టాగ్రామ్, ట్విట్టర్
- కమెర్షియల్ కమ్యూనికేషన్ ప్లాట్‌ఫామ్‌లు: WhatsApp, Telegram, Emails
- డిజిటల్ లావాదేవీల డేటా: బ్యాంక్ ఖాతాలు, ఆన్‌లైన్ ట్రేడింగ్, క్రిప్టోకరెన్సీ అకౌంట్లు
- డిజిటల్ గ్యాడ్జెట్లు: ల్యాప్‌టాప్, మొబైల్, హార్డ్‌డ్రైవ్‌లు

నిబంధనలకు లోబడి లేనివారికి పరిణామాలు?

ఒక వ్యక్తి తన డిజిటల్ అకౌంట్లను ఐటీ అధికారులకు అందించడానికి నిరాకరిస్తే, అధికారులు ఆన్‌లైన్ సెక్యూరిటీని బ్రేక్ చేసి లావాదేవీల వివరాలను గుర్తించగలరు.

పెద్ద వ్యాపారులకేనా ఈ నిబంధనలు?

ఈ కొత్త నిబంధనలు సాధారణ పన్ను చెల్లింపుదారుల కోసం కాదని, కేవలం ట్యాక్స్ ఎగవేతదారులను గుర్తించేందుకు మాత్రమే అమలు చేయబడుతుందని కేంద్ర ప్రభుత్వం స్పష్టం చేసింది. కాబట్టి ఈ నిబంధనలన్నీ దాదాపు వ్యాపారులకే వర్తిస్తాయి. కానీ కొంతమంది మాత్రం ఇలా చేయడం వల్ల.. తమకు ప్రైవసీ తగ్గి తగ్గుతుందని వాదిస్తున్నారు. మరి దీని గురించి ప్రభుత్వం ఎలాంటి నిర్ణయం తీసుకుంటుందో వేచి చూడాలి. అంతేకాదు ఈ నిర్ణయం పైన ప్రజలు ఎలాంటి అభివాదన వ్యక్తం చేస్తారో కూడా చూడాలి.

కొత్త చట్టం వల్ల లాభాలు?

- అక్రమ సంపద, బెనామీ ఆస్తుల గుర్తింపు సులభం
- డిజిటల్ లావాదేవీలపై పకడ్బందీ నిఘా
- క్రిప్టోకరెన్సీ మోసాలను అరికట్టే అవకాశం

మొత్తంగా ఈ కొత్త నిబంధనలు ట్యాక్స్ ఎగవేతను తగ్గించేందుకు ఉపయోగపడతాయి. కానీ, వ్యక్తిగత గోప్యతపై ఏమేరకు ప్రభావం ఉంటుందనేది ఇప్పటికి చర్చనీయాంశంగా మారింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe

సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.Facebook, Twitter

About the Author

Vishnupriya

విష్ణు ప్రియ జీ తెలుగు డిజిటల్ మీడియాలో సీనియర్ సబ్ ఎడిటర్‌గా పనిచేస్తున్నారు. సినిమాల మీద ఆసక్తితో ఎక్కువగా వినోదం కేటగిరిలో వార్తలు రాస్తున్నారు. అదేవిధంగా హెల్త్, లైఫ్ స్టైల్, క్రైమ్ కేటగిరీలకు సంబంధించిన వార్తలు కూడా రాస్తూ ఉంటారు. గతంలో ప్రముఖ మీడియా సంస్థల్లో వివిధ రంగాలకు సంబంధించిన వార్తలు అందించారు. ఆమెకు జర్నలిజంలో పదేళ్లకు పైగా అనుభవం ఉంది.